عندي فرصه كويسه لفلوس كفايه اني اخيرا اسيب البيت الي انا عايش فيه و ابعد عن شويه حاجات كتير بس الفرصه خايف منها انها تكون غلط او فلوس "حرام" فا حقيقي مش عارف ممكن اعمل ايه
هل اقبل الفرصه و اخاطر ولا افضل ادور علي حل تاني و ابعد عن الفرصه دي
في العادي لما ببقي هعمل حاجه خايف منها ببقي عندي قلق و شعور داخلي بيقولي متعملش كده لكن المرادي مش حاسس بالاحساس ده
المكان بقاله فتره كبيره بيتكلم علي حاجات صعبه زي التوهان او التروما او الخوف من حاجات فا علشان الواحد مع الوقت بيشوف الدنيا كلها وحشه لما مبيبقاش في غير حاجات تزعل قدامه طول الوقت فا جربوا تكتبوا حاجات في الكومنتس حلوه بتحبوها عادي او ذكري لطيفه
اه و الصوره من علي بنترست لستايل عايز اجربه لان اخر مره نزلت صوره فيها ايدي جالي dms كتير بشعه
البوست ده مجرد رانت شويه حلوين فا محدش يتضايق انه بوست طويل و كل الكلام الي هقوله انا بقوله بصورة مباشرة عن نفسي علشان محدش يحس انه كلام موجه لحد لاني عارف ان في ناس ممكن تضايق
انا دلوقتي عندي ٢٨ سنه
فكرة اني كوير هي من اغرب الحاجات الي لقيت ليها وصف بعد ما حاولت اسال كل سؤال ممكن و ادور ليه علي اجابه
زي هو انا ليه كده هل في حاجه حصلتلي و انا صغير هل انا متقبل نفسي او في حد ممكن يتقبلني كده طيب كده انا هدخل النار ولا الجنه هل ممكن يبقي ليا اصحاب ولا هبقي لوحدي و هو يعني ايه حب او صحاب اصلا
اول سؤال هو الموضوع سيكشوال ولا حاجه تانيه؟
و الاجابه الي لقيتها ان فترة الانجذاب بتبقي مرتبطه بفترة البلوغ الجنسي او خليني اقول عليها احسن الفضول الجنسي
في الاول كل الي حواليا بيتكلموا بس عن ده في المدرسه يا بورن يا عن قد ايه البنت دي جامده و كل واحد بيفتخر بقد ايه انه اتحرش ببنت
و كل ده انا بتعرضله كمشاهد مش مشارك فيه بس كل ده كلام بيتقال في الخلفيه بيزود الفضول ناحية اني اشوف ده ايه و هنا في بدايه اكتشاف الرغبة الجنسيه تكتشف ان مش زي ما كان بيتقال و احنا صغيرين الرجاله بتتجوز ستات بل تكتشف ان الحاجه الي الكبار كانوا مخبينها هي الجنس و في الوقت ده بيبدا اي حد يشوف حاجه بتعجبه او بتثير فضوله بس في نفس الوقت بيبدا اول سؤال و هو مش الرجاله المفروض يبقوا مع ستات طيب ليه في فيديوهات كتير لستات مع بعض او ليه في رجاله مع بعض
و ده بيبقي في سن من ١٥ ل ١٧ سنه الي اغلب الناس في الكوميونتي بتسال نفسها هو انا ليه عندي فضول لده او انا ميولي ايه
من وجهة نظري مجرد طفل اتعرض للمره الاولي لمحتوي جنسي حس ناحيته بفضول و علشان لغاية ما بنموت محدش بيتكلم مع ولاده علي الجنس فا هنا بيبدا فضول التجربه الي مع الوقت يا بيختفي شويه للانكار و لاء اكيد الرجاله بتتجوز ستات و الناس دي اجانب او كفره او هيدخلوا النار زي ما القرآن بيقول
بس بعد مرحلة الانكار او الدينايل دي ما بتخلص يا بتبدا مرحلة الماستربيشن المرتبطه بالفانتاسيز يا بتبدا نية التجربه فعلا
و بما انها بتبقي اول تجربه جنسيه حقيقيه حرفيا طفل بيتعرضلها بيقتنع مع الوقت انه هو كده او ليه ميول مختلفه
انا لسه فاكر اول مره ليا و قد ايه اني كان عندي احساس غريب باني مبسوط لاول مره في حياتي احس اني طبيعي و كاني في حلم
