u/i_dont_have_a_name7

بدأت مؤخرًا الاحظ ان بقى فيه حالة استهزاء مستمرة بأي حاجة الناس بتستمتع بيها، حتى لو الحاجة دي بسيطة ومش بتأذي حد دايمًا لازم تلاقي حد داخل يقول إنها بضان أو كرنج أو مالهاش قيمة، أو يتريق على الناس اللي بتحبها يعني مثلًا لو حد بيحب يسمع اغاني اجنبي، ليه لازم حد تاني يقوله إنه بيحاول يعمل نفسه اجنبي أو إنه جاهل؟ طالما الحاجة دي بتبسطه ومش مضرة لحد، إيه الهدف من التقليل منها؟

ونفس الكلام على أي حد بيشارك هواية أو حاجة بيحبها. لو واحدة بتحب تغني وتنزل فيديو وهي مبسوطة، تلاقي ناس داخلة تكتب كرنج أو تتريق عليها بدل ما تسيبها تعمل اللي بتحبه. لو حد متحمس لمسلسل أو لعبة أو كتاب معين، لازم يطلع حد يقوله إن ذوقه سيئ أو إن الحاجة اللي بيحبها تافهة وفي افضل منها، أو لو شخص بيشارك إنجاز صغير بالنسباله، حتى لو مجرد إنه خلص حاجة كان مأجلها من زمان، تلاقي ناس تقلل من الموضوع أو تعتبره أتفه من إنه يتذكر أصلًا بالذات لو انجاز اخد منه مجهود لأسباب نفسيه

حتى في الحاجات اليومية جدًا، لو حد أخد صورة لأي حاجة لأنه بيحب يصور وخلاص، هتلاقي اللي يقول عليه فاضي وحاجة ملهاش لازمه لو حد متحمس لعيد ميلاده أو لحدث مهم في حياته، هتلاقي اللي بيقلل من حماسه ويقوله انه يوم عادي ولو حد قرر يبقى إيجابي أو يشجع الناس أو يحاول ينشر طاقة حلوة بيتوصف إنه مصطنع أو تقيل أو بيحاول يلفت الانتباه

اللي مستغربه إن الناس ساعات مش بتكتفي إنها متعجبهاش الحاجة لا لازم كمان تهاجم الشخص اللي بيستمتع بيها. مع إن المفروض إن اختلاف الأذواق والاهتمامات شيء طبيعي جدًا. ليه بقى بقينا نتعامل مع الاستمتاع بالحاجات البسيطة كأنها حاجة محرجه أو تستحق السخرية؟ وليه بقى فيه ميل عند شوية من الناس إنها تطفي حماس غيرها او تقلل من فرحته بدل ما تسيبه ينبسط في حاله؟

الكتابه هتكون طويله ولازم تتحكي من البداية عشان وجهة نظري تتفهم اديني حذرتك 🌹 [ريبوست]

انا كنت اعرف واحد مصاحباه (أصدقاء بس مكانش في علاقه بيننا غير الصحوبية) عشان كان في علاقه بين اهلي واهله، عموما انا من نوعيه اللي لو مصاحبه شخص واحد او اتنين بكتفي فيهم وخلاص عشان بحس انه كل ما اكتر فالعلاقات كل ما بيبقى لازم اشتغل عليها وده بيسحب مني طاقه كبيرة.

على العموم اعرفه من أولى اعدادي عشان كانت أول سنه ليا انزل واستقر فمصر فمكانش ليا حد اعرفه فا امي قالتلي اقعد معاه عشان هو نفس سني وهي تعرف مامته وكده فا هيساعدني والكلام ده فا اللي هو حلو اوي تمام مفيش مشكله وهو لطيف وطيب وكل حاجة.

السنين عدت وهو يعتبر صاحبي المقرب ومعنديش حقيقي اي اصحاب تاني غيرة عشان انا انطوائيه فشخ واكتفيت بصديق واحد وبيننا حدود وكله تمام وهو زي اخويا وانا زي اخته وعادي.

بس اللي حصل بعد ٢ ثانوي فالاجازة بينها وبين ٣ث هو سافر السعودية \[عادي بيعملها كل اجازة وبنتكلم واتس او ماسنجر\] وهو مرة واحدة قلب ودخل ف فتره إكتئاب وحزن عشان هو اجتماعي فشخ وبيحب اصحابة وكده فا انه فالسعودية من غير أصحابه وقاعد لوحده اكتئب. ولما حكالي انا الى حد ما فهمته عشان انا برضو مريت بمشاكل نفسيه وعارفة الاكتئاب بيلعب على الإنسان ازاي فا كنت بكلمه كل يوم بطمن عليه ببعت ليه ميمز وكده وبقوله لو حابب يفضفض انا موجودة وانت مش لوحدك والكلام ده كله.

