متى تغير مفهوم الارتباط عندنا؟
كتير في أشياء تغيرت بمجتمعنا هالأيام. الشغل صار بده تعمل لحالك براند ومو مهم المحتوى. الصداقة صارت للصور بحت وغير هيك ما بعرفوا بعض زي الغرب. حتى الارتباط صار للعرض والتسلية بس عشان تحس في إشي بحياتك مو عشان الزواج يعني صرنا زي الغرب تمامًا. من متى صار فرض لازم أعامل واحد غريب زي كانه زوجي عشان نشوف إذا بزبط نخطب ولا لأ؟ وكيف الناس بتوثق ترتبط بحدا عمرهم ما قابلوه وبس بعرفوه عالتلفون؟ والأهم من هيك، ليه صار اللي بده يتعرف بموافقة الأهل متخلف ورجعي وفي وراه إشي؟ حاسة حالي دقة قديمة وفيني إشي غلط وأكتر إشي مستفزني حاليًا إنه إذا أنا مو محجبة يعني أكيد لازم أكون مصاحبة أو بدي أصاحب وما بطلعلي أمشي بالحلال وأتعرف عن طريق أهلي. هاي زي فضفضة صغيرة صرلها فترة ببالي ونفسي أعرف شو رأي الناس بهاد الموضوع. **للملاحظة أنا Gen Z وزهقانة من التقليد الأعمى عشان ما تفكروني ختيارة.