r/IraqiCatsKingdom

كارثة روز

چانت بمعمل ثاني بس ليل ونهار گامت تبقى بمعملنا، خلفت أكثر من مرة بس هي مهملة تفقد جهالها هواي

صار عندها تساقط بالشعر وتقريباً كل شعرها وگع، جبت الها صديقي دكتور (لان ما تقبل تطلع لاي مكان تتعارك وتخبص الدنيا) انطاها كنفيت بيوتين وبخاخ مال فطريات ورجع شعرها بس مو مثل قبل لأن لازم واحد يبقى يمشط الها

بس شي على شي مرتاحة هنا

روز نظيفة بشكل مو طبيعي رغم المعمل ما يساعد بس دائماً تمسح نفسها وجهالها وگال صديقي البيطري انه كثرة انها تلحس نفسها بالضرورة بس تنظيف يجوز توتر وقلق وهاي عوامل مال تساقط هم

مشكلة روز شرانية وي غيرها من البزازين، ما تقبل اي بزون يطب المعمل غريب وعمي صاحب المعمل يحب البزازين وكل يوم يجيب الهن أكل، بس اي بزون يطب تملخه من الكتل وتلحگة لبرة تكتلة وترجع

لو خيروني بين اخوي و ابو سودة لاختاريت ابو سودة البطل

عندي احساس جاي يگول (هاي شبيهم هذولة المخابيل)

عندها نفوذ ابيت جدي اكثر مني واني اول حفيد.

نايمين تحت المبردة بسبب ابو سودة عديم المسؤولية

هذني صارلهم شهر عندنا، مره طلعنا بالليل بالحديقة وشفناهم وكانوا اليفات. بابا يقول هذني مال شارع ودخلن للبيت وانا ما ادري اذا اي او لا بس جداً** مرتبات بحيث الام تشوف الدجاجات (مربين دجاج) ولا يهمها لاتتهجم عليهم ولاتقر**ب.
هذا ابنها. صديقتي تكول هذي الام الي لونها رمادي بزونه مال بيت وحملت من بزون مال شارع وجابت هذا ابنها. طبعا هي كلش متعلقه بابنها مو شلون ماجان وتحبه. وابنها يحبها ودوم ابنها يركض وراها ويلعبون سوا وهي تلعقه وهو يلعقها (علامات الاهتمام عند القطط)

هن خطيه برا بالحر بس اهلي مايقبلون ندخلهم، بس الحمدلله احنا نرش الحديقة ف الجو يكون معتدل بالنسبه الهم وعدنا نبات ف اكو ظل
بس المشكلة اكو بزازين مال شارع كاعد يدخلن البيت وكاعد ياخذن مكانهن، ما ادري اذا بزازين الشارع الي يدخلن البيت يهجمن عليهم او لا بس دوم نلكاهم بالمكان الي جانن ينامن بيه بالنهار وهن خطيه ينامن بغير مكان. المشكلة بزازين الشارع هاي اخوفها لازكة تجي يعني تروح وبعدين تجي

ابو سودة هاي ثانية بزونة يحملها وما عنده المسؤولية والقدرة يصرف عليهن ،المهم اقترحوا اسماء الها

اني ما متأكد بس بحثت على اليوتيوب حالته وشفتهة نفس هاي ، ما تكدر تمشي بصورة طبيعية والبيت مالنة كلة سيراميك وكل شوي تنركع، ضايج عليهة لان بعدهي صغيرة وامهة جابتهة ببيتنة وبس كبرت شوي تركتهة وداحت، احس البزونة بيهة اكتآب و تعبانة وعندهة خمول احاول العبهة ما تقبل

هل اكو مكان او مركز صحي اوديهة؟

طبعا لبستني ساعة اصيحلها ومتجي

شنو يخلي البزونة تضل تنزل دموع ؟ اكو فد الم لو لان امها عايفتها