r/EgyCorner

يا ريته كان لعب مع استراليا

عارفين شعور ان المكان اللي انت فيه مش مكانك؟

حاليا عندي ٢٣ سنه و اتولدت في بيئه مش افضل شيئ، طول عمري حاسس إني لوحدي من وأنا طفل و دماغي مختلفة عن كل اللي حواليا يعني مثلا: وأنا في المدرسه زمان مكنتش لاقي حد بنفس طريقة تفكيري، كنت بشوف كله عنده صحاب و بيخرجوا و يتبسطوا و يلعبوا وانا أهلي كانوا شادين عليا جامد ومكانوش بيرضو ينزلوني من البيت كانت حياتي من المدرسه للبيت و افتح الكمبيوتر، ارسم، اقرأ روايات ، أتفرج علي انمي أو افلام ، العب جيمز ، اسمع أغاني ، ادخل علي الفيسبوك الاقى بعض الناس احس انهم شبهي ف ابدا اتكلم معاهم سوشيال و هكذا ، لما دخلت ثانوي كان معظم اللي اعرفهم نورمي فشخ ف بقيت بحاول ألاقي حد مثقف أتكلم معاه أو حد عنده بعض الهوايات اللي عندي بس نادرا لما كنت بلاقي ف كنت حرفيا بشتري صحاب سواء ولاد أو بنات و اخليهم يخرجوا علي حسابي و نروح و نيجي سوا و نعمل شله بس فشلت لان الدنيا عندي في البيت مكانتش مستقره و اتطردت من البيت بعد انفصال والدي ووالدتي من 1ث حتى وقتنا هذا انا عايش لوحدي مبقاش عندي وقت أعمل حاجه غير إني بشتغل عشان اصرف علي نفسي في أي شغلانه أيا كانت قعدت مع ناس كتير مش شبهي دخلت في ريليشنز كتير فاشله و دخلت في سكه مخدرات و تسول لدرجة ان جت عليا ايام وشهور كنت بنام تحت الكباري بس طلعت نفسي من المرحله دي و عرفت اخلي علاقتي كويسه مع والدي ف رجعت بيتنا القديم و عايش فيه لوحدي ، بطلت هواياتي كلها ، مستوايا تراجع فشخ مبقاش عندي حد أتكلم معاه ، بقيت أشوف إللي كنت اعرفهم ألاقي كل واحد بقى عنده حياه كويسه وأنا لسه زي ما إحنا حاسس إني لوحدي ، مفتكرش إني روحت الجامعه غير في أيام الامتحانات لأني معنديش وقت عشان أروح المحاضرات و معشتش حياه جامعيه زي ما كنت بتخيل ، كل الناس بقى عندها ذكريات حلوه و عاشت حياتها وأنا لسه زي ما أنا بحاول ابدأ ، لما بشوف العيال بتوع المدارس حاليا بتبسطلهم لأن الجيل الجديد بقى عنده شويه وعي عن جيلي ، من بعد كورونا لقيت ناس كتير بقت طريقه تفكيرها زيي بس دايما أنا في طريق وهما في طريق، بحس إني اتظلمت واتبهدلت في حجات كتير انا مليش ذنب فيها، و حاليا انا داخل الجيش بس مش عارف بعد ما اطلع هعرف ارجع أطور من نفسي تاني؟ هل هعرف أبني علاقات جديدة ؟ ولا خلاص كده إللي فات مات..