مو عارف
بصفتي بتنقل بيت البلدان بشكل عام
.
قبل هيك انا زرت مدينة طولكرم مرة و انا صغير رحت على الميغا لاند و مرة في ٢٠١٨
في ٢٠١٨ كانت من اجمل ما رأت عيني مكان بالكوكب ، ما بعرف لو بقدر قارنها منطقيا بمكان مثل اسطنبول و باريس و اشبيليا ، بس يلي بعرف ان انا حبيتا اكثر من هيك مدن(مو منطق بعرف المشاعر بتحكم) . اهلها كثير جدعان و طيبين لطيفين ما في نوايا و قلوب سودة اراضيها و اطلالاتها كلها عبعضها بتجنن
هون وصلنا للنقطة يلي بتوجع
قبل كم يوم ٢٠٢٦ انا دخلت طولكرم ، اخ منهن اللي ساوو فيكي هيك اخ
شوارع مهجورة بس شارعين فيها يلي عم بيمشي فيهم ناس و مو طويلين
بيوت مهدومة و شوارع مسكرة بجبال مخلفات هدم
اهل طولكرم(طولتشرم) نفس الجدعنة و نفس الاخلاق بس مو نفس الناس مو نفس الطاقة ، مو نفس الحياة ، سوالف مختلفة ناس مهجرة و الاطفال بتشحد ، ٢٠٠ شيكل تعتبر ثروة ، محلات تجارية ل اهل رام الله و الخليل(وين اهل طولكرم؟؟، ما حدا بيعرف) التعاطي واصل مراحل اعلا من مدن اوروبا ، اغاني شب جديد بدل شفيق كبها ، غير ان صار في (باللفظ المحترم وجود لبنات مو مناح)
.
شو يلي صار ، وين راحت روح المدينة