u/MWsso

انا ام جديدة وحابه اعرف وش افضل جهاز شفط الحليب (للادرار او التخزين)

اول شيء اخترت اطرح مشكلتي بهذا الصب لأن اغلب البنات اللي فيه واعين واسفه لو البوست ممكن ما يناسب البعض.
انا متزوجة من سنة ونص، قبل كان عندي توقعات ورغبات من الزواج لكن اكتشفت الواقع مختلف وما يشبع احتياجاتي .. زوجي حبيب وكريم هادي مايعصب ونسافر كل فترة بس يا بنات ممل جداً مايضحكني وما يتفاعل او يبادلني نفس الطاقة حتى حسي الفكاهي ما يفهمه + ما يجتهد ويتزين عشان يجذبني اذا طلعنا يلبس اي شيء + ما احس انه يحتاج مني اشياء زي ما انا احتاجها، الاحضان، القبلات، العلاقة، المحادثات العاطفية، هذي كلها مقصر فيها ولا اقدر كل مره ابادر! البنت تحب تحس انها مرغوبه وتحس بأنوثتها نفسيتها تصير عال العال وتبدأ تدلع لا شعوري. حتى لما ارسله كلمة حلوه او اعبر ما يرد بحرارة او يرسل ستيكر (عكس فترة الملكة كان طايح على وجهه). ودايم طاقة الحب (ان شاءالله فهمتوا) عندي اقوى منه.

ممكن تقولون لا تفكرين فيه وبيجيك، جربت مافاد.
وبتقولون وضحي له جربت اوضح له اني احتاجك ولا تبعد، يتعدل كم يوم ويرجع.

تعرفون لما يقولون البنت تزهر مع اللي تحبه ويسعدها؟ بنات انا ما احس اني كذا، ولا احس اني اعيش الحياة العاطفية اللي اطمح لها ولا احس بالمشاعر اللي كنت اتمناها

احس جالسة انطفي وافقد الشغف ومابي اتجه لأي وسيلة ماترضي ربي لأني فعلا ابي احد يفهم احتياجاتي وازهر معه واستمتع .. بكل بساطة 💔

كيف احل المشكلة؟ وش افضل اسلوب؟ وهل ممكن يتغير؟

بنات وش الاجراءات المسموحه بالحمل؟ وايش تسوون اشياء تحليكم؟
مثلا تنظيف بشرة (هيدرافيشل) ، تشقير حواجب بالليزر، صبغة حواجب بيجن (المنزلية) الخ..
ثقتي دمار وصرت اتصدد عن المرايا وعن زوجي وجهي صار اشحب ومليان وحواجبي فجأة صارت شفافه راح لونها 😔

بنات كم زدتوا بحملكم؟
انا ببداية السادس وزدت ٨ كيلو ونص ومره ما تقبلت جسمي بعد السمنة 😔

بنات المعذرة على السؤال بس بكرية وابي اسمع تجاربكم
ممتنعه عن العلاقة طوال فترة الحمل لخطورة حملي وخايفة من اول علاقة بعد الولادة.
هل مؤلمة؟
وكيف شكل المنطقة ومتى ترجع زي قبل؟
ومتى افضل وقت تكون العلاقة بعد الولادة؟

بنات تعرفون احد كويس مختص بالعلاقات الزوجية؟ ابي افضفض لين اقول بس