r/EgyCollege

متبخلوش بالرد يا جماعه

الحمدالله حققت بداية هدفي واتقبلت في سياسة واقتصاد(علاقات دولية وامنية)🙏 كل اللي اسأله يقولي كلية تقيلة وبتاع.

بس السؤال اذاكر ازاي؟ هل زي ما كنت بذاكر في ثانوي عادي؟(ملحوظة انا بطيئة في الحفظ شوية ودا كان بيتعبني وبحس اني متأخرة )كويسة فالفهم عادي، بس اللي كان بيتعبني اني بقعد كتير عقبال ما اسيف المعلومة، ولما اجي احل واحتاج المعلومة بلاقيني بجيبها عادي

لكن بلاقي صعوبة في سردها او شرحها لحد هي المعلومة متخزنة بس بحس انها مش متخزنة بطريقة مباشرة حاجة مش عارفة اشرحها، هل دا عادي ؟

السؤال المهم بقا اذاكر ازاي في الكلية؟

انا عايز علوم عين شمس بس جاتلي الفيوم

الفرقق بيني وبين عين شمس 6 درجات وبيني وبين حلوان 0.5 درجه

خايف اعمل تقليل اغتراب عين شمس ويترفض فالبس في الفيوم

وحلوان تقريبا مضمون اني اتقبل بس بعيده عن بيتي انا فاول خط المترو وهي في الاخر

فاحط عين شمس في تقليل الاغتراب ولا حلوان

https://preview.redd.it/uk3qbyruxckh1.jpg?width=856&format=pjpg&auto=webp&s=2205e1111c0cdda4dbb9ae136390aee414d3f036

هل ينفع لما اجي املا رغباتي اكتب كل كليات محافظتي بعد كده كل كليات المحافظة الي جمبي وهكذا؟

يعني

كذا منصورة

كذا منصورة

كذا كفر الشيخ

كذا كفر الشيخ

كذا دمنهور

وهكذا لغاية لما املى الحد الأدنى أو الأقصى

انا بقول كده علشان مش عايز اتغرب وفي نفس الوقت اخش كلية في محافظتي

يعني لو اتنين مقدمين على وظيفة في الخارج هيكون الأولى انهم يوظفوا خريج القصر العيني بدل خريج الزقازيق؟ ولا الموضوع مالهوش علاقة و اهم حاجة التخصص؟

مقدم هندسة حاسبات اختار مين ضروري الله يكرمكم عشان قريب جدا لازم ادفع

مين اقوي أكاديميا وتعليميا وطلاب منافسين وكويسين وبيوفر فرص تدريب أثناء الدراسة وله سمعة كويسة بعد التخرج

دلوقتي انا لسه متخرج من ثانويه عامه وجبت 79.8% المهم هل المنحه بتبقي للطلاب الي جايبه في التسعينات و المجاميع العاليه دي ولا المنحه لو انت جايب اعلي من التنسيق بتاعها

و هل المنحه بتبقي full free ولا بتبقي نص منحه و هل ساعتها حتي لو مجانيه بالكامل او نص منحه بندفع المصاريف الادرايه ولا لا

كلامي اكتر عن هندسة
انا فهندسة القاهرة قسم حاسبات والجامعة كويسة اوي وكل حاجة كويسة اه فيه بعض السلبيات بس اوفراول الجامعة كويسة جدا وعادي فيه مشاريع وفيه اهتمام والكومينيتي كويس وكل حاجة كويسة ممكن العيب الوحيد هو اعدادي هندسة
ومن حيث المسابقات انا مش بشوف اي فرق بتتأهل لفاينلز غير عين شمس والقاهرة وحلوان واسكندرية والمنصورة
(كلامي عن
ecpc , acpc ...etc
)
وممكن الاستثناء الوحيد فالجامعات الخاصة يكون
GUC , النيل

ليه بقي توجه المعظم للجامعات الخاصة ؟ وبشوف كل يوم تقليل جامد من الجامعات الحكومية , هل فيه حاجة مش متوفرة عندنا ومتوفرة عند باقي الجامعات احنا مش ملاحظينها ؟

انا بسمع كلام غريب من قرايبي او صحابي فالجامعات الخاصة زي ان الدكاترة عندنا مبتشرحش (استحالة تحصل حتي لو جامعة فالاقاليم)
وان ازاي تقارن جامعة مجانية بجامعة خاصة (علي ما اعتقد محدش كلمهم عن ميزانية التعليم ازاي بتتوزع) وبسمع اخر فترة اراء غريبة وانتقاد دائم للجامعات الحكومية
والمشكلة الموضوع وصل ان فيه شركات بقت بتعتبرنا ك
community college
ومؤخرا كلمت
talent acquisition specialist
فشركة محترمة نوعا ما وانا كنت بعرض عليه اخر مشاريع اشتغلت عليها (معظم المشاريع كانت بتعجبه جدا) كنوع من انواع الكونيكشنز والشركة فتحت الابلاي لجونيور بوزيشن (انا لسة فالجامعة بس انا مؤهل لأني شغال فريلانس من زمان) والراجل فعلا خلاني اعدي الفلتريشن ستيب ولما اروح الشركة الاقي ال
HR
بتديني اغرب
rejection
شفته فحياتي , انا كنت عامل حسابي علي الرفض بسبب اني لسة فالجامعة ودي مش اخر سنة ليا , الاقيها بتقلي معلش احنا مش بناخد غير ناس ف
private universities
عشان ال
culture fit

