بنيت منصة استضافة n8n للسوق المصري و محتاج منكو فيدباك
​
بعد شهور من الشغل، بنيت منصة **Rinoo Solutions** بتوفر استضافة مُدارة لـ n8n (أداة الأتمتة) بالجنيه المصري، مع دعم لـ WhatsApp integration كـ add-on.
فكرة المنصة إن أي حد (فريلانسر، وكالة، شركة صغيرة) يقدر ياخد سيرفر n8n خاص بيه، معزول تماماً، بدون ما يتعامل مع تعقيدات الاستضافة بنفسه. كل حاجة بتتظبط أوتوماتيك بعد الدفع.
**اللي محتاجه منكوا فعلاً هو رأيكوا في الفكرة نفسها:**
- تفتكروا حاجة زي دي هتجيب في السوق المصري ولا لأ؟ في ناس فعلاً هتدفع فلوس عشان يتعمل لها system ؟
- لو شغال بـ n8n بالفعل، إيه أكبر مشكلة بتواجهك في الاستضافة دلوقتي؟
- تفتكروا الفكرة تستاهل يتصرف عليها فلوس عشان تكبر؟
- في حاجات تانية غير n8n تفتكروا لو اتضافت هتخلي الفكرة أقوى؟ زي WordPress hosting مثلاً، ده احتياج حقيقي للمصريين ولا لأ؟
- وأهم حاجة: عندكوا اقتراحات للتسويق؟ إزاي أوصل للناس اللي محتاجة الخدمة دي فعلاً؟
الموقع موجود لو حد حابب يلقي نظرة بنفسه ويشاركني رأيه.
حابب أسمع رأي صريح حتى لو سلبي، ده اللي هيفيدني فعلاً.