u/Putrid_Student_9328

انا فلسطيني وشخصيا كنت انتقد الفنانين والناس اللي بكونوا بحفلات رقص واغاني خلال فترة الحرب الاسرائيلية اللي لسا ما انتهت على غزة و الضفة وجنوب لبنان .. وكنت اعمم -للاسف- انه الشعب كله مسؤول عن اللي بصير.

اليوم بعد القرف اللي شفته بحفلات الفلسطينيين شب جديد و سانت ليفانت وسينابتيك وجمهورهم اللي غالبيته فلسطيني ما ضل النا حجة اننا ننتقد الشعوب العربية، قرف يقرفكم.. عيب وعار عليكم.

لسا المجازر مستمرة ولسا الناس عايشة بالخيام بالجوع وبالعطش والاراضي بتنسرق والمستوطنين بيعتدوا ليلا نهاراً وهدول التافهين -كفنانين او كجمهور- رايحين يرقصوا وينطوا على اوجاعنا ومن دون اظهار اي ذرة احترام لمشاعر الناس اللي بوقت الحفلات كانت تدفن اولادها الشهداء.

بآخر كم ساعة عالسوشال ميديا ظهر أمامي ٣ أشخاص من ٣ دول عربية بيهاجموا فلسطين والفلسطينيين.. وطبعاً هاي الظاهرة مش جديدة وما بتقتصر بس عهاي الدول.

بعيداً عن السب والشتم والتخوين للأشخاص اللي هاجمونا، هل إحنا كفلسطينيين فعلاً عملنا أشياء تخلي الناس هاي تتصرف بهاي الطريقة بحقنا؟

الأول على سوريا : الطالب محمد السباعي (فلسطيني).
الأول على الأردن : الطالبة بان البنا (فلسطينية).
الأول على فلسطين : الطالبة حلا دعمة.
في لبنان تم الغاء امتحانات الثانوية العامة لهذا العام.

بعيداً عن بلاد الشام فقد حققت الطالبة الفلسطينية براءة يونس المركز الأول في نتائج الثانوية العامة في قطر.