u/SJA404

في بنت في الشغل اكبر مني كل ما اكون بتكلم مع حد تيجي تكلمة برضوا وبتقطع كلامي معاه + مش بتكلمه عادي لا هي الاول بتقف بينا يعني انا بكون وراها وصاحبي قدامها( رغم ان عادي ممكن اكون انا على يمين صاحبي وهي على شماله ) لدرجة ان مرة انا اتحرجت فشخ من الموقف ومشيت وبعد ما هي خلصت كلام مع صحبي هو جالي واستغرب من اللي هي عملته

الفكره ان الموضوع حصل اكتر من مرة ومع اكتر من شخص مختلف انا اعرفه (اقصد ان انا بكون بكلم حد وهي تيجي تكلمه برضوا بنفس الطريقة )

انا سؤالي هنا هي لي بتعمل كدا يعني مش المفروض تستنى لما اخلص كلامي معاه ولا لا اركن انت على جنب دلوقتي + هي مش بتقول كلام مهم مثلا او كلام مينفعش يتأجل لا هو كلام عادي بس لازم تقاطعني وتقف بطريقة مش تمام

مش عارف ابدا ازاي بس عندي زميلتي في الشغل سألتني هتاكل ايه انهردا قولتلها مش عارف

قالتلي خلاص ناكل مع بعض قولتلها ماشي

وقت الغدا سألتها ناكل منين قالتلي على مكان نجيب منه الاكل جبنا الاكل في الاول حاولت احاسب على الاكل كله مع الكاشير بس هي رفضت وقالتله كل واحد لوحده

ف قولتلها خليني طب احاسب دلوقتي وابقي حاسبيني بعدين مش حوار

رفضت وقالتلي حقك

حاسبنا ورحنا قعدنا في حته كل واحد فتح اكله وفضل ياكل وكل واحد على موبيله لحد ما وقت الغدا خلص ورجعنا للشغل ف انا مش فاهم هل كان المفروض اصمم على اني ادفع فلوس الاكل + هل كان المفروض افتح كلام مع العلم انا مش بعرف افتح كلام خالص + هي اصلا مطلبشت ناكل مع بعض قبل كدا

اخيرا انا حابب الفقرة دي قوي وشكرا للناس اللي بتكتب كومنتات وتفيدني

ليه لما اختي او زملاء العمل (البنات) يسألو عن رأيي في حاجة واجاوب اجابة قصيرة ايجابية (حلوة -تحفة -ماشاءالله-......) بيضايقوا ويقولولي انت بتاخدني على قد عقلي وفي نفس الوقت لو اعترضت او قولت شيئ سلبي هفتح مجال للكلام الكتير وانا مش من محبي الكلام الكتير

ف البنات عايزين اي بجد؟ عايزين كلام ايجابي ولا سلبي ولت وعجن؟

في بنت معايا في الشغل كنا بنتعامل عادي و في مرة كنت بقول لصاحبي ان كلهم هنا friends وان انا مش بحب العلاقات في الشغل تبقى غير كدا المهم البنت دي سمعت كدا ومن بعدها كل شوية تستخدم مصطلح اخويا في نص الكلام رغم ان احنا كنا بنتكلم قبل الموقف دا ومكنتش بتقول اخويا

سؤال هنا هل هي اتقمصت مثلا ولا بتعلي عليا ولا ايه لاني مش فاهم