او مرحلة الانكار بتزيد و بيطلع عندنا المسوخ الي موجوده الي فاكرين نفسهم ستريت او باي سيكشوال علشان بس هو بيحب يمارس الجنس
مع حد زيه بس هيتجوز او هيبقي مع ست او هي هتبقي مع راجل عادي هي او هو بس عندهم رغبة جنسيه و هيعملوا فيها ايه
و حرفيا مسوخ كل الي بيعملوه انهم بيتكلموا عن الفانتاسيز بتاعتهم سواء بقي يبقوا مع فيمبويز او يبقوا سابميسيف مع ناس او تلاقي حد حرفيا داخل يقولك انه عايز يعمل ده مع اهلك كلهم
و دي اول و اكبر كدبه الكوميونتي فيها
لان ببساطه تم اختزال كل حاجه بس في الجنس مش اكتر
مفيش مشاعر مفيش حياه مفيش ارتياح او تقبل مجرد شوية وقت جنسي و بيروح لحاله ممكن حتي ميعرفوش اسماء بعض و ميبصوش في وش بعض و بعد ما يخلصوا ممكن ميتكلموش تاني
طيب عرفت ان في مسوخ كتير فاكرين نفسهم من الكوميونتي و بتحاول تتجنبهم و تعمل صحاب
تروح علطول لتاني كدبه و هي ان مفيش حد من الكوميونتي صحاب
يمكن من اول الصدمات ليا كانت ان الكوميونتي عنصري فشخ و احيانا ده بيخبوه اني مش مجرد من التايب الي هم يفضلوا يكونوا من اصحابهم
لسه فاكر لغاية دلوقتي اني كنت بتكلم مع بنت ليز و بينا حاجات مشتركه و بعد ساعه مثلا من الكلام طلبت تشوف صورتي لقيتها بتقولي اسفه انا كنت فاكراك بنت الي هو non-binary الي منوره دي ايه معرفش بس و بعدها عملتلي بلوك
بعد وقت طويل اكتشفت قد ايه ان فكرة ان يكون الكوميونتي اصحاب دي حاجه مستحيله اولا لاننا كلنا ناس عندها تراست اشيوز و تروما من تقريبا كل حد كان ممكن يبقي قريب مننا مش بس خذلنا لاء ده كمان خلانا نحس اننا منستاهلش حتي كلمه كويسه
لو انت حد شكلك حلو فا انت محظوظ لانك ساعتها الناس هتحب تقرب منك لكن لو شكلك وحش فا انت مهما كنت طيب او عندك هوايات مشتركه او بتسمع فا انت مينفعش نكون صحاب
و هنا بيجي تاني نوع سيء في الكوميونتي
و هم ببساطه ناس بتتعامل مع الجندر و الايدنتيتي زي ما بيشوفوها عند الاجانب
فا اه قد ايه ده كيوت و جميل لكن اول ما يشوف حاجه بره ده زي حد مثلا كبير في السن و لابس فيم يبداوا يقولوا عليه يع و ايه القرف ده
لانهم ببساطه بالنسبالهم مشكلة الايدنتيتي دي المفروض بتخلص لما يبداوا يكبروا فا لو انت حد كبير و لسه عندك مشاكل زي دي فا انت شكلك وحش اوي
لما دخلت الكوميونتي تاني هنا
بدات الاقي اجابات لاسئله عندي لاني وقفت اسالها بدل ما كنت بهرب منها
هل انا مولود كده
بالنسبالي الاجابه لاء
انا متعرضتش لحادث جنسي و كمان
انا معرفتش عن وجود الكوميونتي الا و انا عندي ١٦ سنه بس قبل كده عديت باوسخ مراحل حياة الانسان
لاني كنت الطفل الغريب الي شكله و حجمه اكبر من الناس الي في سنه اه ده كان بيجي احيانا مع مد ايد من ناس في اماكن
زي عمي الي لما شافني في العيد قام ماسك صدري و قاعد يتريق عليا قدام ابويا و ابن عمتي و كلهم قاعدين يضحكوا بس ده مقارنة باهلي نفسهم ولا حاجه
لاني كنت انا اول مولود لاهلي فا ده خلاني بالنسبه لاهلي انهم بيطلعوا عليه كل فشلهم في الحياه
بيتضرب و يتهان اكتر ما بيتنفس و حرفيا طفل بيتربي علي انه اي حاجه ليها لازمه عنه
فا كل ده كان تهيئه انه يرتبط بالنسباله اول اهتمام جنسي من حد يكون هو ارتباط بمشاعر الحب لانه برضه اول مره حد بكلمه عادي و يبقي مهتم بيه و هنا بالنسبالي ارتبط ان عادي يبقي في انجذاب بين اي جنس لان الانجذاب هو نتيجة الاهتمام مش زي ما الناس الهيجانه بتفكر انه اه ده راجل شاف راجل فجاه بقي هيجان عليه
