Met a stranger from delhi in Ujjain and I wish we could talk more
Ok so this post is long so be patient while reading it.
15 August 2026(kaal bhairav, ujjain), ye date mai shayad hi kabhi bhulna chahunga, kyuki is din maine kaal bhairav ke darshan ke sath sath shayad ek bahot khoobsurat dost ko paya bhi aur kho bhi dia.
Asal me hua kuch aisa tha ki hum ujjain me ek din pehle hi pahoche the aur mandir Jane ki hod me humne kaal bhairav ko aakhir me rakha, Google pe 10 baje ka samay dekh kar hum do dost scooty pe kaal bhairav ke darshan karne chal pade kyuki humne suna tha ki ujjain me mahakaal ke darshan se pehle aapko kaal bhairav ke darshan karne chaiye. 9:23 pe jab hum mandir pahoche to dekha ki mandir me pravesh karne wali line band kar di gai hai aur sab sirf dur se hi pravesh dwar ko dekh sakte hai, nirash hoke hum wapis chale gaye, lekin subha 5 baje uth ke ek baar fir prayas karne ke liye hum pahoch gaye kaal bhairav ke aashirvad ke liye.
Wahi uss bheed me hum unse mile, wo do ladkiyan thi jo humari hi tarah line me lagi thi darshan ke liye.
Kaal bhairav ke darshan karte samay ek khaas baat ye hai ki unhe prasad me sharab ka sevan bhi hota hai, to unki thali me ek choti si bottle dekh ke mere dost ne mujhse ek mazak kia jo unhone bhi suna aur waha se humari baat shuru hui. Mai unke baare me bas ye janta hu ki unme se ek Amazon me kaam karti hai aur dusri medanta/vedanta me aur jiske upar ye kahani hai wo bhi Delhi se hai, hum line me lagte hue bahot baat karne lage. Mai joke karta, aur wo mere joke pe hasti, ek introvert hone ke naate jab bhi mai kisi naye shaks se milta hu, mujhe unke sath comfortable hone me thoda waqt lagta hai, lekin humari vibes ek dusre se kuch iss tarah se mili thi jaise hum ek dusre ko kaafi waqt se jaante ho. Ek confession bhi karna tha mujhe, ki mujhe kaafi time aise mauke mile ki mai waha line se nikal ke aage chale jau jaise sab line cross kar rahe the, magar mai nahi gaya kyuki mujhe unke sath uss waqt accha mehsus ho raha tha.
Samay aage badhta raha aur hum aur baate karte rahe, unke sath haste hue sach batau to samay ka pata hi nahi laga, warna 2.5 ghanta ek choti si line me lagna kaafi mushkil ho sakta tha.
Hum bahot der ke baad finally mandir me enter karte hai, aur kaal Bhairav ke darshan ke baad mera dost mere se puchta hai ki hume kis side se exit lena chahiye (right ya left), sach batau to uss waqt maine sirf ye dekha ki wo kis disha se exit le rahi hai aur mai bhi ussi jagah mud gaya. Fir waha se parikrama kari jaha maine umeed kari ki wo mujhe fir dikhegi.
Ye kaisi khaas baat hai na, jiska mai naam tak nahi jaanta, jidse mai aaj se pehle kabhi mila bhi nahi, usse har kuch der baad bas ek aur baar dekhne ka dil kar raha tha, aisa mere sath shayad pehle kabhi nahi hua tha, mai nahi jaanta tha ye sahi hai ya nahi. Bas uss pal me mai sirf darshan karna chahta tha, kaal bhairav ke aur uss shaks ke jisne shayad mujhe uske baare me sochne par majboor kar dia tha. Hum ek baar aur mile, fir maine aur mere dost ne decide kia ki hume yaha se chalna chahiye kyuki hum late ho rahe the.
Maine haami bhari aur hum waha se nikal chale, jab hum apne joote chappal lene ke liye wo jagah dhoond rahe the tab maine mahadev se bola ki ek baar aur mujhe unse mila do, aur jaise hi maine peeche mud ke dekha wo bhi waha se aa rahi thi, maine bas ek baar unhe dekha aur mai aage badh chala, chalte chalte wo fir humko mili, waha mai unke peeche firse khada tha, maine kisi dukaan pe asli rudraksha mange ke liye pucha to wo has padi aur boli aur kuch keh ke aage chalti chali. Bas wo aakhri baar tha jab maine usse dekha, usne hume bye bola aur wo jis auto ko book karke aayi thi uss auto ke paas chale gayi, maine bahot koshish kari apne man me usse puchne ki ki kya mujhe uska instagram milega? Par introvert hu isliye muskura ke badle me bye bol kar unse vida le li.
Maine usse to waha vida le li thi, magar uska khayal, uska khayal mere man se nahi ja raha tha. Baar baar wo kuch ghante jo humne sath me guzare wo mere dimag se nahi ja rahe the, mere dost ne kaha mujhse ki ye travelling ka ek harsh truth hai, ki log aapki life me bas kuch pal ke liye aate hai aur fir bas unke sath bitai yaade hi sath reh jaati hai.
Par mai usse fir bhi milna chahta tha, mujhe lagta tha ki kuch to tha shayad jo bholenath ne hume ek dusre se achanak milaya, par shayad bhagya me likha banata bhi wohi hai aur mitata bhi wohi hai.
Aakhir me malal bas iss cheez ka reh jaega ki jis shaks ki ke baare me itna sab kuch likh dia maine uska naam tak nahi jaan paya mai.
Reddit please do your magic.