r/EgyCollege

​

بصوا يا جماعة، أنا لسه في أولى ثانوي وحاسس إن عندي وقت فاضي كتير ومش عايز أفضل أضيعه على الفاضي، فعايز أبدأ أتعلم مهارة تفيدني في المستقبل، وفي نفس الوقت لو في حاجة أقدر أشتغلها بشكل مؤقت وتدخللي دخل بسيط يبقى كويس.

مؤهلاتي حاليًا:

بدرس في مدرسة ناشونال.

مستوايا في الإنجليزي تقريبًا B2.

لسه في أولى ثانوي.

عندي وقت أقدر أخصصه للتعلم أو الشغل.

معنديش كمبيوتر أو لابتوب، معايا موبايل بس.

مش هدفي إني أعمل فلوس كتير دلوقتي، بس لو في شغل بسيط أقدر أعمله ويكسبني دخل بسيط، هيبقى مفيد جدًا. وفي نفس الوقت عايز أتعلم حاجة أطور نفسي فيها وتفيدني قدام.

فإيه المهارات اللي تنصحوني أبدأ أتعلمها في سني وبالإمكانيات اللي عندي؟ وهل في شغل مؤقت أقدر أعمله بالموبايل بس ومن غير خبرة أو مؤهلات كبيرة؟

ولو حد كان في نفس سني وبدأ يتعلم أو يشتغل في حاجة، ياريت يحكي تجربته أو ينصحني أبدأ منين.

يا ضحكي ، أنا أولى جامعة ولحسن حظي (كنت فاكر إنه لحسن ) إن معايا صحابي من نفس المنطقة وصحاب من زمان حوالي ٦ ومنهم ابن عمتي اللي متربيين مع بعض وكنت فاكر بقا إني مش هعدي على فترة الوحدة فالجامعة وكدا وياريتني عديت عليها ، من أول يوم لما جيت اصحى ولقيت ابن عمتي ولا صحابي محدش كلمني (هما اصحابي واصحابه من زمان بس اصحابه اكتر ما عدا اتنين المفروض صحابي اكتر لانهم من ابتدائي معايا ) فرنيت عليه أنا قولتله هتنزلوا امتى قالي ٧ احنا ساكنين قريب من بعض فبديهي قرايب صحاب رايحين نفس الجامعة والكلية والمحاضرة يركبوا المواصلات مع بعض فأنا نزلت وكلمته قالي انا كان قصدي نصحى سبعة مش ننزل سبعة وهو مش قصده حاجة بس من الاخر مش حاطتني فالأهمية أو مش فارق وقالي خلاص اركب أنت وخلاص وأنا لو مكنتش كلمته أصلا مكنش سأل غير بعد ميركب وهو بيعمل الحركة دي علطول لما يركب عشان يخلي ضميره يقولي انت فين وكدا والاقيهم اسم الله عليهم الستة متجمعين ولقتيهم عند الموقف طبعا كملت ولا حصل حاجة نروح هناك بقا لو دخلنا الحمام وكله خلص معادايا الاقيهم مشيوا وراحوا عالمدرج بدون سابق إنذار وقسما بالله لما حد فيهم اللي يكون مخلصش يستنوا برا واتكرر عشرين مرة الموضوع لدرجة بقيت مستغرب هما مشحاسين إني ممكن اتضايق وكذلك واحنا مروحين قليل اما يستنوني ولو ركبوا ميندهوليش او يكلموني بعد ما يمشي وانا مصدوم فابنعمتي اللي لما بنكون لوحدنا بيتغير ٢٠٠ درجة واحسه بيحبني بجد وإني قريبه فعلن ف مبقتش فاهمه والله المهم الأسوء والأنقح احنا ستة وأنا السادس معلش لو قولت انهم ستة من غيري فوق اتلغبط عاملين جروب واتس لسا مكتشفه من يومين خخخخخ جروب واتس ليهم هما الخمسة والمفروض بقا جروب عشان الجامعة وكدا يتفقوا هينزلوا امتى ينزلوا حاجة للمذاكرة والبجح انا اسف رغم اني بحبه والله بس فعلا أنا مصدوم انهاردة واحد صور قولتله ابعتهالي قالي هنزلها عالجروب قولتله جروب ايه (عامل عبيط إني معرفش إنهم عاملين جروب وعاملينه من أول يوم روحنا وانهاردا تالت أسبوع ) راح ابن عمتي قالي هبقا ادخلك (لسا مدخلنيش ) ويقعد يحكي معاهم طول الطريق ووالله نادرا ما بيكلمني على عكس لو لوحدنا ولا اشترى عجلة وبيحكلهم على مواقف بتحصله وهو سايقها ووالله حتى ما قالي إنه جاب عجلة وانا سمعته وهو بيكلمهم وانا بعيد عنهم واعتقد ميعرفش اني سمعت

مش بتكلم على عجلة ولا فارق معايا والله بس بتكلم عن الألم اللي حاسس بيه تجاههم هل عملتلهم حاجة هل انا بضان معرفش والله ايه السبب المنطقي إني احس إني منبوذ وسطهم ورغم اننا من نفس المنطقة بقعد لوحدي كتير فالجامعة بسبب انهم بيمشوا من غير ميقولولي وبتكسف امشي وراهم من الإحراج اللي هو مقالوليش وينهار اسود على اليوم اللي واحد فيهم مركبش معانا وربي شوية شوية كانوا هينزلوا من العربية عشانه وانا حتى ابن عمتي معبرنيش فمرة

مش مستني حاجة بفضفض عشان نفسيتي زفت من ناحية حاجات كتير اسف عالإطالة

وعارف هيقولولي عيش واهتم بالمذاكرة وفكك منهم ومن الهبل دا بس والله غصب عني بزعل وبتضايق ونفسيتي وحشة وأنا واحد 164 سم نفسيتي بسبب طولي سيئة أصلا ما بالك باللي بيحصل وأنا شاب والمفروض أجمل أيام حياتي محدش يقولي انشف يا خول والله أنتم ما فاهمين حاجة

انا في هندسه اتخصصت خلاص وتقريبا بنزل من الحد للخميس من 8 ل 4 ودخلت تيم تيكنيكل في الكليه فا بقا مطلوب مني اسيرش واذاكر ليه هو كمان

ازاي اذاكر للكليه او ازاي انظم الوقت خصوصا ان عاوزه احافظ علي ال gpa عشان تعبت لحد ما خليته عالي

والتيم الي انا دخلته ازاي الاقي طرق سيلف ليرننج اسهل ومتاخدش وقت كتير خصوصا اني بدأت استتقل الموضوع وانا مش عاوزه اسيب التيم

اي نصايح من الأوائل الي عندهم حياه غير المذاكره عوزاها