صاحبتي بقت ملحدة
البوست مفهوش سؤال او طلب لنصيحة، مجرد فضفضة
ليا صاحبة من ابتدائي انا وهي مش قريبين اللي هو مش بنتكلم كل يوم بس معانا اسرار كتير لبعض زي مثلا أن أهلها خلوها تلبس الحجاب غصب، ف اعدادي صحيت ف يوم علي رسايل كتير منها بعد ما غصبوها انها خدت برشام كتير (محاولة انتحار)
هي شخص مثقف وذكية اوي وعلطول من الاوائل، أهلها بيضربوها ومش ضرب عادي لا هي جسمها كله بقي علامات غير الحروق،
نتيجة الثانوية العامة كنا بنتكلم وبواسيها علي درجتها ب كلام زي ربنا هيسهلها ف قالتلي أنه there's no god وأنها بقت لا دينية
انا مردتش من وقتها وأعتقد أن علاقتي بيها انتهت
انا بجد الحزن ماليني هي شخص متفهم جدا ومريح للكلام معاه وعلاقتنا كان فيها حاجه مميزة عن كل صحابي واكتر حد بقدر اقول معاه كل الحاجات اللي ممكن غيرها يسمعها ويفتكرني مختلة
ادعولها بالهدايا وادعولها ربنا يهدي أهلها عليها لاني متأكده انها بتمر ب اسوء فتراتها معاهم بسبب نتيجتها