u/SinfulAngel_x

هوَ خل اتغاضى عن انو انتم عندكم عقل ولو اشك المهم يعني بالمنطق حتى لو ما عندك عقل بس من تفكر بيهة راح تحس بحجم الصعوبه

لمدة 9اشهر اكو كائن جاي ينموا ويكبر ويتكون وفوگاهة لازم تدير بالهة عليّ وبعدين الولاده الي تاخذ كم ساعه من غير الي يسوون عمليه لأن ما يگدرن طبيعي وعمليه وخياطه ووووو كومه تعب وشل حال

تجون انتو الحشرات الخسيسين الي اقوى وجع متحمليه هوَ وجع حرارة الجو وانتو تشتغلون تحون تستهينون منهن؟ حاطين عينكم على هالكم يوم الي ترتاح بيهن؟ ووين الراحه اصلًا گاضيتهة سهر وترضع وممات ولعبان نفس ومغثه وبچي الطفل ويبو الله يعينهة

وانتَ تجي بس تصيح وتمعمع مثل الطلي وهيَ بالنفاس وتعبانه وگاضيهة ننن تعبان من الشغل سكتي جهالچ دنچب ياعار ياطايح الحظ

هاي وحده والثانيه تردونهة كون كاشخه على اخر حبه وهادئه وهيَ اصلًا من تطلگ بعضهن اهلهن ياخذوهن لو امك تاخذهن لأنك عار وماداير بال لمرتك وابنهة

ومرة الثانيه من تريدهة هيچ مرتاحه وكاشخه وهادئه وفرلهة الراحه والهدوء وكلشي ولاتجي تمعمع مثل الطلي

عديمين الانسانيه

صدگ صدگ نسيت ولك تگول هيَ هاي الانوثه خافنك انثى وانا ما ادري شعرفكم بالانوثه عجيب سوالف نسوان وانوثه ويجي يتدخل هيَ هاي الانوثه دطير

لا دور ذاك الي يگول الشرف بصفحه وهيَ بصفحه؟ شدعوه لهل درجه گبت عندك عقدة النقص والغيره ودخلت بشرفهة؟ لا والله انتَ عديم الشرف وماعندك ذرة شرف بس العتب مو عليك على العينتين الي وياك محد منهم گام وطيح حظك ما اخذتوهة على اخواتكم؟ تقبلوهة على اهل بيتكم؟ زين تقبلوهة عليكم انتو؟ ولو وين تلگاهم كلهم حابسين خواتهم يخافون على شرفهم وهمه ذرة شرف ماعدهم(يجوز واحد يگلي شفرقتي عليه انتِ هم حچيتي بشرفه؟ لا هوَ من صدگ عديم شرف واخلاق لأنه بهالثانيه ارتكب الكبائر(قذف المحصنات) ودخل بشرف وحده هيَ لا يمه ولا گرباه وولا مسويتله شي اصلًا)

وشفتوا شلون القذف عدهم اسهل من شربة الماي؟ گبل الزگهة بوحده يمعود الشرف بصفحه وهيَ بصفحه يعني خلص بعد ماكو نقاش نهاهة بعد الهمجي

يعني هذا كله بس لأن ساقت سياره؟ حلو بعد الشرف صار ينقاس بسياقة السياره انتِ تسوقين مع الاسف ودعي شرفچ، واذا ما تسوقين؟ عفيه بارك الله بيچ حافظتي على شرفچ

يعني بنيه حالهة حال نفسهة لا يمكم ولا واصله يمكم وولا درت بوجودكم اصلًا زين ليش هيچ تحچون عليهة وتتصرفون مثل القروده؟ گبت عدهم ظلوا يحچون ويصيحون ما تحملوا ماتوا بعد

لا والي تكتلك وحده بالتعليقات كتبت للولد بس لا نزلوا راحوا الهة؟ گللهة اي، ياا انتو مستوعبين؟! بنيه ما واصله يمهم ولا گرباهم ولا اصلًا مسويه شي ما اكتفوا بأنو يحچون عليهة لا راحولهة وارهبوهة مستوعبين كمية الهمجيه والتخلف الي واصلين الهة؟

ولو اذا احچي شيفيد؟ لاحكومه ولا اهل ولا مجتمع ولا قوانين بيهن خير من سيء الى اسوء(البعض 🥀)