‏سلام عليكم ورحمة الله وبركاته

النهارده عايز أتكلم في ليه السماء زرقاء اللون ( الموضوع داخل في الفيزيا بشكل كبير وانا مش عندي الخلفيه الكافيه إلا بالأمر المبسط ف للامانه العلميه حبيت أوضح والي عايز يبحث اكتر يبحث عن Rayleigh Scattering)

ركز مع الصور وهسيب فيديو قصير يوضح المعلومه اكتر لو شرحي كان صعب https://youtu.be/9-i360iLjEo

يلا نبدأ

اولاً كدا الشمس لونها ابيض ايوه زي ما سمعت
هي مكونه من السبع ألوان
VIBGYOR = violet indigo blue green yellow orange red
والأوان دي ترتيبها مهم

ف كل الحكايه ي الي بتقرأ دلوقتي في حاجه أساسيه وهي ايه
الأتموسفير لولاه فعلا الوضع كان هيبقى رعب شمس بيضا والي حواليها اسود

تعالى نرجع للغلاف الجوي الأتموسفير (بص معايا هديك تشبيه عارف لما يكون عندك بصله ؟ تخيل انه طبقات وكل ما قربت لسطح الأرض زادت الجزيئات الي فيه وكل ما بعدت قلت الجزيئات عشان كدا كل ما طلعت فوق اللون بيقل الي ١٠٠ كيلومتر اللون بينعدم)

طب ايه لازمة الجزيئات؟ هي دي بقا سبب الحوار دا كله
فاكر لما قلتلك فوق ان الأوان الي فوق ترتيبها مهم ؟

الترتيب مهم عشان من الv أقصر طول موجي وال r اطول طول موجي
وفي علاقه هنا وهي ان الطول الموجي ليتناسب عكسيا مع نسبة التشتت يعني اطول طول موجي اقل تشتت والعكس Rayleigh Scattering

وهي دي النقطه بقا لان الجزيئات دي هي الي بتشتت اللون الأزرق
( هتقولي إني بكذب ، طب ليه ؟ عشان اللون ال v هقولك ان الشمس بتنتج كمية قليله منه ف اه هو اكتر تشتت من الأزرق بس الأزرق كمينه اكتر ف هو الي بيبان )
ودا بقا بيقول ليه الشمس صفراء(احمر برتقالي اصفر ) لان الأطوال الموجيه الأقصر أتشتت فعملت لون السماء الأزرق فتبقى الأطوال الموجية الاطول دا بالنسبه لوقت الظهيره

عكس الشروق والغروب هنا الموضوع بيدخل فيه عامل تاني الي هو المسافه لان الشمس بتكون بعيده عن الغلاف الجوي اكتر ف الأطوال الموجيه الأقصر أتشتت بس بعيد ف الي وصل وكمل هي الأطوال الموجيه الاطول فنلاحظ ان الي وصل هو البرتقالي والألوان التانيه والشمس يتبقى ليها الأحمر البرتقالي

هيجي في دماغك طب ايه السحاب ابيضّ مش ازرق مش هو جزيئات ماء ، هقولك ان عشان الجزيئات تشتت الضوء لازم يكون حجمها اقل من الطول الموجي للضوء ، فلما الضوء الي هو ابيضّ يخبط فيها مش بيتشتت بل بيبان بلونه الاصلي

Bonus

( عشان كدا لو فكرت في سوال احنا ايه مش بتشوف النجوم الصبح ، مش عشان الشمس بل علشان الجزيئات الي في الغلاف الجوي الي عامله الضوء الأزرق دا عامله شبه درع او هاله من اللون الأزرق )

و بس كدا أتمنى أكون عرفت أوصل معلومه
ولا للمره المليون مش انعكاس لون البحر

أنا مش هتكلم كتير عن google dorks ممكن اكتفي ي امر واحد او اتنين والباقي موجود على النت
تحذير : أنا غير مسؤول عن اي استخدام حرام او للضرر الشخصي او ايه هيئة وفقط لأغراض تعليميه

