u/mhmdhadenough

انا لقيت مامي🗣️

صلوا ع النبي

بعد م قررت اعمل معادلة عشان ادخل الكلية اللي طول عمري بحلم بيها ملقتش وقتها دعم من اي حد واضطريت اني اكمل المشوار لوحدي بكل المر والصعوبات اللي فيه منغير م حد يسأل فيا ولا ف حالتي لحد م جه وقت التنفيذ وعملت كل اللي مطلوب لكن برضو مكنش كفاية ومقدرتش اعدي منها ورغم كل دا ملقتش كلمة طيبة حتى تهون عليا اللي حصل من يومها لحد انهارده وبعد شهور من الاكتئاب والأرق والاضطراب على جميع النواحي دخلت الكلية اللي اهلي كانوا عايزين يدخلوهالي رغم اني مش بحبها وبعيدة كل البعد عن هواياتي ولكن مقدرتش اعمل حاجه لأني كنت متحطم وكنت سايبها تيجي زي ماتيجي ومن بعد م دخلتها وانا بتعذب سواء وسط اشخاص مش شبهي ف اي حاجه او دراسة انا مش حاببها ولكن برضو حطيت جزمة فبوقي وكملت اول ترم فيها وجبت 3.4 وبدل م كان يتفرح بيا او يتقالي كلمة حلوة حتى اتشافت مقصر عشان كنت جايب ف مادة مقبول من وسط ست امتيازات ف المواد التانية وكمان اجبرت على اني انزل شغل بعد كدا لأن معتش بيصرف عليا جنيه والفلوس اللي باخدها بتكون بتاعت الدراسة مش اكتر ونزلت شغل بأقل القليل ووافقت لأني كنت شايفه خطوة بسيطة لخطوة اكبر ناوي اخدها بس برضو ف الشغل دا بتظلم فيه من اول م اشتغلت شهر كامل بدون اي مقابل لعدم احترام لظروفي اخرهم كان انهارده لما نزلت الشغل فمعادي الساعة 11 وفضلت شغال لما بعد معادي واتشافت على اني متكاسل لما طلبت اني اروح عشان المواصلات متفوتنيش وحتى المرتب اتأجل لأني كنت مستعجل ع المشي وبالفعل المواصلات فاتتني ومكنش معايا فلوس لا اركب ولا اكل ف مشيت الطريق كامل من الشغل للبيت ومفيش حتى رنة تليفون تطمن عليا وتقولي اتأخرت ليه لحد م روحت البيت ودخلت ولا كأن حد شايفني ولا حتى لقيت غدا معمولي وانا اللي بقعد 12 ساعة حرفياً برا منغير م اكل لمجرد اني اوفر قرشين زيادة عشان احقق الحاجه اللي نفسي فيها وبعد كل دا برضو اتشافت على اني الابن المقصر ف حق اهله والعامل المقصر فشغله والصاحب اللي مش بيسأل على صحابه عشان مشغول والطالب اللي مش بيجتهد فدراسته والشخص اللي مقدرش يوصل لأحلامه ولا يحققها

الحمدلله