r/Forumi

2011 წლიდან არსებობს მეგრული ვიკიპედია, სადაც უკვე 23000-მდე სტატიაა თავმოყრილი. ვინაიდან მეგრული ძირითადად ზეპირმეტყველებითი ენაა, ეს პროექტი მეგრული მწერლობის ისტორიაში ყველაზე მასშტაბურია და დიდი მნიშვნელობა აქვს ენის შენარჩუნებისთვის. რაც შეეხება სვანურს, სვანური ვიკიპედია ჯერ არ გვაქვს, თუმცა Wikimedia Incubator-ში არსებობს სვანური გვერდი, სადაც ამ დროისთვის სტატიები არ არის. თუ ამ ინკუბატორში საკმარისი რაოდენობის სტატია დაიწერება, სვანური ვიკიპედიის შექმნაც დამტკიცდება. თავად სვანური არ ვიცი, ამიტომ იმედი მაქვს სვანები შეიტანენ წვლილს და სვანური ვიკიპედია შეიქმნება.