بس بعديها بأسبوعين بدأ انه يبطل كلام معايا، يعلقني او ميردش تماما وهي عادي بالنسبالي توقعتها من اي حد بيعدي بإكتئاب ساعات مش بيبقى ليه نفس يتكلم مع اي حد فا مشخصنتهاش وبرضو بعتله كل فين وفين وبقوله ربنا معاك وانا موجودة لة زعلان والكلام ده.

المهم بعدها بشهر اكتشفت انه رجع مصر بالصدفه بإني قابلته فالشارع ولقيته واقف مع أصحابه وانا معرفتش خالص انه نزل، زعلت من الموضوع عشان هو بيقولي اني أقرب حد ليه زي ما هو أقرب حد ليا فا بعتله رسالة وقلتله لما توصل البيت كلمني عشان اشوف حالته النفسيه وبرضو اسأله ليه مقلتش ليا انك نزلت، المهم شاف الرسالة وبالاخر مردش عليا وعلقني تاني فا اتبضنت منه بصراحة واتقفلت عشان حركات العيال دي بدأت تضايقني وانا بهتم برضو بصحتي النفسيه والسلام فحياتي فا كبرت دماغي.

بعديها بشهرين لقيته رجع تاني لطبيعته، بقى بيضحك ويهزر ويتكلم عادي زي طبيعته القديمه وبقى اجتماعي فا فرحت ليه الصراحه والحمدلله انه طلع من الاكتئاب اللي كان فيه وكلمني وحكالي انه كان زعلان ومكانش قادر يتكلم مع حد إلا أصحابه الصبيان \[مع انه عارف ان أصحابه الصبيان دول مش بيحبوه وبيتنمروا عليه بس بيمشي وراهم برضو\] بس انا اتفهمت عشان هو ولد وانا بنت فا قلت ممكن محبش يبان "ضعيف" قدامي مع اني قلتله كذا مرا ان الزعل طبيعي وكلنا بنمر بفتره زي دي ومش بتقلل مننا.

المهم انه بعد ما رجع على طبيعته تاني مرة واحدة قلب عليا تاني ومبقاش برضو يتكلم معايا وكل ما اكلمه يبص ليا وميتكلمش واتبضنت تاني منه للمره التانيه واتقفلت بس برضو قلت انه الاكتئاب موجات بس المرادي كبرت دماغي اكتر، بس بعديها بشهر اكتشفت انه بيمثل عشان كان عاوز يفاجئني فيوم ميلادي ومكانش عاوزني اتوقعها \[؟\] بس الحركه زعلتني فشخ عشان انت مش هتقعد عامل فيها الشبح شهر كامل وتقوم طالعلي اللي هو اه لا كنت بمثل!

المهم اني قلت اديله اخر فرصة وكبرت دماغي ورجعنا تاني على طبيعتنا، بس بعديها بفترة انا دخلت فحالة اكتئاب عشان طلع عندي ورم فالمخ ومقلتش لحد عنه والموضوع أثر عليا نفسيا، فا فيوم كان عندي درس وهو بيحضره معايا بس انا كنت ساعتها متدمرة نفسيا من الأدوية فا بعتت ليه رساله قلتله فيها اني مش هقدر اجي ويقول للمدرس بس هو قعد يقولي لا تعالي انزلي ولو زعلانه نتمشى شوية عشان تفكي، قلتله تاني لا مش هقدر عشان تعبانه ومش هعرف امشي بس هو قعد يكرر فكلامه واتجاهل كلامي، فا انا قلتله انا بس تعبانه وقرفانه دلوقتي فا متقرفنيش والنبي اكتر ما انا قرفانه، قالي تمام ودخلت نمت.

اليوم اللي بعده كان عندي حصه وكنت احسن فا قررت احضرها، لقيته قاعد فا بسلم عليه لقيته قاعد ساكت ومش بيبص ليا، استغربت وقلتله انت كويس في مشكله حصلت ليك تاني في ايه في ايه وقعدت احاول اتكلم معاه وهو مش بيرد غير انه بيهز راسة، فا ك ضحك بقوله انت زعلان مني ولا ايه قام قالي اه، فا استغربت، بقوله ايه ده ليه قام قالي راجعي نفسك.

انا برضو ساعتها كنت لسة مصدومة فا بقوله اراجع نفسي ليه هو في ايه عملته وكلمني عدل قام قالي راجعي نفسك تاني، فا فتحت الموبايل قرأت الشات شفت اني معملتش حاجة غلط وسألته تاني في ايه بس فضل ساكت، الحصة بدأت فا معرفتش اكلمه اكتر من كده.

