u/adamsanto13

كبرت كنسمع بلي رجل كعما خاصوا يشكي ويبكي، حيتاش غادي يبان ضعيف ولا بان ضعيف غادي يطاول عليه كولشي، كعما كنت كنعاود داكشي لي طرا ليا ملي وانا صغير كنبقى غير ساكت حتى كدوز ليام ويرجع داك المورال لي كنعيشوا بيه كل نهار عادي، بباقي عاقل فاش اول مرة حسيت بداك شعور ديال مكيان حتى شي حاجة لداخل داك الشعور ديال الفراغ ، فاش كانت عندي 14 عام لواليدة كانت مريضة فيها صرع كانت واحد الاجواء فدار لي اقل حاجة تقول عليها هي كالآبة، كانوا عندي جوج ديال الحلول يا كنمشي لا واحد لباي كنبقى نتفرج فدراري كيلعبوا ولي واحد الحاجة لي لقيت راسي ديما كنديرها ديما غير كنتفرج فبنادم كيدير، قليل بززاف فين انا لي درت، وحتى ملي كندير وكنهضر على داكشي لي درت كندم من بعد، الحال الثاني كان هو نطلع سطح وندير لكيت فوذني او نبقى نسمع لموسيقى وكنحسب فبطومبيبلات كيدوزوا، هنا بببدا كيدخل معايا زمان لهو مصطلح كيعبر على انك كتلقى راسك داخل فدوامات ديال التفكير لي كعما عندها حدود، دماغك كيبقى سارح بدون وكيخط ويربط شي مع شي، من بعد ما كيسالي داك ربط كيطلع ليك واحد زغبة بيضة كدليل على انه ما ستنتج حتى حاجة وكيقول لاخرين هاد السيد راه زمطتوا، العقل واخا ديالنا ولكن ديما كيكون علينا. مغاديش نقدر نحدد شحال ديال الوقت داز وحنا على ديك الحال، ولي كنعقل عليه هو داز من بعد واحد لوقت لي زوينة والواليدة رجعت لصحيحة عوتاني، ولكن هاد الحياة عمرها غادي تخليك تعيش ديما زوين، كتببقى معاك حتى كتركب فيك واحد البلان ديال الى كانت الامور زوينة تنساها راه غادي تقواد، ولكن الامور مقودة راه تقدر تزيد تقواد اكثر، حتى كيلسق فيك داك الشعور ديال ملي طرا شي حاجة زوينة كعما كتفرج، وداكشي لي طرا نيت هنا كتلقى بواحد حاجة كعما كنت معول غادي نتلقاها ببززاف المرات من بعد داك شعور ديال كتمشي ليك شي حاجة عزيز عليك وعارف راسك كعما تقدر ترجعها، كتوفى واحد سيدة لي كانت عزيزة عندي وهي لي سماتني فاش تزاديت حيث داك الاسم كان غادي يكون اسم ديال شي واحد فعمامي لي كاملين ماتوا وهوما كعما شافوا هاد الحياة وتهناو منها ياريث كون حتى انا كنت بحالهم، شحال من مرة كنحس براسي ببحال الهموم لي كانوا غادي يدووزوا منها هداوك لعمام كاملين لصقت فيا، كتموت جداتي من ببعد ما جالت واشفت وكبرت لواليد وعمتي، كانت عزيزة عندي حيث كنت انا هو لكيد ديالها فينما كانت خارجة لعند شي ناس انا لي كنت كنمشي معاها، كدوز 3 سنين وكيزورني الموت عوتاني وهنا قتلني معاه وفنفس الوقت فهمتوا وكعما بقيت خايف منوا اكثر ما انني خايف نبقى عايش، كتوفى الواليدة حتى هي باقي كنعقل كنت كنمشي مع جداتي لواحد لمدينة اخرى فصيف وكنت كنتوحش لواليدة بززاف، كنت مقيد نمرة ديال تيليفون فورقة، كنمشي لتيليبوتيك وكنصوني لدار عندي 1 ولا 2 دراهم 30 ثانية كنبغي نهضر فيها غير معها، كدوز شي يمات كعما كنبقى قادر نصبر وكندير طايرة لجداتي نرجعوا لدار، ملي مشات مشى داك شعور معاها، مبقيتش مرتببط مع شي حاجة سميتها المكان، اصعب حاجة ملي كتكبر ماشي هي المسؤولية، كتجيني اصعب حاجة هي ملي كتولي تفهم داكشي لي دزتي منوا كتولي تربط شعور لي غادي تبقى ديما تحس بيه مع داكشي لي كعما كنت فاهموا فديك الوقت، القصة كعما بدات ملي كانت عندي 14 ولكن داكشي لي حسيت بيه اول مرة كان فاش درت 14 عام، اما قبل منها كانوا دوك البلانات لي كتقول واقيلا راه الحياة بحال هكا، يقدر يطارو ليك ببلانات لي كعما عارف علاش طارو، وتقدر تسمع هضرة وتقول راه عادية، جوج الحوايج لي عندهم تاثير كبيبر بززاف الاول واحد خالي الله يسمح ليه لي كان كيتنمر عليها قدام خويا او ولادوا، والثاني هو لحقد لي تربى فخويا الكيبر لي بيني او بينو 3 سنين لدرجة انه كركبني واحد النهار فالدروج بدون اي سبب، كاين بززاف ما يتقال ويتعاود ولكن مايهمش الحمد لله غادي نعيشوا مرة وحدة

Top 3 Underrated Movies 3andk ?