اسنان ولا بشري
أنا محتارة جدًا بين الاتنين ومش عارفة آخد قرار
أنا أصلًا كنت ميالة لأسنان بس كل شوية حد يقولي بلاش أسنان السوق متشبع والأعداد كبيرة ومفيش شغل فبقيت أشك في اختياري وتعبت من كتر التفكير
لو بشري فغالبًا هيبقى حكومي في الأقاليم ولو أسنان فغالبًا عندي فرصة أدخل القاهرة والاتنين عندي فيهم option أهلية برضه
فأنا بجد محتاجة نصيحة حقيقية ومن أرض الواقع مش مجرد اعملي اللي بتحبيه لأن أنا أصلًا مش متعلقة بواحدة فيهم بشكل قوي ومش عارفة أقرر على أساس إيه
أنا خايفة أختار أسنان وبعد كام سنة أندم وأقول يا ريتني دخلت بشري وفي نفس الوقت خايفة أختار بشري وأكتشف إني ضيعت فرصة أسنان القاهرة خصوصًا إني مش عايزة أفضل في الدراسة والتدريب لحد سن كبير قبل ما أحس إني بدأت حياتي
فلو حد كان في المجال أو عنده تجربة حقيقية مع الاتنين ياريت يقولي بصراحة لو كنت مكاني تختار إيه وليه لأن القرار ده فعلًا هيتبني عليه مستقبلي