انا بكره امي فشخ
انا امي كانت بتضربني من وانا في حضانه ضرب مبرح لدرجه اني بنزف دم كتير وكانت بتحبسني في الحمام وكانت تربطني في الكرسي وتجيب صباعي تحرقه بالولاعه وكانت بتختار اكتر ادوات تعذبني بيها يعني لو ضربتني بالشبشب ده بالنسبالي رفاهيه وكانت بتخوفني اني لو ضيعت السلك او الخرطوم هتجيب حاجه اقوي تضربني بيها ومره فتحت دماغي قبل كده عشان خبطت راسي في ازاز الترابيزه ودماغي اتفتحت ناهيكم اننا كنا بنغير ازاز اسبوعيا لانها كانت بتكسر الازاز ده عليا ودخلت المستشفى اكتر من مره بسبب كده و دراعي اتكسرت مره من كتر الضرب وجالي تمزق في الاربطه برضو من كتر الضرب كنت بتضرب كل يوم وفي اليوم الواحد اكتر من خمس مرات وحاولت قبل كده تكسر رقبتي وحاولت اكتر من مره تقتلني وكانت بتشتمني باوسخ الشتايم وتقول عليا شر&طه لانها كانت بتتهمني اني بتفرج علي افلام سكس وتقولي يا سكساويه بدون اي سبب وتخوفني انها هتعملي ختان وانا طفله ومش فاهمه اصلا يعني ايه اللي هي بتقوله ده وكانت بتروح ل ابويا تقوله اني بتفرج علي سكس واني بتاعة رجاله بدرن اي دليل وكانت بتسيب ولاد خالي يتحرشو بيا ولما بشتيكلها كانت بتقولي بسبب لبسك ( كنت في ٣ ابتدائي) وكانت بتتنمر عليا وبتمارس معايا الصمت العقابي وكل الاساليب النفسيه المدمره وبتروح عند قرايبها تعيش دور الضحيه وتطلعني حد وحش وكانت اول ما تخلص ضرب ترن على اهلها علي طول تشتكي مني وتسمحلهم انهم يشتموني ويتكلمو عليا بشكل وحش وانها غلبانه واني بضربها وهي حرفيا قدي ٥ مرات يعني لو ضربتها هي تقعد عليا تعجني وعملت فجوه بيني وبين اخواتي وخلت اخواتي يبعدو عني و كانت بتحرجني قدام صحابي وبرضو صحابي كانو بيبعدو عني بسببها وكانت بتخلي المدرسين في المدرسه يتطاولو عليا ويتنمرو عليا قدام الفصل ويهزأوني والفصل يضحك عليا وكانت عايزاني ابقى شاطره مش عشاني ده عشان شكلها ولما كنت بطلع من الاوائل كانت بتعنفني عشان مطلعتش الاولى وبنت صاحبتها هي اللي طلعت الاولى وكده صاحبتها احسن منها الفكره اني لما كنت طفله بقى عندي رغبه اني اقتل ناس وبقت شهوتي اني اشوف حد خايف وقلقان وبيتعذب ف كنت باذي الناس عشان اشوفهم كده بس حاولت اعالج ده بنفسي لاني عارفه اللي بعمله غلط الحمد لله غيرت ده وبعدها دخلت في حاله اكتئاب من وانا في خمسه ابتدائي واتشخصت بيه بعد ما اثر علي صحتي الجسديه و وقتها امي اتهمت الدكتور بالتخلف والجنون لانه عرف ان السبب هي الام ومنعتني من العلاج وراحت عرفت قرايبي وكلهم مسكوني تريقه وانا كنت كل ده برمي اللوم علي نفسي وكنت بحاول اخليها تحبني بكل الطرق كنت بجيبلها هدايا كنت بحرم نفسي من المصروف عشان احوش واجيبلها حاجه وكانت بتتريق عليا وتقلل منهم لحد ما وصلت ٢ اعدادي ومن وقتها مبقتش بجيب هدايا كنت بكتبلها جوابات عشان اصالحها لما كانت بتضربني او عشان تقولي انا علي الاقل عملت ايه لانها كانت بترفض تسمعني ف كانت بتقطع الجوابات او تقولي خطك وحش المهم انا قعدت سبع سنين بحاول اطلع من حاله الاكتئاب دي والحمد لله اعتقد اني نجحت بس انا لسه عندي كل اعراض اضطراب ما بعد الصدمه المعقد وكل يوم بفتكر اللي كان بيحصلي وبتعصب فشخ ونفسي اقتلها ونفسي اسامحها مش عشانها عشان نفسي وبخاف فشخ عيالي يكرهوني وبخاف فشخ اكون زيها نفسي ابقى حد كويس عشان عيالي وجوزي
انا حاليا ٢١ سنه