اول مرة اجرب فرشة والشعور بينها وبين القلم مختلف كلش... شلون ممكن اتعود عليها

اني من عمري 12 احب ارسم وعندي هواي هوايات وأمور اسويها وية نفسي لأن احبها ..هاي صار 8 سنين أعاني من هاي السالفة وية أهلي ابوية بس يشوف الدفتر يكول هاي تارسه شياطين فيسحبه مني ويحرگه بالبداية جنت اضم الدفتر والادوات عنهم لأنهم يذبوهن كلما أجيب بس وية الوقت بطلو واي شي اسويه بالبيت او لنفسي احصل عليه انتقاد ورزالة ...سواء طلعت طبيت اشتريت شي تابعت شي بالتلفزيون الخ..ولاحظت نفسي أنو ابوية مسويني ميز للسخرية بالبيت وشفته حريص انو ما يضيع فرصة علمود يفشلني كدام اخوتي الصغار .. ويعاملوني بسوء وسخرية هم ... خلا بعيونهم انو الرسم وانو لزمة الموبايل غلط وانو متابعة المسلسلات انميات افلام الخ غلط وبعدهم كلما يكبرون يصيرون اسوء واكثر تشدد حرفيا جاي اشوف بيهم كارثة ....

ووصل بيه السوء لدرجة رحنا عزيمة يم عمامه الكبار بالعيد فسألوني شنو تريد تروح كلية وقبل ما اجاوب اني هو فتح حلگه وگال هذا فاشل يمعود يريد يروح ادلة جنائية متأثر بالمحقق كونان وحرفيا المضيف كله كام يضحك علية بحيث صارلي 3 سنين ما ملتقي بأحد بيهم قليل كلش

اب وام ما يدعمون مواهب ابنائهم وما يشجعوهم ... بس دراسة وضيم وهم سالفة احنا موكليكم ومشربيكم ... اذا واحد منهم يجيب درجة زينة على كد المبروك وماكو مكافأة علمود تحفزه وبالتالي درجاتهم وسط واذا واحد منهم يرسب حرفيا يسوون بيه عقدة نفسية بحيث اختي الي اصغر مني ب6 سنين حاولت تجرح وريدها بسجينة ... تتوقعون راضاها ؟ اخذ منها السجينة وشبعها كتل

+ سالفة الضرب والمداهرة.... عندي اخت عمرها 2 حرفيا .. اذا هي يمه وهو معصب ما يتردد يضربها راجدي

اعرف تنسيق الكلام شوية يكمز من سالفة لسالفة بس اتمنى الصورة الكاملة وصلت ..

هذا الكوكب شاسع والحياة بيها افق ما تنتهي... مو كل شخص لازم يتفق وية افكارك ومعتقداتك بس اشوف الشي الاساسي هو الأخلاق .. اذا كلنا نلتزم بالأخلاق راح نكدر نتعايش وكل شخص يمارس حياته بكيفه ، اني ما اشوف الي الحق اكره او انتقد شخص ماله اذية علية بالزايد ممكن انتقد او انصحه اذا الشي مؤذي له ولكن الكراهية والتمييز والنصرية ؟؟؟؟ وين عايشين ؟ شنو بعد احنا كشعب لازم يصير بينا اكثر علمود نحترم بعضنا ، الحياة هي التعايش مو الفرض والكراهية حبلها قصير واشوفها غباء... الانسان كلما زاد وعيه احترم غيره ونفع نفسه وغيؤه بكف الأذى .

Hal Jordan The Green Lantern

ما ضلي واهس اكمل الثانية لأن ضيعت المقطاطة والاقلام گامت تلوص

الأمر صار أدمان وقرف لأن من 2016 تقريباً الناس كلها عايشة أونلاين ، هو مو سيء ولكن أذا قضيت يومية 6 ساعات بالنت وهذا وقت قليل فأنت بالفعل مضيع ربعها لحياتك وماكو اي شي غالباً راح تجنيه من هذا ، حتى الناس ... أني شخص مريت بهواي فترات بالنت ولاحظت كل سنتين الأشخاص الي عندي تلقائياً يتغيرون

بس المشكلة الأكبر بسبب التشبع الي سواه النت صار صعب تلقى شي آخر تقضي بيه وقتك ، شي مستحيل تقريباً عقلك يستبدل الريلز السريعة والميمز التافهة بأنشطة اخرى تتطلب منك مجهود أكبر من انك مجرد تمسك الجهاز وتتفاعل

لذلك هل لو أردت ترك الأنترنت ... بشنو راح تستبدله ؟

ابوية انسان عصبي ومن طفولتي ولحد الان ما اكدر اباوع بعيونه وهو هم يعاملني نفس الحثالة حرفيا من اني صغير يگلي فاشل وعار وهل الامور وما جان يخليني اطلع من البيت ومرة قبل سنتين جربت اطلع وية اصدقاء تعرفت عليهم ضل يمشي وراي ويراقبني واجا رزلهم ورجعني للبيت غصب ومن سألته گال انو ذولة مو خوش عائلة مدري شنو ... مهم كلش يتدخل واحس انو اني ما عايش حياتي تقريبا ومن اغث الامور انو هسه عمري 20 وما اكدر لا اشتغل ولا اطلع ولا حتى اتصرف بالبيت براحتي

طبعا بسبب تصرفاته هاي صارتلي حوادث اكثر من مرة انهزمت وصارت مصايب بس بدون ما اتعمق

جان عبالي هو متشدد بس بالفترة الاخيرة صرت احس انو دماغه ضارب وما اريد اسوي نفسي احبه بالعكس اكرهه

لذلك جاي افكر اتعارك وياه واتبرئ منه لأنو الحياة اقصر من انو اضيعها واني احاول اعيش تحت ضل شخص نفسه

باع فرق الشعر والحدقية والجفون جكد وشلون تتفوق سايبربنك

we have city to burn

اني سويت الصور تكدرون تبوگوهن

I won't judge

جربت ادمج اسلوب أليكس روز لبات قيرل وية ريزي ....

الريديت كله دراما مدري ليش

شعور بعدم الراحة او عدم وجود نكتة هسه اي شخص يجيب اي صورة ويخليها ميم او رياكشن وما تضحك وما بيها معنى... الموضوع هذا بدأ ينتشر من ذيج السنة بالتيك توك وكبر بشكل مت أضافو ميزة الصور والستيكرز ... بأي كومنت سيكشن ادخل الكى تلطش لعبان نفس ومحد معلق او مناقش بس سبام صور لا هي تضحك ولا هي بيها معنى... ومو بس هيج اغلب الاشياء الموجودة بالنت حاليا تافهة دخلت لفلم باكرومز طلع عبارة عن هراء مسوينه للجهال والسيرك الرقمي هازبن هوتيل ، روبلوكس .. هواي شغلات طاشة ما تعرف ليش الناس تحبها .... قبل جان النت العراقي مميز وبيه سوالف وميمزات حلوة شعجب هسه الأغلب متأثرين بالمراهقين الغربيين والكل يقلدهم

مومينتو موري عبارة لاتينية معناها تذكر أنك ستموت ... العبارة مو كئيبة وانما تقصد أن الحياة رغم قصرها الا أنها اشد قيمة من الخلود .. هواي منا دا يعيشون ايامهم بكسل وتخاذل ويتناسون أنو كل يوم هو فرصة وأن كل لحظة خمود هي ذكرى مهدورة واي لحظة تروح مستحيل تتكرر

ما أتذكر قبل اكتلها او شفتها حتى .. الي ت/يعرف مطعم زين بأربيل يقدمها ت/يكول