u/Training-Debate-5585

سلام عليكم،

إن شاء الله رايحة نبدأ قرايتي هذا العام في تخصص الصيدلة في جامعة باتنة 2، بصح بصراحة أنا في الأصل كنت حابة طب ومحقتش المعدل، وكي قالولي بلي الصيدلة تخصص مليح راني حايرة: واش نعاود الباك باش نحقق حلمي تاع الطب، ولا نكمل في الصيدلة؟

إلى جانب هذه الحيرة، حبيت نسقسي لي راهم قارين ثم ولا عندهم إكسبيريونس على بعض الأمور:

1. الإقامات الجامعية: شكون هي أحسن إقامات للبنات وقريبة للكلية؟ وكيفاش نقدر ندير باش نتحصل على غرفة فردية ولا غرفة ناقصين فيها عباد؟ كاش إجراءات لازم نديرهم بكري؟
2. الدراسة والأساتذة: كيفاش دايرة القراية في الصيدلة هناك؟ والأساتذة كيفاش التعامل تاعهم مع الطلبة الجدد؟
3. التخصص والنصائح: واش هي النصايح اللي تقدروا تعطوهالي كبداية في السنة الأولى؟

أي نصيحة أو رأي في قصة إعادة الباك مقابل إكمال الصيدلة تفيدني بزاف، ربي يحفظكم!