طيب هل انا هيبقي ليا اصحاب
الاجابه برضو لا
اولا لان لو عديت من الناس العنصريه بتاعة الشكل و عديت من البوليس المستخبي و عديت من بتوع اخويا التوب و انت نوعك ايه
فا مش هتخاطر ان حد يعرف عنك سر ممكن يوديك في داهيه لو هو حب يبتذك لانه طلع شخص وحش او بقي شخص وحش مع الوقت
من كام يوم حسيت لاول مره ان ممكن يبقي ليا اصحاب في الكوميونتي لغاية ما انشغلت في كام حاجه و مفتحتش ريديت علشان لما افتح النهارده الاقي حد كنت مستلطف الكلام معاه لاننا كنا بنتكلم في حاجات عاديه و بنهزر فا افتح النهارده اعتذرله اني مردتش علي اخر رساله علشان كنت مشغول الاقي الاكونت مقفول او ممسوح او عملي بلوك
طيب هل انا ممكن الاقي حب
ببساطه برضو الاجابه لاء
الصورة المثاليه للحب الي بنكون فيه عايشين سوا و بنبقي دايما مع بعض و عايشين حاجات ممله و لكن وجودنا مع بعض محليها دي كذبه
لان الحياه الحقيقيه فيها انك شغال طول اليوم و احيانا في اكتر من شركه علشان بس تعرف تعيش او توصل انك يبقي عندك بس جزء من اساسيات حايتك كبني ادم بس علشان معظم الي في الكوميونتي يا لسه بيدرسوا يا لسه صغيرين في السن فا محتكوش بقد ايه مفيش حاجه اسمها حياه اصلا و حلم الحياه الجميله ده بيتحول لسجن بيخلينا نبقي مش عارفين نتقبل نفسنا لاننا مش عارفين نرتاح في الحياه الي عايشينها الي هي مفيش حد يرتاح فيها اصلا ولا عارفين نروح للحياه الي عايزينها ازاي
و يمكن من اكتر الحاجات الي بتضحك هي اني لما استوعبت ده تقبلت نفسي فعلا
لاني فهمت اخيرا هي ايه الحياه الي انا بدور عليها
انا شخص مش شكله حلو فا محدش هيهتم انه يبقي معايا او يقرب مني
انا شخص ممل و دي حاجه محدش هيفهم قد ايه اني فخور بيها لاني حاربت تروما في ناس معرفتش تتخطاها فا كون اني واصل لسلام نفسي و مش مهتم باي حاجه بالنسبه لناس كتير ملل بس حتي مع تقبلي لنفسي في ده انا متفهم ان ده مش حاجه حد ممكن يفهمها علشان يتقبلها
طيب انا اصلا مبحبش الجنس و معادش عندي اي اهتمام جنسي من اي نوع فا ده اصلا حاجه مفيش بارتنر ممكن يقبلها
طيب هل انا هلاقي حب هو انا بالفعل لقيت حبي لنفسي و اني مش مضطر ابقي بعامل نفسي بحب مادي زي بقيت الناس الي الحب عندهم مشروط دايما بحاجات ماديه بعد ما بتتحقق الحب ده بيختفي
طيب هل انا هدخل الجنه ولا النار
الاجابه الي انا وصلتلها هي ان الاسلام بيعاقب علي الفعل مش علي الاحساس الي انا حساه و بيعاقب علي فكرة التقبل الي هي اصلا مفيش حد ممكن يقف يفهمني يعني ايه و الكلام بتاع الشيوخ الي بيقولوه انه لو انا متقبل ان يبقي في كوميونتي و ناس عايشين معانا منهم عادي و بيعملوا الي هم عايزينه حتي لو انا مبعملوش فا الكلام ده بلح بالنسبالي
لان اصلا الناس بالفعل موجوده و بتعملي الي عايزه تعمله و عايشين معانا و بينا و بنتعامل معاهم كل يوم من غير ما نعرفهم اصلا
الاجابه بتاعة التقبل دي بتضحكني نوعا ما لانها لو اتحطت في سياق كلام مظبوط
هيبقي الي بيتقال انه مينفعش تتقبل ناس عندها مشاكل نفسيه و اتعرضوا لاعتداء جسدي و نفسي و ممكن كمان جنسي من ناس قد تكون اهاليهم او ناس غريبه لانك كده هتبقي بتدعم انهم يبقي ليهم حياه الي هو يعني احنا هنسيب الاب و الام الي اعتدوا علي الطفل و نمسك في الطفل و نقول ابعدوا عنه محدش يتقبله فا حقيقي الموضوع بائس
