u/Not_JN

انا مش مصدق الي حصل دا والله العظيم من شدته، الطفلة دي هي بنت اقاربي وكانوا قالولنا امبارح بس انها مرجعتش من الحضانة وكنا فاكرين ان الموضوع اخره على انها تكون تاهت وكنا بندعي ان الشر ميحصلش وانها تكون اتخطفت مثلا لكن انهاردة صحيت على الخبر الأسود دا.

الموضوع دا حصل في مركز ابو قرقاص قرية السحلة، واتقبض على عدد من المشتبه بيهم وغالبا او المتأكدين من انها هي عملت كل دا هي مدرسة سابقة في الحضانة حاولت تسرق تلفون ام الطفلة لكن هي مسكتتش وراجعت الكاميرات والمدرسة دي انطردت من المدرسة من ساعتها.

لكن انا بجد مش متخيل ازاي كل دا يحصل، انا عارف ان فيه ناس سايكو لكن مش معقول يبقوا في وسطنا كدا لا وكمان كانت بتدرس نفس الطفلة دي الي قتلتها ومثلت بجثتها بالشكل البشع دا..انا بجد مبقتش عارف حاجة في مصر ربنا يصبر اهلها.