اريد اعرف فد شي معين

اذا اكو واحد يسوق سيارة ودعم بيها ف مو معناها نمنع ركوب السيارات

واذا شخص راح للمستشفى ومات مو معناها انو مانروح بعد للمستشفى

واذا شخص صعد بالدولاب وطاح مو معناها انو مانروح مدينة اللعاب

الى اخره من الشغلات المنطقية مو ؟ مو .

ليش احنه بالقضايا المصيرية والي ممكن تبني مجتمع مانفكر هچي

صح لغيت هواي خل اطب بالموضوع
على سبيل المثال انه شخص يريد يتزوج زوجة ثانية
كلما اشوف بنيه احسها تناسبني وتنعجب بيه كلش ومن اكللها على الزواج وتدري بروحها ممكن تصير زوجة ثانية ترفض ومن الممكن تضل تحجي وياي وتدردش (كلش هواي صادفتهم هجي بس مجرد ترفض الزواج انطيها بلوك)

بس من اكللها زواج ترفض؟؟!!! ورغم يدرون بيه انو انه الحمد لله مو ضالم ومقتدر مادياً بس كله ويرفضون؟؟! المجتمع اغلبه هچي وهذا شي حيرني ولعب نفسي لإن من تكللها ليش تكلك اريد زوجي مُلكي وبس ومادا يعرفون انو الرجال والله مو نفس البنية ولاراح يكون نفسها واغلب البنات هسه عازفين عن الزواج اصلاً لإن يدرون اغلب الرجال يخونون زوجاتهم واكو منطق عند بعض البنات عادي يخون مره بس لايتزوج وتضل دائمية

طبعاً هذا الموضوع اترددت افتحه رغم حسابي مجهول لإن ماأتحمل الصورة النمطية عنه والكلام المستهلك الي راح يتعلق بي على هذا المنشور خاصه من البنات

وعندي حچي بعد هواي عنه بس وانه اكتب اجاني صداع من عنده والحچي التم براسي واحسه راح ينفجر

ف بالنهاية اتمنى المجتمع بعد كم سنة حتى لو ورى مانموت يشجع على هذا الشي والله فوائده ماتنعد لبناء المجتمع

Hello i arrived yesterday in Baghdad and I need a job I have searched a lot for jobs online everyone asking for submitting forms and paying 40k IQD or 50k and I am sure it's all lies and scams

I speak 4 languages and I am expert in computers software and hardware and I have been doing accounting for years

Something happened I had to leave my city so what's your advice for me where should I look for a job outside fb and LinkedIn I would appreciate your advice

