u/Troublemaker1011

هل ده واقعي فعلا ان ممكن شعور الخوف والقلق والتوتر ممكن يختفوا من شخص ؟

في واحدة اعرفها من ايام الجامعة، هي من كلية تاني مش كليتي واشتركنا في كام مشروع سوا وبعد كدة لما خلصنا كل ده بقينا نتكلم عادي كأصحاب.. هي كويسة جدا والله وجدعة جدا ومش عاوز اخسرها وهي بتلمحلي دايما وانا فاهم بس عامل نفسي عبيط، هي قالتلي انها هتقولي حاجة مهمة وكدة بعد ما اخلص فترة كدة ضغط شوبة في الشغل عندي ودلوقتي خلصتها .. فا انا عارف انها على الاعتراف فا ازاي امنعها انها تعمل كدة من غير ما اخسرها لانها بجد من احسن الناس اللي قابلتهم في حياتي والحاجة دي هتخسرنا بعض

فا اي حد عنده اقتراح ؟

ياريت كل اللي يشوف البوست ده يدعيلي انا داخل على حاجة كبيرة بتعبلها بقالي شهر فا اي دعوة بالتوفيق هكون شاكر ليكم ولكم بالمثل ❤️

مساء الخير .. حد يعرف اسامي ابلكيشنز للكلام انك تتكلم مع حد ميعرفكش ولا انت تعرفه وهكذا ؟

بتعملوا ايه عشان تحفزوا نفسكم ؟ حاسس نفسي متأخر اوي والباقي سابقني

يعني عاوز اعمل حاجات كتير اوي بس مش عارف مالي كدة بلاقي نفسي مكسل او مليش خلق .. حد يعرف عادات كويسة ينصحني بها التزم بها ؟

حبيت اوضح اني جديد في ريديت ويعتبر مش فاهم اي حاجة بس الصب ده مخصص انه ينشر طاقة إيجابية للناس، فا حبيت اقول رينا يبارك في كل واحد بينشر الطاقة الإيجابية دي ومتعرفوش قد ايه بقيت احب اوي اني اقرأ كل البوستات هنا وانا بنبسط وبحس اني مبسوط فعلا... شكرا لكم على كل اللي بتعملوه عشان خاطر الناس واتمنى تفضلوا كدة دائما واشاركم واكون جزء من نشر الطاقة الايجابية دي ❤️

زي ما شوفت كدة مسافر لمدة ٤ ساعات ونص واحتمال تزيد ل٥ ساعات للأسف والمشكلة ان لو ده حصل انا كدة اتدبست في الشغل وهيتحسبلي غياب 😂

فا لو حد يحب يتكلم ونرغي شوية واهو اسلي وقتي لحد ما اوصل عشان الموضوع طويل اوفر 😂

بتعرف على واحدة دلوقتي على امل الارتباط الرسمي بها، المهم يعني عشان مطولش عليكم هي بتنشر صورها على الفيس والانستا والواتس ستوريهات وكدة يعني ولما كلمتها في الموضوع ده اكتر من مرة هي عارضت وقالت اني المفروض اتقبلها زي ما هي وبعدين مش بنزل صوري وانا عريانة ده بيكون بالحجاب ومش عارف ايه.

ومؤمنة جدا بمبدأ المشاركة بعد الجواز.. مش المشاركة العادية، لا اللي هي المشاركة المشاركة بالمعنى الحرفي! اللي هو معندهاش مشكلة مثلا اصحى من النوم اغسل المواعين ما هو احنا الاتنين مع بعض.

المهم يعني كل شوية تفضل تقولي دي انا وحبني زي ما انا والمفروض تكون بتتقبلني زي ما انا وكدة يعني.

المفروض انفصل عنها صح ؟ اصل دماغي بتقولي انت بتتسرع وهي واضح عليها معندهاش نية في التغيير وانا في الحقيقة عندي مشاعر اتجاهها برضه عشان مكذبش وكنت داخل الموضوع خير بس بعد اخر مرة قالتلي: "فكر في موضوعنا كويس عشان مش هتغير'' اتقفلت جدا منها.

تنصحوني اعمل ايه؟