u/lilyyy__12

انا مش عارفة اضحك ولا احزن ولا اتعصب ولا اعمل ايه
لسه حاصل معايا موقف دلوقتي لازم احكيه بجد مش قادره اكتم الضحك انا وزمايلي
احنا دلوقتي في راوند طوارئ و اول الراوند ده كنت بستغرب من اللي بيجيلي من خناقات وحوادث (المستشفى في منطقه شعبيه شويه) بس خلاص جالي مناعه
كنت قاعده لقيت راجل و مامته داخلين عليا شكله في اوائل التلاتينات و وراهم بكام خطوه مراته وكان شكلهم عرسان جداد وده اللي اتاكدت منه برده
الراجل كانت ضربات قلبه سريعه بشكل مش طبيعي وده اللي جابه. المهم من هنا لهنا اكتشفت انا والدكتور اللي معايا انه واخد جرعه عاليه من منشطات جنسيه وحصل معاه كده، عادي ومش اول مره تجيلنا حالات كده
اللي مضحكني طول الكشف ان مامته عماله تقوله براحة عليه يا دكتور، اسم الله عليك يا حبيب ماما، كله بسببها وشها وحش عليك، اللي هي مراته اللي واقفه ورا مغلوبه على امرها
لما قلت لها اللي حاصل قعدت تجادل معايا وتقولي ابني زي الفل مبيخدش الحاجات دي
انا مالي يوليه، هو انا بتهمه في قضيه شرف؟
وتكمل ابني مستحيل ياخد الحاجات دي، مين اللي لعب في دماغه؟ اكيد هي
وتبص لمراته من فوق لتحت
وهو ساكت تماما عامل نفسه مش موجود، ومراته واقفه يا عيني ساكته ما بيدهاش حيله، بجد صعبت عليا
انا مكنتش مصدقه ان في رجاله كده لحد ما شوفت بعيني
حقيقي متتجوزوش ابن ماما يا بنات

يارب المستشفى تولع🥰🥰🥰🥰🥰🥰🥰