يمكن بالنسبالي فكرة اصلا الدين هي الامل الوحيد الي متبقي ليا في فكره ان في مكان ممكن يبقي فيه حياه في الجنه
و كل الي عليا اني اعمله اني ابعد عن الناس كلها و اصلي و ماذيش حد الي هو تقريبا حياتي دلوقتي
و الي هيقرر ده ربنا مش انا
يمكن البوست بقي طويل زياده عن اللزوم بس انا حسيت اني عايز اقول ده
معرفش انا اصلا ممكن افضل هنا ولا لاء
بس انا مبسوط اني جيت هنا لان ده اداني الشجاعه اني ادور علي اجابات
يمكن كلها اجابات حزينه بس في عالم محدش عارف اساسيات الحب ولا التفاهم
الاهل سبب اساسي في تعاسة اولادهم
الشغل و حياة الناس الكبيره كلها كدب و ماشيه حرفيا بالنصب و القرف
ان الواحد يضحك علي نفسه دي اعتقد اكبر خيانه ممكن يعملها في حياته لانه ببساطه هيبقي وقتها زي كل الي اذوه
حاليا انا عندي ٢٨ سنه من غير اهل و من غير صحاب و من غير امل في الحب و شغال في شركتين علشان بس مبقاش فقدت امل الاستقرار الي لسه موصلتلوش
و اخيرا شابتر اني اتقبل اني شخص مختلف اخيرا اتقفل
محدش بيحب الاختلاف حتي في وسط اكتر ناس بتقول انها بتتقبل الاختلاف
يمكن اكبر انتصار حاسس بيه هو اني مش باصص للوحده بعد ده كله انها حاجه وحشه بل بالعكس
دي اكتر حاجه الواحد ممكن يشوفها قريبه لانه ميتاذيش علي الاقل في جزء المشاعر و الجنس
لان اول ما تحتك بناس في الشغل او و انت بتشتري حاجه او بتصلح حاجه بايظه هتلاقي الاذي موجود و مكمل بره و المكان الي بتهرب من كل الاذي ده بيه هو الوحده
بقالي شهر تقريبا شغال عليها و مبسوط حقيقي انها خلصت 😶🌫️
انا خلصت الwatch list بتاعتي كلها
حد عنده ريكومنديشن لانمي لاني عايز اتفرج علي حاجات جديده 😶🌫️✨
بقالي فتره بلاقي نفسي بعملي صور بالai بالشكل الي انا متخيله لنفسي لو انا عايش لوحدي
فا مش عارف انا بعمل ده ليه بس انا مبسوط 🫣
بقالي فتره بسال نفسي السؤال ده لاني بدات الاحظ اني عايز اجرب حاجات جديده
زي نوع اكسيسوريز معين او لبس معين
بس مبعملش ده علشان معنديش مكان اشيلهم فيهم ده لو تخطيت فكرة اصلا انا هجيبهم ازاي
بس مع الوقت بعد ما فهمت اني bi
بدات احس ان ده مجرد فضول لاني فاهم ميولي
بس برضو انا كنت فاهم اني في الاول جاي لاني مكنتش بنجذب غير لرجاله او ولاد و مع الوقت لما لقيت اني بقي عندي انجذاب للبنات كمان فهمت اني باي
فا ده الي مخليني بحاول افهم هل انا مجرد عندي فضول اني اجرب حاجه جديده ولا في حاجه انا معرفهاش في الادنتيتي بتاعتي و بس انا متصالح مع الجزء الي انا فاهمه منها؟
يعني هل دلوقتي حد بقي مرتاح مع نفسه و بقي علي طبيعته حتي مع نفسه؟
هل حد وصل لده و بقي في حواليه ناس عايش معاها حتي لو اصحاب عادي و خصوصا من الناس الكبيره الي مثلا ٢٨ سنه فيما فوق
لاني مع الوقت بقيت حاسس اني مش بس مخنوق لاء كمان بقيت حاسس اني بشتغل نفسي اني احاول ابص لحاجه زي دي انها ممكن تحصل
انا كـbi بقيت بحس مع الوقت اني محتاج اضحي بحاجه قصاد التانيه
و في نفس الوقت بقيت ببص ان لو انا فعلا بقيت قادر اكون قاعد في بيت لوحدي بالطريقه الي انا عايزها قد ايه دي حاجه هتبقي حزينه لاني هكون مستخبي لمجرد اني بس احس اني علي طبيعتي في اللبس او الاكسيسوريز
