u/Wishafraid_

اتمنى لكم يوم سعيد و مليء بالروقان

وصلنا للحلقة الاخيره اتمنى استمتعتو و انا اتفلسف و اهبد على القهوة. اليوم الاخير كان غريب بدايته كان بدايه خير نفس ما تشوفون الفلات وايد مضبوط و الي لفت انتباهي اكثر مكينه لامزوكو مالتهم كيف حلوة و لونها متناسق مع الكافيه نفسه. ثاني قهوة اضن الصورة تقول كل شي مخيب الامال الصراحة يعني كنت رايح اجرب الكوكيز و شفت عندهم آلة ف بديهي بطلب قهوة و ليتني ما طلبت الصدق الباريستا حرقت الحليب و حتى ما كان فيه لاتيه ارت لهالدرجه التبخير كان سيئ و ابشركم يوم عطتني القهوة كم كثر ما هي حارة لانها حارقة الحليب انصب من يدي لان مب حاطته ف double cup يعني لا قهوة نفس الناس و تفشلنا 😂. ختامها مسك اخر قهوة كانت لذيذه من كافيه حصلته بالصدفه عند معلم عباره عن معبد تم بناءه في مصر قبل ٢٢٠٠ عام و اهدي من مصر ل إسبانيا سنة ١٩٦٨ عشان فزعو لهم الاسبان يوم كانو بيغرقون معابد اخرى في مصر.

اليوم الثاني من السلسلة القصيرة. اتوقع عرفت ليش جودة القهوة عندنا افضل من عندهم و الي هو بسبب انه البن الي عندهم مب فريش مرة يعني عندنا يوم اروح اشتري بن دائماً** اقدر احصل بن محمص عل اقل قبل اسبوعين من التاريخ الي اكون متواجد ف المحل. اما عندهم ما قدرت ألاقي يمكن اكثر شي فريش حصلته قبل شهر. الي لاحظته عندهم بعد مب كل كافيه يضبط التبخير نفس ما تشوفون اخر قهوة من الchurros يعني التبخير سيئ و تقدر تطعم انه الحليب محترق مع انه هذا ما كان كافيه الي تروح له عشان تمشي حالك كان كافيه حق قهوة مختص**ة.

بكون في مدريد ٣ ايام و بسوي سلسلة قصيرة كل يوم بصور القهاوي الي اشربها يومياً.** الصراحة لاحظت انه دول الخليج عامةً متفوقه بقوة على اوروبا من ناحية القهوة المختصة. الي يفرق بس السعر الصراحة القهوة في اوروبا ارخص. يوم اقارن ما اقارن بس** ب إسبانيا انا سافرت ألمانيا**، النمسا، بولندا،** و المجر و باقي دول كثير زرتها ف اوروبا و لاحظت نفس الشي**. الدولة الوحيده الي صدمتني روسيا الصراحة القهوة عندهم مضبوطه** و جودتها عالية**. شو رايك**م؟