الأمن على الانترنت
شلونكم حبايب طبعا اعضاء السب هذا جميعا يا اما من مجتمع الميم يا متحيرين الخ الخ
بغض النظر عن ميولك اكو مشكلة نواجهها بالعراق و هي الأمن مالتنا
يعني مو بعيد بهذا السب اكو رجال امن عراقيين ( علاسة )
و اي ممكن من حسابك حتى بدون متنطي معلوما يطلعوك انت منو و وين و نعم هاي السالفة صايرة هوااااي على الانترنت و مو جديدة و جانت اكثر شي على تطبيق كرايندر
زين يابة احنة شلون نحمي نفسنا؟ اولا ابسط شي ديربالك تذكر اسمك الحقيقي ولو فقط اسمك الاول
ثاني شي موقعك ابد ابد حتى لا تلمح انك قريب من كذا مكان معروف او غير معروف
و طبعا ثالثا هاي المفروض اولا بس هي الاهم لا و حطلي الف خط جوة لا
لا تشارك صورتك عالانترنت لأي شخص
صديقك من شهر من سنة من عشر سنين ابد لا تشاركهن لأن ممكن يبتزك و يأذيك اهاا زين جوجو و اذا اذاني مو اكدر ابلغ عليه
اي تبلغ عليه و يطلعون السجلات و تطلع انت عدهم ( شاذ ) و يسجنوك و يعيفوه يعتبرونه بطل اصلا
ف اذا جنت ولد بنت بغض النظر عن عمرك عن ميولك لا تراسل ولا تشارك اي معلومة لأي شخص حتى لو هو تشوفة مشارك معلوماتة
و حط ببالك اذا تسوي اي من ذني انت تعرض نفسك لخطر جدااااا جبير
و طبعا ينصح باستخدام ال vpn دائما عند التصفح و انشاء اي حساب و الي يريد معلومات اكثر او نصائح حول السلامة على الانترنت اني حنشر بالايام الجاية او تكدرون تراسلوني
و طبعا اني على الانترنت من سنين طويلة و شفت عجائب و غرائب لحد يكول كذا شغلة متصير او ليش فلان مثلا ما يشيلوه حط ببالك يجوز اني بنفسي اشتغل بالاستخبارات لا تثق بأحد تبد