u/adh956

بالعاده لمن اعرض قطط الانقاذ للتبني بعد ما اتاكد من كل البيانات والمعلومات واسال كل الاسأله وووو

اشترط على المُتبني يدفع توصيل لسببين الاول غالبًا ما يصمل والا وهو فعلًا جاد يبي القط، السبب الثاني يكون عنده شعور انه بيته معروف ف ممكن يستحي على دمه شوي ويرد لمن اسال عن القط بين الفتره والثانيه

هل تشوفون معي حق بهذي النقطه؟ خصوصًا اني اشوفها جابت فايدة كثير والحمدلله كل القطط الي طلعتهم تبني الى الان اصحابهم كويسين معاهم وحتى احيانًا يصورونهم لي بدون ما اطلب، حاليًا عندي قط عارضته تبني وهو قط اسود وكلنا ندري انه القطط السوداء محبينها مو كثير لاحظت كذا شخص يضحك على نقطه انه "اسود"، بالنهايه اوكي شي مُريح من البدايه عرفت انه شخص مو زين وما يصلح له، بس مدري كذا شخص حولي قالي خففي شروطك ووصفوها انها "أوڤر" بينما انا شرطي الوحيد بعد تعبئة استمارة التبني هو دفع التوصيل وعاد ليتها رسوم واو اقصى سعر 60﷼ وحرفيًا كلها تروح للمندوب الي اعرفه ما اخذ منها ﷼ عشان الي يقولون تتقاسمينها مع السواق🙃 ف مدري وش رايكم؟ هل اشيل هذا الشرط ولا تشوفونه كويس وفعلًا يوريك انه المُتبني صامل؟

احزن عليها حزن مو طبيعي💔 عندها ٤ اطفال ثلاث اولاد وبنوته وحده وممرضه شغاله على نفسها عشان تأمن لعيالها افضل معيشه وتضعط على نفسها تدرسهم في افضل المدارس العالمية وسواقين وخدم وحشم وشرت ارض وبنت بيتها وشايله عيالها شيل وتغترب بالاشهر تدرس وترجع وانتداب ووووو

بالمقابل خالي؟ حاط فلوسه باساسيات اكل شرب طلعات ويكند ومصروف يومي او اسبوعي يخونها باستمرار ما يهتم لها ولا يسال عنها وفوق هذا كله يزعل اذا راحت ل اهلها كل اسبوع

شفتها الحين منزله كيكه تخرجها الاخير بماجستير ماشاءالله لوحدها وصلتها الكيكه هديه من اختها

وكل تحتفالاتها تنزلها لوحدها💔☹️ ياحبيبتي الله يربط على قلبها وهذا ابسط نموذج بالعايله ومستغربين ليه ما اعاشرهم ومبعده عنهم

💜💜💜💜💜؟ كذا

قاعده احجز طيران و اشوف الاسعار ف سالت اخوي دامه جنبي عن عمره التقريبي عشان اشوف احطه كطفل ولا ك بالغ

كم عمرك؟ قال مدري بس انا مواليد ديسمبر 2014

يعمرييييييييي ايش هذا مين حفظك هذا الكلام ورحت اتاكد وطلع صادق😭😭😭🤏🏼

توني اسولف مع شخص اول مره يتبنى قطه، واستغلوه العياده عشان "فطريات" دفع 600!!!! يعني هذول كيف ما يخافون ربي يرهبون الاشخاص الي ما يفهمون انه فطريات احلق سوي سوي سوي وترا تعدي ودراما عشان بس فطريات ويطلعونهم بالهمبالغ🙂! حسبي الله ونعم الوكيل وبس

ساعدوني احتاج ارد رد شوي محترم على شخص بجيح السالفه كالتالي…

هذي وحده شرت قطوه وبعد اسبوع القطه ظهرت عليها علامات تعب واولها "اسهال" وانتو بكرامه المهم وش سوت؟ راحت العياده عطوها مضاد وبعدها عرضتها تبني على طول بحجه انه ماعندها وقت تعالج، صادفني اعلانها وصراحه انا وقفت اتبنى قطط ولكن شفت الكتن عمرها شهرين مسكينه وبترميها على اي متبني قررت اخذها، ارسلت لها السواق وعلى طول القطه للعياده قبل ادخلها على قططي طلعت مصابه ب طاعون وكاليسي و كرونا وجارديا وفطريات وعث🙃 هل انا بتخلى عن هالنونو؟ لا عالجتها شريت ادويتها حجرتها في قفص عندي كبير وبديت اعلاج واحاول ما اتعلق فيها عشان حالتها صعبه والامراض ذي على كتن عمرها شهرين بتكون مُميته! الحمدلله تخطهم كلهم وبقت بس الفطريات نصها اختفى ونصها باقي والحمدلله سميتها ميكاسا ولست محجوره بس صحتها احسن بكثيييير من اول يوم اخذتها، الكلام مو هنا الكلام انه الي عرضتها تبني الحين وش تقول؟ تقول انه الحين القطوه تعتبر لك ولا لي؟ 😄 ما فهمت يعني تبغين اخذ قطه اعالجها على حسابي المادي والنفسي اعطيها ٥ ادويه على مدار اليوم ٣ بالفم والرابع والخامس حك فطريات وعث ما انام نومه متواصله اقطع نومي عشان اقوم اعالجها وانتِ الحين تجين تسالين؟

المهم الحين سالتها بشكل واضح وصريح "مافهمت يعني انتِ تبينها؟" ابي رد لو قالت "اي" يكون محترم لاني بنفلت عليها الا شوي🤏🏼😆

مع او ضد تعنيف القطاوه للبشر

انا مع اكيد

لو حسيت بشعور الخذلان من فعل شخص وش بتسوي؟