ஆவின் தலைவர் பதவி ரூ.50 லட்சம்… அரசு வழக்கறிஞர் பதவி ரூ.30 லட்சம்…
”ஊழலற்ற ஆட்சியைக் கொடுப்போம் என்று மக்களின் நம்பிக்கையைப் பெற்று வெற்றிபெற்றவர் த.வெ.க தலைவர் விஜய். ஆனால், அவர் முதல்வராகப் பொறுப்பேற்ற அன்றைய தினமே, எங்கள் கட்சியின் மாவட்டச் செயலாளர் அரசுப் பதவிகள், கவுன்சிலர் சீட் என அனைத்துக்கும் விலைப்பட்டியல் போட்டு வசூலில் குதித்துவிட்டார்” என்று குமுறுகின்றனர், விழுப்புரம் மாவட்ட த.வெ.க-வினர்.
`அனைத்து டெண்டர்களிலும் கமிஷன் கட்டாயம்!’
இதையடுத்து ‘பெயர் வெளியிட வேண்டாம்’ என்ற கோரிக்கையுடன் நம்மிடம் பேசிய த.வெ.க நிர்வாகிகள் சிலர், ``விஜய் முதல்வராகப் பதவி ஏற்ற அன்றைய தினமே, எங்கள் கட்சியின் விழுப்புரம் தெற்கு மாவட்டச் செயலாளர் `குஷி’ மோகன்ராஜ் ஆட்டத்தைத் தொடங்கினார். நகராட்சி தொடங்கி வருவாய் கோட்டாட்சியர் அலுவலகம், வட்டாரப் போக்குவரத்து அலுவலகம், குவாரி பிரிவு, மாவட்ட ஆட்சியர் அலுவலகம் வரை ஆதரவாளர்களுடன் நேரில் சென்று, `இனி அனைத்து டெண்டர்களிலும் மாதம்தோறும் எனக்கு கமிஷன் தர வேண்டும்’ என்று அதிகாரிகளிடம் கேட்க ஆரம்பித்தார்.
இந்தக் குற்றச்சாட்டுகள் குறித்துக் கேட்க `குஷி’ மோகன்ராஜைத் தொடர்புகொண்டோம். தன் மீதான குற்றச்சாட்டுகளை மறுத்த அவர், ``இது தி.மு.க-வினரின் திட்டமிட்ட சதி. விழுப்புரத்தைப் பொறுத்தவரை கட்சியில் இருப்பவர்கள் அனைவரும் மாற்றுக் கட்சியிலிருந்து வந்தவர்கள். அப்படி எங்கள் கட்சிக்குள் வந்த தி.மு.க-வினர்தான் என்மீது இப்படிப் பொய்க் குற்றச்சாட்டைப் பரப்பிவருகிறார்கள்”
Source: Vikatan