r/Alahsaa

أنا صارت معي قصة اليوم ومصدوم ع الآخر وحاب أستشيركم! السالفة وما فيها إني دخلت حساب تيك توك حق عامل المزرعة عندنا عشان أطل عليه، ولقيت عنده فيديو وصورة بغيت أحملهم بس طلع لي Error (خطأ) يوم جيت أحملهم من نفس التطبيق. رحت نسخت الرابط وحملتهم من موقع خارجي برا التيك توك وانتهينا.

​المفاجأة وين؟ اليوم الثاني جاء العامل عندنا البيت يشتغل شغلة، وفجأة راح كلم أبوي وقال له إني أخذت مقطع وصورة من حسابه!

​أنا هنا انفجعت.. هو كيف عرف؟! والمصيبة مو بس إنه درا إني دخلت، إلا درا بالضبط وش الأشياء اللي حملتها!

​ما صارت مشكلة ولا شيء الحمد لله، بس أنا إلى الحين منصدم وقاعد أفكر، هل التيك توك يعلم راعي الحساب مين شافه أو مين حمل منه؟ وإلا فيه طريقة ثانية عرف بها؟ أحد قد صارت معه؟

مرحبا شباب بنات، انا ابوي عنده الم في الظهر و الرجل احتاج افضل شخص يسوي مساج طبعي و يكون افضل في الاحساء محلات المساج كثيره و في الكويس و الى مب كويس احتاج الافضل ،انا انتظر اجاباتكم