د|عشي على تيكتوك قاعد يدمر علاقتي بأمي و الله باقي لي شوية و ألح.د
اول شيء انا مىىلم و ملتزم باغلب تعاليم الاسلام لكن عندي تقصير في الصلاة لأن بعد شفت عمل ١٠ ساعات اخرج قبل الظهر بساعة و غالبا انام عن الظهر و العصر و المغرب و امي مزعلها هذا الشيء لكن مو معقول بعد شفت ١٠ ساعات اقوم كل ساعتين أصلي ! غير كذا ملتزم بالاسلام لكن شوية و انجن من التناقض اللي قاعد يصير معي في حياتي ، انا اللي اعرفه ان ديننا دين سلام و يؤمرنا نعامل المسيحيين و اليهود بالحسنى هذا و هم غرباء مش عائلة و فوقها من دين مختلف ، فكيف يطلب منا نقاطع اهلنا اللي ما يصلي منهم و لا نتكلم معه و لا نجلس معه و لا نأكل معه ؟؟؟ وش هذا التناقض المفجع !
امي ارسلت لي مقطع تيكتوك و الله لما شفت حجم اللايكات انجنيت و احس خلاص فكرت اني ما ابغى اكون محسوب مع ناس مجانين زي كذا ! ٨٠٠ ألف لايك في اربع ايام على مقطع بودكاست الضيف فيه واحد د/عشي يقول ولدك اللي ما يصلي تقاطعه لا تجلس معه و لا تأكل معه !!! 😨 و التعليقات كلها ردود مآسي و كوارث ، واحد كاتب اخوي ما يصلي يعني اقاطعه و الردود يكتبون له ايوه قاطعه ! و واحد كاتب امي قومتني من عالسفرة و انا صغير لأن ما صليت تقول ما يأكل معنا !!! وش هالترومات وش القرف اللي شفته !
لا احد يقول د/عش انتهت ، الناس هم د/عش ، الجنون هذا هو د/عش و الله صرت اتفهم كل شخص ألحد استغفر الله لأن اللي يصير مو منطقي ! امي تحبني و مستحيل تسوي شيء زي كذا معي لكن مجرد ارسلت لي المقطع قلبي وقف و حسيت بقهر و الله رميت الجوال و انكسرت الشاشة من القهر ! وين اللي يقولون الدين يحافظ على كيان الاسرة و بعدين في الاخير يصير كذا فرقة و كره و تدمير أسر و علاقات عشان الدين ؟
يا رب ثبتني ، يا رب لا تختبرني ... خلاص انا بانجن ! هذا اخر خط عندي ! الا امي يا ملاعين !!!!!!