r/Egypt_Developers

كل ما بفتح فيديو على اليوتيوب بيكون عنوانه من شاكلة "هل هندسة البرمجيات انتهت" او "هل الذكاء الاصطناعي عرف يعوض مكان مهندس البرمجيات" بيكون العامل المشترك ما بينهم كلهم ان هما بيبيعوا كورس تأسيسي في تعليم البرمجة في اخر الفيديو
وكأنهم بيتجاهلوا تماماً اللي بيحصل حالياً في ماركيت السوفتوير والتيك في العالم كله وبيحاولوا يبيعوا الوهم عشان بس ياخدوا فلوسك من الكورسات!
الماركيت حالياً بقى مؤلم للفريش والجونيورز وكمان في الميد ليفل للسوفتوير ديفلوبرز وحتى الكونيكشن مبقتش دايماً بتنفع والعرض بقا أكبر من الطلب بشكل مبالغ فيه ودة في المجال كله مش في ماركيت بلد معينة!
وييجوا دول بكل بجاحة يقولولك لا ابدأ وخش وخد الكورس واقعد سنتين تلاتة من عمرك بتدرس كارير مستقبله ملهوش ملامح وحرفياً كل اسبوعين بيطلع نموذج من امريكا ولا الصين بيقتل نص الباحثين عن اي وظيفة في المجال

السلام عليكم

أنا كنت مسافر أوروبا بقالي ٥ سنين وإن شاء الله نازل مصر بشكل نهائي السنة الجاية وكنت حابب أعرف أخبار سوق العمل في مصر ايه

أنا أصلا systems software engineer ومعظم خبرتي في C++ و في C بقالي معاهم ١٢ سنة، مرورا بحاجات زي Qt وDirectX وHLSL وcompilers وكذلك LLVM بحكم شغلي

أنا عارف إن نسبة وجود فرص بهذا النوع في مصر قليلة، بس أعتقد إنكم تقدروا تفيدوني إذا كان في ولا لا

كذلك عندي خبرة مع Go وFlutter وDart بس طبعا مش زي C++

الأسئلة:

ايه أكثر المتطلبات أو البوزيشنز انتشارا في سوق العمل حاليا في مصر؟

ايه أسماء شركات كويسة حاليا في مصر وبيشتغلوا في ايه؟

ايه أكتر حاجة مناسبة لواحد زيّ في السوق حاليا؟ من حيث الخبرة نوعا وعدد سنينا؟

ايه نظام المرتبات دلوقتي؟ وايه المبلغ المنطقي اللي أكون حاطه في بالي وأنا بدور على شغل؟

ايه نصيحتك لي في العموم؟

ياريت الحوار ميروحش لمنطقة خليك في أوروبا لأن قراري نهائي وعندي ظروف شخصية قوية تمنعني من البقاء في أوروبا

انا بدور بقالي فترة علي شغل كا Full-Stack Developer وكل الوظايف الي علي linkedin طالبين seniors وكل فين وفين لمه تلاقي وظيفة Junior ولو قدمت في الغالب محدش بيردك عليك

لو فيه نصيحه او طريق انتا خدة عشان تلاقي شغل ياريت تقولي عليه مش هتخسر حاجه وشكرا مقدما

انا عندي مشكله اني محتاج اقابل كلاينت بكره هو مطعم يعني ف هقابله هناك عملتله بروجكت سيستم كامل للمطعم بتاعه هو مطعم فرعين ف السيستم نوعا ما مغطي الطلبات دي ف الفكره ان ده Version جديد للسيستم ده

النسخه القديمه كانت فايربيز و موصلها بالبروجكت و الداتا بيز و ال auth و كله كان من خلال فايربيز غيرت الستراكشر كامل فب الفيرجن الجديد بسبب كذه مشكله في فايربيز

زي ال read , write القليلين اوي و مشكله واجهتني في ال cloud functions بس مش ده الموضوع بردو

دلوقتي انا عملت البروجكت ب postgresql كداتا بيز و اعتمدت عليها خلاص و شغلتها و كله تمام كل ده لوكال هوست طبعا

المهم انا بكره هقابل الكلاينت و طبعا هنعمل تيست للاوردرز الي هتتبعت من الكلاينت للادمن داشبورد ده فيوتشر واحده من ضمن فيوتشرز كتير

