بناخذ رايكم بكل حياديه
السلام عليكم
انا بنت بعد عمل ثلاث سنوات وبفضل الله شريت سياره وهلي كانو موافقين اني نسوق ونقضي مشواير الجامعه بيها
اول مشكله صارت ان مخلونيش ناخذ السياره الي نبيها واختارولي سياره كبيره وقلت عادي مش مشكلة
ثاني مشكله صارت انهم رغم اني تعلمت ونعرف نسوق بس رافضين يعطوني السياره ويخلوني نسوق
ووقت نعاتبهم ونقول لميت فلوس عشان نشريها ونسوقها مش عشان نقعد ندور ف حد يوصلني
يقولو اني انانيه وبنضيقها ف وجوهم
مع العلم ان بابا عنده سيارتين وحده كانت تخرب واجد باعها
والثانيه فيها عطل يقدر يصلح بس قرر انه يسيبها وياخذ سيارتي
وانا شايفه روحي مظلومه ان عشموني من الاول اني نسوق ووقت خلوني نجمع ونشري مخلونيش نلمسها
ولما ندوي ونقول حرام عليكم عشمتوني بابا يضربني ويقول اني قليله خير ومش متربيه وكيف ندوي ونقول سيارتي وشريتها ب فلوسي
وقدام الناس كلهم كذبو وقالو نحنا شريناها ولما قلت ليش قالو عشان مينقوش عليك يقولو دارت سياره بفلوسها
شن ندير؟
بجد تعبت وكلام له ثمان شهور على هذا الوضع ولو دويت تصير عركه ومتحشمه نحكي لصحباتي ع موضوع زي هذا