u/oddhvdfscuyg

Context: I am 30 years old and I don't think dorms fit me anymore, so I want to rent a small studio.

انا دلوقتي اهل خطيبتي قالولي انهم مش بياخدوا مهر كعيلة بس بيكتبوا قايمة بكل حاجة. انا رافض القايمة عشان هي وصل امانة، فاقترحت عليهم اني اكتب لهم حاجاتهم اللي جايبنها في القايمة و اي حاجة انا هاجبها هخلي الفاتورة بأسم البنت مش بأسمي باعتبار انهم عايزين ده يبقي المهر.

لكنهم مصممين انها تكون مكتوبة في القايمة، انا مش فاهم الفكرة ما كدة كدة الحاجة بأسمها ليه اكتبهم كوصل امانة. حاسس ان الموضوع في باطنة تخوين و ورقة ضغط اكتر من اي حاجة.

​

تنصحوني اعمل ايه؟

انا كنت بحب بنت جدا و انا عارفها من زمان اوي و عارف اهلها و هي ساكنه فين و ظروفهم عاملة ازاي. هم اسرة ميسورة الحال من طبقة متوسطة و انا نسبيا من كبقة اعلي شوية ماديا و اجتماعيا.

كل دة كان تمام، انا روحت اتقدم لها و اتفقنا و قرينا فاتحة، بعديها بشهرين والدها كلمني و قالي انهم عايزين يخلوا المهر ١٠٠ جرام دهب بدل ٤٠ اللي كنا متفقين عليهم، انا استغربت جدا، اتفاجئت بعد كدة انه عمال يطلب حاجات كلها مادية ليها علاقة بالمهر و المؤخر اكبر بكتير من الاتفاق و كدة (احنا عيلتنا بتدفع المؤخر بعد الزواج مش لازم في حالة الطلاق)، الكلام كله ان بنتي تتاقل بالدهب و تستحق اكتر من كدة و بعد كدة قالي الجملة الذهبية "لو شاري يا بني مش هيفرق معاك). انا كل ده بالنسبة لي تمام، لكن الغريب بالنسبة لي اني عارف ظروفهم و انهم مش بيتجوزوا بالارقام دي خالص في منطقتهم او عيلتهم. و برضة حاجة كمان انهم عندهم ولدين قريبين مني في السن، و انا متأكد مليون في المية انهم مش عارفين يجوزوهم بسبب الفلوس، ف ليه بقي بيطلبوا ارقام خزعبلية.

هل ده عادي و انا مكبر الموضوع؟ البنت من حقها تطلب اللي هي عايزاه لكن الغريب ان الارقام دي معناها انهم عايزين طبقة مادية اعلي منهم بكتيييير جدا عشان تقدر تدفعها