الله سبحانه و تعالى كتب عليّ** إنّه اعيد سادس فمن عدت سادس جنت مكتئب فردت اغيّر محيطي بالكامل و هذا الشي ندمت عليه لان جان عندي اصدقاء ٢** من النماذج المثالية للاصدقاء ابتعدت شويّ والبعيد** عن العين بعيد عن الكلب واحد منهم** جان يسال بشكل يومي تقريباً هو يسال** كلش** هواي و كلّش** حنين** و كلّش خوش** ولد و** الثاني هو اصلاً بالحقيقة قليل الموضوعات وقليل السوالف وياي اقلها** بس جان يحبني.
بالنسبة للاول قبل ١٢٠ يوم بالضبط اجاه كلب ابن كلب يمشي ١٨٠ بسيارة جيب دعمه هو و جاي يعبر الشارع " الولد أطرافه انقطعت ".
الثاني حاليا بس احجي وياه يضحك و بس اريد افتح الموضوع يكلي اسكت ما اتحمل 🙃💔
هذول الاثنين بدلتهم بمجموعة هسه تفاصيلهم بسوالف ٣ بس اللي خلاني اكتب هنا واحد منهم:
انتشلته من الوحدة و طلع هم معيد اوليته اهتمام خاص لان جنت اعرف شكد الاعادة صعبة نفسياً و جنت اشجعه و تكدر و كدها و بطل و الخ و امنته على اسرار هواي فورمة ما خلصنا سادس الولد اختفى اختفاء تام عجزت اوصل له الى ان فترة لكيته بجامعتي علمود يشوف اصدقاءه ، الولد صار اصفر من شافني 😂 و تهرّب مع العلم انا والله كلشي ما مسويله** و كلش هواي امدحه و اشجع بيه.
ورة فترة طلعنا احنا المجموعة فكتله يابه تعال اتصلت عليه الخ كال اجي فمن طلعنه ما اجه و تحجج بالظروف و كتله انو راح نطلع وره كم يوم و نريدج ويانه و الخ الولد بنص الجات اختفى و لمدة شهرين !! ما بقى برنامج تواصل ما تواصلت وياه بيه ماكو الولد مختفي " ضاربني هايد من كل التطبيقات " يقرا و ما يرد مع هذا كلت يمكن ظروف رحت لبيتهم ساعة كاملة انا بالباب اخوانه يطلعون هسه نصيحه و نجي و كلشي ماكو الى ان راسلت امه كتلها خالة وين فلان يلا رد علي و رد علي رد سخييييف " والله جاي اعاني تروما من السادس و شكو شي يذكرني بيه مع العلم هو اسم جامعته نفس اسم المدرسة الجان بيها سادس سنتين 😃 ".
عموماً** وره وفاة صديقي المقرب اللي ذكرته بالبداية قرروا هالمجموعة يطلعوني يغيرولي جو جان هذا الاخ اجه و جنت ساكت الطريق كله و اراسل بشخص اعتبره البومة الحكيمة بحياتي ، المهم وصلنا لمكان انا جنت معارض نروح اله و تجاهلوا هالشي فهنا انفجرت بيها و انو شهالسخافة تروما و هاي و من رجعنا بالطريق شغل حبيبي انا مال صباح مدري شنو .. المهم تحسنت العلاقات وانطاني التيكتوك و السناب مالته و رحنا دورة سوة و هاي هسه قبل كم يوم اجتمعنا و قبل لا نجتمع راسلته لان محترمه و كتله تعال غلّس** ، سويت كروب و عزمت الولد رد انو راح اجي ، فتذكرت ستريك السناب وياه صار فترة ما يطلع حسابه و اذا بهِ ضاربني بلوك !! بالتيك توك هَم** !! و بالتلي هَم** !! و ضاربني هايد انستا و بكل صلافة يكلي** جاي للعزيمة** و لو اتوقع ما يجي 🙂
فـ شنو رايكم بهيج شخصية و الخلل وين بيَّ لو بيه و سلامتكم.

عندي صديقتي أهلها ياخذون منها فلوس مال شغلها كله وما يبقولها شي، دتشيل كل شهر 50 ألف تضمهن إلها بالسر بس مدا تعرف وين تروح بيهن وكل 3 شهور دتسويهن ورق بس تخاف أحد يشوفهن، كلتلها سوي بطاقة فيزا كارد او كي كارد هي المجانية مال الرافدين، وضمي فلوسك هناك، ف كالتلي يبوكوهن للفلوس، وتكلي خالي وخالتي ومدري منو باكوا فلوسهن من البطايق وأنا احسه تخويف وحجي فارغ هواي ناس عدهم هيج وماكو أحد ذكر الموضوع هذا كدامي، السؤال هل سبق وباكوا فلوس أحد بهي الطريقة لو كلام فارغ؟؟؟؟

ضروري نلاقي طريقة نرتب أمور الفلوس لأن أهلها مدا يبقولها ولا شي وكل ما شافوا فلوسها ياخذوهن خطية

هسه مو اكو ناس تبحث عن شركاء للقراءه لفد هوايه معينه ليش محد يدور اشخاص يدزلهم ويدزوله ريلزات او مقاطع تيك توك بوقت الفراغ ليش بس اني خطرلي وعندي فضول اشوف الناس شنو تتابع وشنو المقاطع الي تشدها

كايز احتاج اطلع مبلغ من 25-50 الف خلال يومين

شلون ممكن اطلعه؟

++ما اريد اخذ من احد او من اهلي.