عدى اسبوعين ع المجال ده لغاية ما انا حقيقي زهقت من قرفه، فا كان في حصة احنا كنا مستنيين المدرسه تخلص صلا وناخد الحصة لقيته مره واحدة قام ومشي فا بقوله في ايه انت بتمشي ليه طنشني، المدرسة كلمته بتقوله في ايه قالها اصحابي عاوزني اخرج معاهم ومشي فنص الحصة حرفيا، انا ناديت عليه عشان حسيت ان في حاجة غلط بس طنشني، المدرسة جت تنادي عليه قلتلها خلاص متناديش هتعبي نفسك انا زهقت منه ومن شكله.

الحصة اللي بعدها لقيته جاي وبيكلمني عادي، لقيت المدرسة اخدتني على جنب وبتقولي انا اتكلمت معاه خلاص مبقاش في موضوع هو كانت شوية زعلان وراحت.

انا تنحت عشان يعني انا خلاص التالته قفلتني منه تماما بس عشان خاطر المدرسة \[هي كانت تقرب ليه عشان كده اتدخلت مع انه مش من حقها بس ومالو\] رحت وقعدنا وتكلمنا عادي وكله تمام.

صحيت اليوم اللي بعده بالظبط بفتح تلفوني لقيته عامل ليا بلوك.

استغربت عشان انا حقيقي وجبت معاه كتير وعملت كتير وهو حقيقي مفيش. فا قمت حاولت اتكلم معاه كلمت المدرسة تكلمه تقوله ييجي يقعد ونتكلم ونتفاهم ليه وكل شوية يقولها انا تعبان مش قادر بعدين مشغول عندي امتحان الخ الخ فا زهقت.

قلت للمدرسة بالراحه انه لو هيعملها كده، هو كان مستلف مني فلوس فا انا محتاجاه يرجعهالي، بما انه خلاص عاوز يقفل، قالتلي بسيطه كلمي حد يكلمه، فا انا رحت كلمت صاحبه القريب منه قوي وقلتله كلم صاحبك وقله انه الفلوس اللي استلفها مني ترجعلي بما انه عاوز يقطع تماما

صاحبه استغرب وعلى طول راح كلم المدرسة وقالها اني كلمته وقلت كذا كذا كذا \[انا كنت معاها وقتها\] وانه راح كلمه وقاله انه مأخدش فلوس مني ولا جنيه \[مع انه معايا الدليل انه طلب مني واخدهم\]

بعديها بفتره كانت مدرسة تانيه باخد معاها دروس بس خصوصي طلبت مني رقم مامته عشان هو مش بيذاكر وضعيف وبيغش وبيمسك موبايله فالحصص فا انا اديته ليها مش كإنتقام بس عشان ده كان الصح يتعمل.

طبعا المدرسة كلمت امه وامه كلمت ابوه وحصلت خناقه عندهم فالبيت وطبعا المدرسة قالتله انها جابت الرقم مني اللي هو ماشي يسطا شكرا

بس بعديها بيومين قابلته فا بقوله احنا لازم نتكلم قام بصلي وبكل بجاحه وبصوت عالي قالي انا مش عاوز اكلمك\[قدام اصحابه\]، فا قلتله ماشي متكلمنيش بس قولي ليه ورجعلي فلوسي.

قام قالي عشان انا اتقرفت منك وانه غلط انك كنتي تكلمي صاحبي انتي عارفة اصحابي رقم واحد عندي وانتي طفله وعقلك صغير مكانش ينفع تقولي ليهم اني باخد منك فلوس، وتعملي لعب العيال بتاعك، قلتله يعني انت مش شايف اي حاجة عدله انا عملتها ليك؟ قالي بكل برود لا.

انا من هنا قلبي برد وقمت ومشيت، دلوقتي دماغي واكلاني حاسه انه انا قصرت فحاجه بس فنفس الوقت عارفة انه حقيقي هو كان بس طفل وعقليته طفوليه بس هل انا فعلا اتجوزت حدودي؟

عموما عارفة انه الناس هتقولي كبري دماغك بس زي ما قلت فالبداية انا معنديش اصحاب غيره وبعد الحفله دي كلها انا عديمه الأصدقاء حرفيا مفيش حد ع موبايلي غير امي وابويا واخواتي، الموضوع مش مضايقني الوحده حلوة نوعا ما بس برضو ساعات الموضوع بيحزن لما تكتشف انه معندكش اصحاب وفقدت الصديق الوحيد اللي عندك. فا بحاول اني اعرف ايه فتصرفاتي غلط عشان بجد لة صاحبت حد بنت او ولد تاني الكلام ده ميحصلش تاني

حاسة ان حياتي ضاعت

الكيميا

انا بدأت استسلم لليأس

يلا يا اخواتي كل واحد ينزل برقم جلوسة

هو ليه دايما في سلبيه فكل حاجة؟

هل انا غلطانه؟