u/Particular-Walrus366

بتول مو أول بنت بتنخطف والأمن بيجمعها بأهلها وبيرفض يرجعلن ياها وبيتستروا عالخاطفين وبيتعاونوا معهن ليضبضبوا السيرة بأغبى السيناريوهات وتكرر كذا مرة موضوع إنو الأهل يقولوا إنو البنت لما شافوها مغيبة تماماً وكأنو عاطيينها شي.

شي بيفقد الواحد عقله الله يحمي أهلها بعد الفيديو الأخير شي مرعب والله

هدول الشباب ما كانوا ميليشات ولا زعران، كانوا ولاد بلد وما حملوا سلاح إلا دفاع عن النفس وما بعمره توجه سلاحهن ضد حدا.

أشرفية صحنايا كانت رئة داريا طوال سنوات الحرب والحصار واستقبلت أضعاف عدد سكانها من المهجرين عاشوا بين أهلها بكرامة وما اننصبلن خيمة وما تعاملوا إلا كأهل.

والشيء بالشيء يذكر أهل داريا رفضوا يسمحوا لجحافل اللبت لبت بالدخول للأشرفية من جهة داريا واضطروا يجوا من جهات تانية لكن للأسف عشرات الشباب بسلاح فردي ما قدروا يصمدوا قدام الغزوة البربرية بالسلاح الثقيل، دافعوا عن بلدتهن لآخر نفس خلال ليلة طويلة جداً من الرعب والإرهاب ولما استسلموا رموا سلاحهن وتم تصفية معظمهن ببيوتهن وبشوارع البلدة وانجبروا أهاليهن يدفنوهن بلا عزاء.

الرحمة لأرواح شهداءنا الأبطال والصبر لقلوب أهاليهن