▲ 8 r/casablanca
الله اسهل عليك من اجل..
بحكم أنا خدام في واحد المدينة مكنعرف فيها حتى شي واحد
و لكن حيت انا براني اكيد غادي اعرفوني دراري د الحومة و حيت كنتقهوا في المقهى قريب للدار .
واحد النهار توضرو ليا السماعات دياولي airpod. و معرفتش فين تال واحد نهار جيت معطل بالليل للدار و لقيت شي دراري واقفين في الزنقة، فاش دزت بعيد عليهم شوية كنوع من الاحتياط حيت انا غا بوحدي، ناض واحد و كالب شي حاجة مسمعتش مزيان. شنو بغا و انا نكوليه الله اسهل ا خويا حيت بغيت غا نتفادا...
لكن الصدمة عاود جا عندي وكاليا airpod ديالك راه عند السرباي د القهوة، عرفتوا ا خوتي معرفت فين نخشي وجهي و بقيت تنكوليه اخويا سمحليا. و كنتمنى تفهمني في هاد لوقت د ليل و مكنعرف تا واحد هنا... صافي و مشيت لدار رغم ذالك حسبت بلي ظلمت السيد
دزت واحد لوقت شفتو وكالت ليه بغيت نتقوا انا وياك
و من تما الحمد لله حسيت بلي برهنت على حسن النية ديالي
u/arweb23 — 10 days ago