u/abdullah0135790

انا دلوقتي كنت في اسنان وحولت بشري وهبدأ السنة الجاية اللي هي شهر 9 او 10 الجاي

الفترة دي انا فاضي ومتفرغ بشكل كامل يعتبر ، ايه اللي لو انت في مكاني كنت هتعمله سواء هتذاكر حاجة توفر عليك وقت ومجهود في الكلية او تتعلم مهارة ولا تاخد الوقت ده راحة وخلاص تاخد نفسك ، ايه اللي كنت هتعمله في مكاني او ايه النصيحة اللي تنصحني بيها سواء دلوقتي او لما اخش يعني

وشكرا

انا لسه داخل الكلية (محول من اسنان وهدخل اولى السنة الجاية) ، الكلام اللي هقوله بنسبة كبيرة غلط بس وساوس بتيجي في باله واتمنى حد يصححلي او يأكد على الكلام

بقالي فترة بشوف بعض تخصصات الطب وهم وملهاش لازمة ، واقصد بالكلمة دي ان ملهاش تأثير عالمريض ومش بتعالج حد فعليا ، الكلام ده انا بدأت اقتنع بيه بناءا على وجهة نظر ناس كتير حواليا ب ان معظم الدكاترة استغلاليين وجملة معينة سمعتها (عمرك ما هتروح كشف عند دكتور وهيقول انت كويس و معندكش حاجة ، لازم يملالك روشتة فيها حاجات كتير وخلاص)

بالاضافة لأن كذه شخص في العيلة عنده مشاكل في القولون وروحنا بيه عند كذه دكتور وكذه مستشفى وعملنا مناظير وحاجات كتير وموصلناش لحاجة في الاخر

ف بحس ان تخصصات زي الباطنة تخصصات باطنية يعني مش واضحة ومش بحس ان الطب له تأثير جامد فيها على عكس تخصصات تانية زي الجراحة مثلا اللي هدفها حاجة واضحة زي ان الطبيب يتدخل ويستأصل جزء او يعالج جزء او العمليات عموما دي الحاجات اللي بحس ليها لازمة وبتفيد فعلا في الاخر ، نفس الكلام بالنسبالي مع طب اسنان اللي هو تخصص واضح ونتايجه بتظهر علطول او مش علطول اوي بس له نتايجة هتيجي كده كده

اكيد كلامي فيه حاجات غلط بس عايز حد يصححلي الفكرة دي لو غلط او يأكدلي عليها لو صح

يا دكاترة ازاي بتختاروا التخصص اللي تخشوه ، انا واحد لسه داخل الكلية وكل الناس اللي حواليا بتسألني ناوي تتخصص ايه ويستغربوا لما اقول ان مفيش تخصص في بالي

اصل بجد المفروض اعرف او احدد ازاي التخصص اللي اكون عايز ادخله ، ف انا عايز اعرف على اي اساس بتحددوا التخصص

انا في العموم شخص مليش ميول نهائي وحتى في الثانوي مكانش ليا ميول لأي كلية ولا طب حتى ، فموضوع الاختيارات والرغبة ده عاملي ازمة