معاناتي مع البنات
السلام عليكم بنات أبي أتكلم بموضوع صار لي فترة طويلة افكر فيه وأحس أنه العله مني أنا ولكن ما ادري إذا صج مني أنا. المشكلة وما فيها إني أعاني في تكوين صداقات مع البنات عندي صديقات لا تفهموني غلط بس لي يومكم هذا احس اني وحيدة أنا إنسانة أحب أطلع أحب اقعد مع رفيجاتي أحب اسوي فعاليات وأنا من النوع الجريء مو النوع اللي أخاف يعني باختصار الرهاب الاجتماعي عندي شبه معدوم المشكلة عندي مو بس بالبنات اللي فيه رهاب اجتماعي مشكلتي إني أنا قاعدة اجذب (attract) البنات اللي عندهم مشاكل نفسية يعني تخيلوا كل ما أبي أطلع معاهم أبي أسوي شي ما يقدرون لأن نفسيتهم حيل تعبانة ولايعة جبدهم وحتى أكل ما أقدر استمتع بالاكل معاهم لأن مسدودة نفسهم يعني تخيلوا حتى الأكل محرومة منه معاهم وأنا أحب أكل واجرب اطباق يديدة اهما خوش بنات ولا في أطيب منهم ولكن أنا عندي رغباتي أبي أعيش حياتي مع صديقاتي بس ما أعرف احصل صديقات يعني ما أدري أصلا شلون حصلت رفيجاتي بالغلط اعتقد يعني ولا واحدة من صديقاتي تعرفنا على بعض وصرنا رفيجات فيس تو فيس إلا وحدة الباجي لازم يعرفوني من طرف الثاني وهذا شي طبيعي لا تفهموني غلط بس احس شخصيتي مع البنات وخصوصا بالكويت مو سهلة قبل ومتفاهمة هالشي مو قاعدة أحط الغلط على البنات ولا قاعدة أحط الغلط علي ولكن مو عارفة شنو أسوي ادري في بعضكم بفكر أن صديقاتي قاعد يطلعون أعذار انه ما يبون يطلعون معاي ولكن اهما صج يعانون من المشاكل النفسية فيهم اكتئاب و مشاكل نفسية ثانية لا تسألون ليش هل الناس تنجذب لي مو قام عيب عليهم ولكن أنا مستغربة أن ليش يعني؟ أنا من النوع اللي أسولف وايد أضحك وايد أحب الوناسة أدور على الفعاليات واهما كلش مو جذي المعدن متشابه واهما حيل خوش بنات و احبهم صج بس life style حيل مختلف و حيل احس اني وحيدة (اسفه اذا الكتابه غريبة لاني كنت اتكلم بالمايك و اهوا يكتب لي 😂)