هو ليه الشعب بقي بيعتبر الجامعة نادي او
club

والغريب ان ال
HR
خريجة تجارة حلوان , ليه السوق فمصر وصل للعبط دا ؟ الفكرة ان معظم الجامعات الخاصة ك كونتينت فهما مش بياخدوا ربع منهجنا ان كان فهندسة او حاسبات وحتي المسابقات والهاكسونز نفس الحوار نادرا ما تلاقي اي جامعة كسبت حاجة

هل الجامعة بقت
campus
؟
وهل فيه حاجة اسمها تدي ريجيكشن لشخص شاطر لمجرد
culture fit
وانت شركتك اكبر
service
اشتغلت عليها كانت مشروع لأنترن فالشركات المحترمة

السوق المصري بقي غريب جدا وتحس ان ال
HR
بقي بيحدد الموظف الامثل من رأي اولياء الامور علي بيدجات الجامعات

والمشكلة الشركات الكبيرة فمصر ان كان سيمينز او
PwC , microsoft , fawry ...etc
هتلاقي المعظم هناك خريجي قاهرة وعين شمس فأي خلاك تعمل فلتريشن عبيط انت ذات نفسك مش عارف قيمته

سلام عليكم يا اخواتي

انا لسه مخلص ثانوية عامة والحمد لله جبت 306 وجالى الترشيح طب عين شمس وانا يعني داخل طب عشان انا حابب الطب مش عشان كلية قمة والكلام دا

انا من كفر الشيخ وبيني وبين جامعة كفر الشيخ حوالي نص ساعة مواصلات وكانت كفر الشيخ رغبة اولى بالنسبالي بس للأسف كفر الشيخ خدت من 306.5

دلوقتي السؤال هل اعمل تقليل اغتراب وبنسبة كبيرة هيتقبل ولا اخليني فى عين شمس

الموضوع بجد محيرني من ناحية باصص لإن عين شمس كاسم وكمستوي هي طبعا افضل ومن ناحية تانية كفر الشيخ جنبي ومش هضطر اسافر وهيكون اهلى جنبي لو احتجت حاجة هيكون جنبي فى اسرع وقت ونقطة كمان هى المصاريف هو احنا الحمدلله حالتنا المادية كويسة بس انا مش حابب انى اضغط على اهلى ماديا فى المصاريف واكيد لو روحت كفر الشيخ هتكون مصاريف العيشة اقل كتير عن ما اسافر القاهرة

رايكم ايه

دلوقتي انا بعد العك و طلعان ميتين طول السنه جبت 47٪ و بعد ما اهمتحن فيزياء و كيميا مش هجيب اعلي من ٥٧ هل فيه حل او طريقه اخش حاسبات او حد بيعلي درجات او اي حاحه تساعدني اخش حلمي لاني طلع ميتيني و علمت كل حاجه اقدر عليها وانا معنديش استعداد اعيد السنه تاني و امر بنفس الضغط تاني بحانب انها هتبقي جمب الشغل لاني مجبر اصرف علي دروسي و حياتي لحد ما اخلصها تاني ايا كانت الطريقه و ايا كان الي هيدفع انا مستعد ادفع بس اخش حلمي لاني مش مستعد اعيد تاني

غالبا همسح البوست بعدين بس المهم، انا مجموعي مجابش للاسف اخش جامعة حكومة فا مضطر اخش خاص او اهلي

حطيت عيني على جامعة اسمها النيل الاهلية وسمعت انهم معتمدين والدراسة فيها حلوة، بس المشكلة اني لما رحت اقدم حسيت بفرق في الطبقات، حاسس اني imposter وسطهم

وكمان الزاد الموضوع ناس من قرايبي بيقولولي انت شوية شوية في الجامعة دي لو كملت فيها هتبدا تبقا عايز تلفون احدث، هدوم براندات، هتبدا تتنمرد على العربية الانت راكبها وهكذا ف حسسوني اني فعلا هعاني من فرق الطبقات لو دخلت الجامعة دي

الموضوع شاغل بالي وملقتش حد بيتكلم عنه وملقتش مكان اتكلم فيه براحتي غير هنا، هل فعلا لو دخلتها هحس بفرق طبقية؟ هحس اني غريب وسطهم او اني مش منتمي؟ ولا الحاجات دي نظرات سطحية ومش بتفرق اوي

هل كازان تستاهل اني ادخلها بعيدا عن المصاريف والكلام ده كله

انا ناوي على اني اتعلم مونتاج وكدة فأنهي هيساعدني اكتر فالموضوع دة؟

غير اني عايز اتعلم الماني واقوي الانجليزي معاه؟

فأنهي انسبلي؟

للعلم انا جايب ٧٧.٣% علمي علوم.

السلام عليكم أنا جايب 62.3 او 199.5 علمي علوم أقدر اخش كلية تربية نوعية قسم تكنولوجيا التعليم جامعة عين شمس بمعلومة إن تنسيق الداخلي السنه إلي فاتت كان 62.5 او 200 فهل ممكن يقل علي لاقل نص درجه السنادي شكرا