u/mer_1939

لعشر سنين تقريبا كنت عايشه بحلم اني اصير مصممه ازياء وما اشوف نفسي

غير هيك ، لكن كل محاولاتي كانت تنتهي بطريق مسكر وماتزبط رغم انها

كانت تتحقق لاشخاص حولي اقل مستوى مني ماديا وتعليميا وموهبه ،

وانفتحت الي الابواب تجاه تخصص ثاني وهو تصميم جرافيكي وماببذل

مجهود كبير فيه مع ذلك بحقق اعلى الدرجات ، بقدر اقول اني بستمتع

بتخصص الثاني الي الحياه رمتني عليه مثل المعجزة بس لساتني بعتبره ثانوي

والاساس هو الازياء .

من كم يون شفت وحده بتحكي احيانا ممكن يكون عنا هواية مش مفروض

تكون المهنه الي نشتغلها ونقدمها للعالم وبكون في خيار ثاني رح ننجح فيه

اكثر .

وبحس مش عارفه ايش اختار ، لانه حاولت اعمل الاثنين وهيك بضيع وقتي

ومستواي بضل متوسط بلاثنين بدل اركز عواحد منهم و يصير مستواي عالي

فيه .

الازياء بنسبه الي متعه بس صعب التحقيق بس مش مستحيل

الجرافيك ناجحه فيه بس مش مستمتعه جدا فيه ولانه جديدة فيه لسا

مش فاهمه نفسي عنجد .

اي حد مرق بهيك تجربه او عنده فكرة بالموضوع ايش ممكن الحل ؟