تمام سلام عليكم
يعني ايه google dorks بالعاميه كدا هو انت بتبحث بس بتقوله انت عايز ايه بالظبط يعني مثلا انت بتبحث عن كتاب معين عايز تحمله pdf
filetype:pdf
وهكذا هنا ال file type ممكن تحدده pdf او مثلا شيت أكسيل و هكذا تمام ؟ طب ايه كمان مثلا عندك site: site name هنا لو انت عايز تبحث في موقع معين وايه كمان intitle: ودا بتقوله أنا عايز لو شفت في عنوان كذا هاته علطول طب ايه بقا الخطير الخطير انك تقدر تدمج اكتر من كذا واحد مع بعض يعني مثلا كتبت intitle:"webcamXP 5" دا بيوريك الكاميرات المفتوحه ( تحذير قد يكون هناك أشياء غير اخلاقيه ) وتقدر بقا تستخدمهم مع بعض وتبحث
ف انت حرفيا بقيت عايز تبحث جهز أدواتك ، عايز pdf وعايز أسم الكتاب تقدر بقا تعمل ، لو عايز تتعلم اكتر ممكن تبحث عن google dorks
أنا مؤمن ان العلم مش سيء بطبيعته بل المستخدم هو الي بيحدد هل هيستخدم الأشياء الي فوق دي مثلا لتحميل كتاب للوصول لوجهه اسرع وهكذا ، واكيد في العديد من الاستخدامات السيئة

الكعب في بدايته كان غرضه عسكري (القرن العاشر)
لان الفرس كانوا يستخدمونه في تثبيت القدم في ركاب الحصان
ودا سمح ليهم بالوقف على ظهر الحصان وإطلاق الأسهم

وبعديها بقا للملوك والأغنياء بحيث انه بيعبر عن انك شخص غني جدا ومش لازم تشتغل ولا تمشي في الشوارع مع عامة الشعب ( من اشهرهم هو الملك لويس الرابع عشر وهو كان قصير القامه فاستغله عشان يبقا اطول واكتر هيبه وميز نفسه بالكعب الاحمر ومنع عامة الشعب أنهم يلبسوه ) (القرن السابع عشر)

ومن هنا بدأ النساء في تقليد لبس الرجال كنوع عن التعبير عن القوة
وبدأوا يغيروا تصميم الكعب بحيث خلوه ارفع وزينوه بينما الرجال ظل عريض إلى ان بدا الرجال في التخلي عنه لأنه اصبح يعبر عن الانوثه وبسبب انه غير عملي مع بداية الثورة الصناعيه والتوجه للملابس المريحه ( القرن الثامن عشر )

الكعب الحديث ( القرن العشرين )
في خمسينات القرن الماضي استخدموا الفولاذ ظهر الكعب الرفيع جدا الستيليتو ومن وقتها إلى دلوقتي هو للنساء

كنت من فتره قعدت أفكر كدا هو أنا لو بطريقة ما نسخت كل ذكرياتي من حياتي وحطيتها في كومبيوتر اوٍ بمعنى اصح عملت استنساخ وحطيتها فيه هل الاستنساخ دا اصبح أنا ؟ يعني لو أنا الحقيقي مات يبقى الاستنساخ إلى هو أنا كدا هيكمل ومش هيجي لأنو محصلوش
حاجه
بجد أنا فضلت كدا في نص الضلمه ودماغي هنجت بس من وجهة نظري ان الإنسان مش ذكريات بس لأنو لو كان كدا كنا شغلنا استنساخ واعمل نسخ
في عامل الروح
وشكرا لقراءة الهواجس دي
والسلام عليكم ورحمه اللّٰه و بركاته

زعلت جدا على القط دا شكله كان في بيت ( الصوره دي من فتره افتكرتها دلوقتي )

هما حاجتين بس مش هطول عليكم
اول حاجه هي عباره عن عصير ، هتروح لأي عصاره وتقوله عايز مكس عناب على خروب ( بنسبه ١:١ في الغالب ) ( هيعد بأصلك دا شويه قوله ايوه ) وذوق حاجه بجد انت تشرب شفطه ب شفطه عشان الطعم يبان

تاني حاجه هتجيب خبز عادي او ممكن فطيره
عموما اي نوع عيش المهم الجاي هتجيب جبنه رومي ( وسط ) دا مع كاتشاب ودخلها المايكرويف تسيح وطلعها استنى شويه عشان متتلدعش من الكاتشب وبالهنا

** دي من زمان وانا صغير كنت يجيب طماطم واقطعها نصين واحط سكر عليها وأكلها كانت حلوه الصراحه