u/zi1d

طبعا مشكلتي في التخصص والدراسة :

تخصصي حاليا it والحلم كان طياران لكن الحمد لله الضروف ليها راي ثاني
المهم خشيت لـتخصص تقنية المعلومات من غير رغبة خشيتله في 2024 ولليوم مصفي منه 8 مواد فقط ، نزلت فيه لحد الان يمكن 4 سميسترات ، المواد يلي انزلهم معاش فهمت شي شي مخي مطفي حاولت ناخد كورسات نقرا وندير وقت يجيني سوال برمجي دماغي يوقف يدير في ستووووب ، الفترة هادي قعد تجيني افكار نغير تخصص مع انه عمري الحالي 21 سنة خايف انه نضيع عمري ونتخرج واني كبير في نطاق 24-25 ، التخصصات يلي فكرت فيها يلي هيا قانون او هندسة معمارية او علوم سياسية

ليا سنتين الموضوع يدور في راسي لانه جودة الحياة اصعب تحت الصفر بننقد ما تبقى من عمري

قبل فترة كنت نتعب بشكل غريب امراض نفسية وساوس وديما ندوخ ومش متوازن لما نوقف ، المهم لما مشيت نعاين يوم من الايام الدكتور شخصني على الاعراض وانه اني مريض نفسي عطاني أدوية نفسية طبعا اني قعد بعقلي وقلت مستحيل ناخدها او اي شي ، مشيت لـ دكتور أذن وحنجرة باش نشوف مشكله عدم التوازن قالي مافيك شي امورك 10/10 شكيت في نفسي قلت شن نرعى ولا نتوهم ، قررت نمشي تونس ، رحلة استغرقت يومين وروحت المهم بالنسبة للدكتور يلي قالي مافيك شي وعندك مرض نفسي ، طلع عندط ارتجاج مريئ وكمية حموضه في البطن بشكل يخوف لين مأثره على اعصاب المعده و الأمعاء وكل شي ، وبالنسبة لي قصة عدم التوازن والدوخة طلع عندي التهاب أذن وسطى من الدرجة المخيفة ، ليا اقل من اسبوع من العلاج والادوية الحمد لله حاسس بروحي وليت بنادم ، للاسف وقت نسمع في الناس يذمو في الأطباء يلي عندنا كنت نقول حرام عليهم اكيد كويسين ، طلعت اني يلي كويس مش هما ، وتشخيصهم زبالة حشاكم .

انا مقبل على شراء هاتف جديد محتار بين iphone 17 pro max او iphone 17 pro طبعاً** خايف من الاختيار بين الاثني**ن