بجد ليه انا و النمط بتاعي ببقا ديما حادي جدا، يعني يأما حد يحبني اوي يأما حد يكرهني اوي، او مثلا ساعات احس ان انا مفيش مني اتنين و ساعات احس ان انا عار عالمجتمع و ساعات ابقا هادي و مبسوط و مرا واحده ممكن حاجه تعصبني موووت
هل ال enfp الرجاله هم ال ١ من كل ٤ تشخيصات ف اضطراب الشخصيه الحديه اللي بيبقو رجاله مش اناث؟ انا هتجن 😆
انا متعلم و مثقف فكذا مجال و بكتب كتير و قرأت عن مواضيع كتير و رياضي و كسبت بطولات و دخلت فعلاقات و مرت بتجارب حلوه و متنوعه كتير و عملت صحاب كتير فحياتي بس حرفيا عمري محسيت اني ناجح، عمري معرفت اثبت فشغل بسبب ان المرتب بيكون قليل جدا على شغل كتير اوي و بيبقى شغلي مش عاجب بسبب ان انا مباخدش اي اهانه و برد و بهين اللي بيغلط فيا، مش لاقي اي شغلانه مناسبه ليا(انا ٥٩٣/٦٠٠ ف امتحان البريتيش كاونسل يعني الانجليزي بتاعي يعتبر native) حاسس ان انا عاله على امي و ابويا عشان محدش فيهم بيحبني و لما بيصرفو عليا فلوس مهما كانت قليله بحس بذنب شديد و قلة حيله عشان عندي ٢١ سنه و قدراتي اللغويه عاليه ورغم كدا مش لاقي شغل مناسب ليا او فمجالي، انا حاسس ان انا هترمي فالشارع زي المجنون بسبب ان حالتي النفسيه متدمره و مش عارف اعمل اي نوع من أنواع الاستقرار فحياتي (عارف ان انا لسا بدرس بس انا مرعوب من فكرة ان انا ملاقيش شغل فمجالي بعد التخرج) انا تعبت يجدعان و حتى بعد مشتغلت شغل صنعه (حداده) لمدة سنه و قولت خلاص اكمل فدي جنب الجامعه جالي انزلاق فالغضروف و الورشة قعدتني من الشغل حتى و انا كنت باخد منهم ٢٠٠ جنيه فاليوم بالعافيه و للأسف معرفتش اشتغل بعدها ف اي حاجه و ملاقتش اصلا، لو حد عنده حل غير اني انتحر يريت يقولي، انا بسأل بجد مش بهزار خالص، بالمناسبه: انا مترجم و اصلا عندي خبره فالترجمه مع اجانب على ارض الواقع، الفكره ان هما صحابي بس. للاسف عمري مشتغلت فمجالي و اخدت فلوس على شغلي (و محدش يقولي هتتحل و سيبها على الله عشان انا على اخري و حاسس ان لو حد قالي اي كلام يصبرني فعلا ممكن اعمل حاجه اندم عليها ندم شديد)