u/Ok-Taste4115

السلام عليكم ورحمة الله وبركاته

اول شي عشان لا احد يجي مدرعم انا جاي ابغا اناقش ولا ابغا أقنعك بشيء ودي بس اسمع نقاشات عن ذا الموضوع يعني اللي بيشتري سيارة رياضية باداء عالي الواضح انه بيستمتع بقيادتها اكيد ولا ليه شاريها

طيب اذا هو اسرع وصدم وتوفي هل معناه كذا ان السيارات الرياضيه من الطرق التي تؤدي الى التهلكه ؟ طبعا بيختلف الموضوع هل دعس بشارع مجهز او لا هل كان ماخذ بالاسباب قبل لايدعس اصلًا

سويت بحث مبسط ويمكن انه غلط لكن سباق الفورملا 1 يستخدمون فيه احدث طرق الوقاية ونشوف فيه حوادث شنيعة النسبة اللي لقيتها كانت 0.35٪ واللي كانت مقابل حوادث السيارت الطبيعية افضل لان نسبة الوفاة بالحوادث 0.93٪ وذي حوادث السيارات ماهي السير لان بينهم فرق بالحسبة

لكن هنا فيه فرق كبير انت تتكلم عن اجد وافضل شي قد تكون السيارات الرياضية فيها انظمة امان متقدمة لكن ماتوصل للفورملا 1 ولايمكن حتى نصها الا لو خشينا بالسوبر كارز

ودي اسمع ارائكم ونقاشاتكم على الموضوع

اول شي انا شخص استلذ جدًا بالمحصول اللي اسويه ولازم المحصول يكون لذيذ خلال كل المراحل من يوم ما افتح التغليف حق المحصول الى ان اشرب القهوه

فيه محصول طحت فيه قبل فترة من محمصة اسمها ريكس اسمه بينا كولادا لكن ماكان التوب الى ان لقيت بمحمصة بريهنت محصول بينا كولادا وياساتر ياريحته ياناس شي مجنون ادمان ماهو طبيعي حتى صاير بالليل ودي اشربه من كثر ماهو لذيذ كل ذا وانا اشرب المحصول حار وطعمه الذ بالبارد المحصول فاكهي بحت لدرجة تحس انك تشرب بينا كولادا ماهي قهوه نهائيًا المحصول مالقيته بموقعهم ولا لقيت له صور لانه الظاهر خلص لكن ياعالم لذيذ جدا كانه يشبه سيارات لوتس ماهي غاليه ومافيها احصنة عالية لكن السيارة صغيره وسريعه وملمومة ومتعة القيادة فيها لاتضاهى

قبل فترة كنت ادور موقف عند الدوام الظهر وبعد مافريت المربع 3 مرات مالقيت ولا موقف بس شفت واحد بيركب سيارته ورحت وقفت بعده اول ماطلع دخلت ويجيني واحد معه يارس يقولي ياخي اطلع والله مالك داعي انا منتظر لي ساعة قلت له يخوي راحت عليك انا سبقتك بعدين كيف لك ساعة وانا توني طالع من موقفي قبل شوي ليه مادخلت مكاني ؟ بعدين شف يمديك توقف سيارتك قدامي ف لاتسوي شوشره والشارع فاضي ومشيت من عنده ورحت اطلب لي عصير بنفس المحل اللي اطلب فيه عصير جاء فيه نفس الشخص 🙏 وقال تراك مو محترم قلت طيب وبعدين شرح لي انه اصلا كان حاجز الموقف ومتفق مع العامل وهو في انتظاره 😵 عشان كذا مادخل موقفي ياناس انا ذاك الوقت انحرجت منه الادمي منتظر ومتفق مع الشخص الثاني عشان يطلع وياخذ موقفه جيت انا وقربعت الدنيا 🙏🙏🙏🥀 الزبده تصالحنا وبسنا بعض عشان نبين ان النفوس طيبه وهو وقف قدامي