شعور بالذنب مميت
السلام عليكم..
انا عايز اقول حاجة وحد ينصحني سواء عن تجربه او لا طبعا انا كل الكلام الي هقوله ده عارف انه غلط جدا وانا تبت وصلحت كل حاجة بس لسه الذنب بيخليني مش عارف اكمل حياتي نظرتي عن نفسي يعتبر اختلت تماما.
الموضوع وما فيه كنت اعرف بنت لمده كذا سنه وكان في حب متبادل ونية للجواز بس اهلها اجلوا كذا مره وانا حاولت ابعد عنها كذا مره برضو معرفتش سواء انا او هي وبعد كام سنه دار بيني وبينها خناقات كتير وزعل بس انا كنت ملتزم بيها برضو ومش عايز نخسر بعض، بعدين كتر الزن ابوها وافق يقعد معايا اخيرا بس كان بيماطل جدا معايا مش عايز يعجل بالخطوبة.
وفضلت كده مستني منه كلمه لمده سنه كل ما احاول اخد منه كلمه يقولي انا مسافر وراجع وبتاع المهم خلال السنه دي للاسف حصل تجاوزات اونلاين بيني وبينها وبعتنا نودز لبعض وانا لحد النهاردة ندمان اشد الندم على ده
بعدين زادت الخناقات بينا جامد وهي فضلت تصر اننا نسيب بعض وانا اعيش حياتي واخطب بنت تانيه ، وبالفعل على نهاية السنة كنا سبنا بعض وبعدها ب ٥ شهور خطبت بنت كويسة جدا ومحترمه جدا وتكاد تكون مفهاش غلطه وبتحبني وانا فعلا بحبها بجد وبحترمها جدا وخلال ٣ شهور هنتجوز باذن الله
بس رغم ذلك انا مش راضي عن نفسي ليها.. انا مبقتش راضي عن نفسي كا انسان اني عملت الذنب ده ورغم اني توبت وصليت توبة وتصدقت بفلوس وبكل حاجة ربنا ادهالي تقريبا
رغم ذلك لسه الندم والزعل على الذنب ده بيخليني احيانا اتمنى اموت مش قادر بجد اكمل حياتي بعد الغلطه دي..
وازاي انا كشفت نفسي لبنت وهي كشفت نفسها ليا ونسيب بعض الموضوع بجد مؤلم نفسيا وكوني عارف ان ربنا شاهد وانا تعديت حدودي مخليني شايف نفسي انسان حقير جدا.
ازاي ارجع تاني احس برضى عن نفسي .. وازاي اتعايش مع الغلطه دي.