u/joyiisfarah

انا عن نفسي حبيت جدًا سلسلة rusty lake بس انا ختمتها كلها اكتر من مرة لما زهقت

السذاجة وحشة يا جماعة

من اسبوعين تقريبًا نزلت أرمي الزبالة..

رغم اني مش محجبة لبست عباية ماما، من غير طرحة، وشعري مش في احسن حالاته، يعني لو حد شافني ممكن يعطف عليا.

لقيت واحد بعربية سودة، بيرازي فيا بس انا مكنتش لسة فهمت، لأني فالعادة مبتعرضش للمواقف دي.

المهم اختفى، وانا في طريقي راجعة، الي بالمناسبة بعيد جدًا عن المكان الي هرمي منه الزبالة، لقيته واقف قدام باب العمارة بالضبط، مدتش اهتمام وكنت هتخطاه عادي وادخل لكن سؤاله استوقفني لما كان قالي المستشفى الفلانية منين، استغربت لأن هو داخل منطقة سكنية بعيدة كل البعد عن الطريق العام الي فيه المستشفى لكن برضو مكنتش مستوعبة الغباء الي وقعت فيه.

قعدت اوصفله، وكل ده مبصتش عليه بشكل صريح، لحد ما انتبهت انه مطلع عضوه التناسلي، وعمال يداعبه بكل وضاعة قدامي.

حتى رغم الخضة الي كنت فيها، بصلته بقرف وقلت "اه" بعد كدة طلعت، ومش هتصدقوني لو قلت اني ممتنه ليه انه مطلعش ورايا مثلا، لأني سمعت علطول صوت عربيته بتتحرك.

كل الي استوقفني من الموقف كله هو سؤال :

مستني مني ايه ؟

انا هدخل 18 قريب، وشكلي اصغر من سني اصلا، وهو يجي في اخر العشرينات اوائل التلاتينات، يعني المفروض اني بالنسباله طفلة !

للأسف اهلي لما جابوا الكاميرات مكنش واضح نمرة العربية، والمشكلة اني مكنتش اقدر اثبت اي حاجة، هو يعني كان لازم اصور واشهره واقول يا ناس الحقوني وانا بستغيث بوزارة الزفت عشان يجيبوه؟