و ده مخليني كل اما افكر اني اخد خطوه اني اجتهد في اني انقل لبيت لوحدي بلاقي نفسي بترعب من الفكره دي لاني مش عايز اكون مستخبي و انا لوحدي
و الاسوء ان كل تجاربي مع حد من الكوميونتي هي تجارب بائسه سواء كان مجرد كلام او دعم سطحي
او نصايح مش مرتبطه بالواقع او الحياه الحقيقيه لدرجة اني قطعت علاقتي باي حد في الكوميونتي من ٤ سنين
فهل فعلا حد وصل انه مبسوط فعلا و مرتاح مع نفسه ولا هي الحقيقه المره هتفضل موجوده ان علشان اقدر اعيش لحظة انا علي طبيعتي فيها محتاج اكون مستخبي
I am in a dark place in my life right now. I'm from Egypt, 28 years old, and I am a graphic designer.
In short, my father abandoned our family in my early 20's, and I had to support my family instead of him. So I took on any work I could, sometimes doing 3 full-time jobs at the same time just to cover.
Until 2024, I found out that my mother was actually stealing from me, taking advantage of the fact that I almost have no time or energy to do anything. Since then, I am still trying to leave the house but I can't because I don't have any money saved.
Being a designer in Egypt means low pay jobs, no contracts, and I can get fired at any time. For example, the last good paying job I had last year, I got fired because I didn't reply on a national holiday.
I tried to make content but had no luck with that. I also tried to learn some crafts like tufting and punch needle, but there is practically no market here for the products. The market here is mostly for courses, advertised by content, and requires a lot of ground work, so that didn't actually work out too.
Right now I am burned out to a crisp. I can barely maintain 2 part-time jobs while crashing out almost every day now.
To put it in perspective, my current salary from my 2 part-time jobs combined is $260 a month, and mostly I have only $30 to $60 left for myself out of those. I am looking for a way to make $500 to $1K a month so I can get out from the house and have a place where I can call home so I can actually heal and try to stand on my feet again.
AI recommends mostly relying on my design work, either freelancing, selling digital products, or making courses. But that is out of the picture because I can't handle anything anymore in that career. I can't freelance because I am bad with dealing with pretty much everything else around design. Digital products and courses are basically out of the question because they need me to have a community first online to promote them. And being in Egypt means that there is no flipping on eBay and no job hunting in the US or EU.
Also, I should mention that I can't drive and I have C-PTSD.
So it there a way that I can actually make at least 500$/month?