أنا شوفت طفل مش موجود
من خمس سنين كنا بنروق ترويقة العيد و كنا ماسحين السلم و حسيت ان الأرضية بيضا اوى و كنا فاتحين الباب و مكنش فيه غيري انا و ماما بس اللى فى البيت أو انا كنت فاكرة كدا المهم كنا فاتحين الباب و انا بعدى من قدام الباب شوفته
كان طفل صغير عمره تقريبا 11شهر بيزحف و بيحاول يطلع على السلم و انا من خضتى قولتله فين مامتك و بلتفت انادى ماما و مقدار ما رجعت عينى الطفل اختفى و انا اترعبت عليه و طلعت أجرى على السلم اللى فوقنا خوف من ان الطفل يكون طلع للسطح و اكتشفت انه مفيش طفل طلع و ماما مكانتش فى البيت و من وقتها محكيتش لماما حاجة بس كان طفل حقيقي و الله بصلى بعينيه و هو بيحاول يزحف ع السلم و مهتمش بيا و كمل طلوع عادى و كان طفل اسمر و عينه مدورة و كبيرة و جسمه جسم طفل بيرضع كويس و كان لابس تيشيرت مخطط باهت شوية و لكن كان لابس هدوم كتيرة زى الأطفال استحالة اكون بتوهم!!