r/IraqiCooking

بس والله الصمون طيب چنه كراوسون ههه

وصحي بعد

اكو هنا ينشفون؟

+++ هذاا اطيب ريوك تنشيف وسعراته ما تتعدى ٣٠٠

مكانتي كطالبة سادس قايز عاجبني شنو اطلب يجيني نوب خاف اطلع من السادس وتروح هاي الميزة من عندي بعد من اسوي مشاكل ما اكلهم طالبة سادس لحد يحاجيني؟ هو لا مو لهلدرجة ما اسوي مشاكل بس مرات اصيح على اخواتي الصغار يعني حتى كرهن السادس من وراي خطيه والله، يلا هانت ان شاء الله نطلع من عنده ونروح للجامعة وبعدين نبقى نصيح ونكول طالبة جامعية لحد يحاجيني .

ماحب الگهوة هواي بس مرات الحياة تجبرنا على أشياء نكرها وغصب لازم نتقبلها >>غالبا الامتحان مأثر عليه فصرت شويه دراماتيكية عذروني😔

¿^¿ توست اسمر حمصته + جبن + رشة زعتر + عسل 🍞🍞

ايس كوفي 🤷‍♀️

ادعولي🫡😋 🌸🌷

لاچعة ، حامضة ، مالحة ، حلوه خليته بيه كشمش على عناد المضقوطين الكشمش تاج راسكم

سوالف ما تقدم ولا تأخر>> :طبعاً مو احسن بانكيك مسويته لان مو كلش fluffy بس متقصد ردته خفيف لان مو كلش احب البانكيك بالأخص من يصير ثگيل، ،بس سويته لخاطر الصوص الأبيض وصرت علطول اسوي بانكيك بس لان احبه ويه الصوص هذا 😆

🥞 وصفة البانكيك :

بطاسة او هنجانه مدري شتسموهه (وعاء) تخلون بيضة + ثلث ارباع كوب حليب +خاشوگتين زيت +ربع كوب شكر (اذا اقل او اكثر بكيفكم) +ظرف فانيلا +ظرف بايكنغ باودر - - - - - >تخلطون المكونات كلش زين انوب تضيفون كوب طحين وهم تخلطوهم كلهم ويصير قوامه كريمي ثگيل لازم ميكون خفيف - - - - - > طاوه حارة ما تلزگ وعلى نار هادية تخلون عليها مسحة زيت يعني كلششششش قليل (يعني نقطه او نقطتين زيت وتمسحوه بالكلنكس) انوب تسوون البانكيك وتگلبوه وهاهيه

المهم منو ميعرف يسوي بانكيك فهاي خلتولي

الصوصااات✨✨ :

صوص الككو أسهل منه ماكو :نوتيلا وتخففوه بشويه ماي وهاهيه (او اي ككو تشتروه وتذوبوه)

✨ الصوص الأبيض ✨ (اطيب شي) : گيمر كالة مدري اسمها قشطه المهم هايه الي راسهه أصفر + جبن مربعات + شويه حليب - - - - >تخبطوهم زين حته يصيرون كريمي انوب تضيفون عسل وحرفييا كلش طيييبة وتجنن ويه الچاي

<<<تگدرون تلگون غير طرق علمود البانكيك حته يصير fluffy يعني هواي اكو باليوتيوب بس اني احب اسويهه بهالطريقة

وووبالعافية 🌷🌷

كان يوم متعب بصراحه ... بكرا عندي امتحان نحو 🥸🥸

Why were they okey with a product tasting nothing like cherries?
المشكلة حتى بالعلج بالحامض حلو بالكيك بالعصير كلها نفس الطعم الصناعي
Man it's actually refreshing but that's not what cherries taste like😭😭🙏🏻

اطيب وصفة للاندومي الأحمر احد الآن 🔥

تخلون الاندومي بالماي يستوي على صفحة انوب تقطعون فلفل بارد وشويه بصل و جزر (تگدرون تحذفون وحده منهم حسب الرغبة) وتگلوهم بزيت الزيتون بطاوه على جنب بس حته شويه يذبلون انوب لما الاندومي تشوفونه صار نص ستاو تصفوه من الماي (بدون مصفي مجرد حاولو تطلعون الماي من الجدر) انوب تضيفون فد خاشوگه معجون احمر وكريمه طبخ شويه على حسب كمية الاندومي وتضيفون جبن (بكيفكم يا نوع بس لازم يكون سائل او كريمي) ورا شويه لما يذوب المعجون والجبن تضيفون البهارات والحار وتضيفون تحميسه البصل وووبس

*الي ما مجرب البيض السلگ ويه الاندومي عمره خسارة - حتلو متحبون البيض السلگ بس طيب وي الاندومي