انا بقالي اربع ساعات مش لاقي ولا بلاتفورم واحده تستضيف الباك اند و الفرونت اند كله بيستضيف الفرونت كده كده انما مش لاقي باكاند خاالص سألت حتي كذه موديل ai رشحولي كلاود فلير بس كلاود فلير دومين متغير ولو اللابتوب عمل sleep بس الويبسايت يعتبر وقع فمش عارف اعمل ايه خصوصا انه مافيش المقدره اوي اني ادفع vps دلوقتي خالص فياريت اسمع ارائكم

وحشني فشخ زمان لما كنت فاتح مليون tab عشان شغال علي سيستم واحده ل docs وواحده للمشروع وواحده ل git او stack overflow دلوقتي بقي كل شغلي عباره عن احط خطه ابعتها ل codex يرجعلي خطته ققراها ققول اشتغل يعقد فيها حبه محترمه بعدين يرجعلي نتيجه اعمل تيست وققول فين المشاكل وخلاص مبقاش في اي شغف او متعه في الشغل زمان لما كنت بتنطط من الفرحه لما احل مشكله بقالي فيها اسبوع

محتاجة لاب توب ضروري ومش عارفة أستقر على موديل

ميزانية من ٦٠ ل ٦٥

برمجة فقط ( ويب ) وبفضل ابعد عن ال gaming ومشاكله

فيه قدامي

Lenovo Thinkpad E16 Gen 3

ASUS Vivobook S1

الاول عيبه ان الشاشة مش أحسن حاجة بالنسبة للسعر ( ٥٩ ألف عن سيجما )

التاني شاشته oled مجربتش شاشة oled قبل كدا لكن كتير بيتكلموا عن عيوبها

اباقي المواصفات تقريبا واحد

بقالي سنة بدرس ML بس مش بانتظام وكنت يعتبر خلصت supervised & unsupervised وكنت داخل علي ال deep learning بس اتخرجت وكنت بشوف حوار الجيش وكده انا خريج علوم حاسب عامة بس لما جيت اكمل تاني سمعت ان مفيش شغلانات للجونيورز في ML بالذات ومش عارف اعمل ايه اكمل مذاكرة ولا اشفت علي تراك تاني ولو هكمل المفروض اوصل لايه في ظل التطور الفظيع لل ai ده المفروض ال minimum للشركات ابقي عارف ايه

انا عارف ان السوق شبه ميت تماما، بس عندي فضول هل .net ميته اكتر من ستاك زي جو مثلا او node js

جماعة انا حاليا في الجيش و انا بفكر استغل اذاكر ال٧ ايام الي لم بنزل فيهم و لكن مش عارف اعمل ايه حرفيا الي هو ابدأ ايه و لا منين و بحس ان لازم حاجة تتذاكر علي بعضها مش هينفع شغل التقطيع دا فهل دا وقت مناسب اني ابدأ ف خلال فترة الجيش

السلام عليكم

جالي offer كويس من cib كا core banking specialist

JOB PURPOSE:.

To execute and implement the assigned changes and tasks related to applications in domain from both technical and functional perspectives.

انا لسة متخرج من سنة وخريج iti وكان التراك بتاعي backend .net

خايف اقبل الoffer اكون ببعد عن المجال او بضيع مستقبلي فيه

ايه رأيكوا؟

السلام عليكم

انا متعلم backend php و عملت كذا مشروع

دلوقتي مش عارف هل اروح اتعلم frontend و ابقا fullstack ولا اروح للdevops؟ الانا خايف منه اني ملاقيش شغل ( انا لسه في تالته جامعة )

فاي واحد منهم في فرص افضل للشغل و السوق عايزه اكتر؟

انا حاليًا في هندسة حاسبات واتصالات اهلية انا في سنة تانية داخل بمواد من اولى وبفكر احول سايبر سكيورتي كريديت وحاسس اني هندم لو حولت عشان سيبت هندسة وحاسس اني هندم لو كملت في هندسة

بذاكر back end using java spring boot وبشوف الوظائف لقيت الفرص قليلة خالص لحد لسه فريش دا غير أن requirements بتاعت الشغل بقا كتير خالص علي حد لسه بيبدأ

فكنت محتاج أعرف ايه الدنيا في devops وال learning curve بتاعه وهل فيه فرص كويس والمرتبات

كنت بفكر في مجال من مجالات ai بس محبتش حاجه فيهم ممكن حد يفيدني

أنا لسه باقي ليا سنه في الكلية غير الجيش