(If you're wondering, I'm a girl and I need it to buy personal items.)

وبطريقة محترمة وشرعية وحلال 🙂🙂

I'm proficient in Microsoft Office, Canva, and Photoshop. I can write reports, articles, and presentations.

السلام عليكم... اني مريض بل اكتئاب (المقاوم للعلاج) و ocd و ADHD.. مع مشاكل جسدية في المفاصل والقدرة عل تحمل.

يعني العب طوبة ساعه.. بس وراها لمدة يومين ٣ مستحيل اسوي نشاط.

ما اكدر ابقة واكف هواي.. ٣.٤.ساعات الخ

المهم ف دكتورتي النفسية.. رشحتلي العلاج بل صدمات الكهربائية.. هل هوة امان؟ تخوفت منه لان هواي ناس كالت ممكن يسبب فقدان ذاكرة و هل سوالف واني اصلا عقلي مشوش من كاعة.. واني اريد ادخل جامعة من جديد بقسم فيزياء و الحق حلمي.

ف اكو احد جرب هل علاج.. هل صدك فعال؟

عمري 21 سنة ولحد هسه امي تض\رب بيه

كعدت تبسطني لان غرفتي مخربطة وسحبت تلفوني لان ما عدلتها

حرفيا هسه ايدي متزوركة ومتشخطة

شسوي واخليها تعوفني بحالي؟

بلليييززززز بي نايس اند كايند

اريد earbuds زينة وسعرها مناسب حسب تجربتكم 💗

مرحبا، بالبداية اعتذر اذا كان الموضوع مزعج أو غريب واعتذر لأن راح اطول بالسالفة، الموضوع بلش من وانا صغير جنت اروح ويا الوالد لمكان شغله ، طبعا الوالد عنده محل قصابة ( جزار يعني) فجنت دائما اشوف الحيوانات وهم يذ*بحوها، ما اعرف شنو الشعور الي جنت احس به بس كان شعور راحة ، بس ما جان عندي رغبة أن اني اسوي هالشي لا مجرد جنت اتفرج عليهم، هالكلام واني عمري صغير يعني اقل من ٧ سنوات ما اتذكر اشكد جان عمري وقتها، ف بقيت على هذا الوضع دائما الوالد ياخذني وياه بحكم اني الوحيد للعائلة واستمر نفس الشعور يجي الي أنه اني ارتاح لما اشوف منظر الد*م والع*نف بس ابدا ما جنت اشعر ان لازم اسوي هذا الفعل على الواقع,

استمر الوضع لحد ما وصلت لعمر المراهقة تقريبا ١٤ سنة هنا الوضع بدأ يتطور، صار تجيني مثل الفلاش باك براسي مو فلاش باك ايام لما كنت اروح ويا الوالد لا ، هيجي يعني ما اعرف اشلون اوصفه، مثل الومضة بالرأس أنه جاي اضرب أحد أو ماسك س*لاح واقت*ل واذب*ح بالناس , وكانت تجي بعض اللحظات وهاي جانت تتكرر أكثر شي أنه جنت ماسك سكينة واطع*ن الناس ، بالبداية ما انطيت الموضوع أهمية كلت لنفسي أن فترة مراهقة وتغيرات تصير بالجسم ف عادي الوضع، بس مع مرور الوقت صار الموضوع مزعج جدا، يعني صار تقريبا كل الاوقات باليوم تجي هاي الاشياء براسي واشتد، ومع مرور الوقت بديت انجذب لاي شي بيها د"م وع*نف مثل الافلام والمسلسلات الي بيها هيجي اشياء والرياضات القتالية مثل الملاكمة والفنون القتالية وغيرها، طبعا هذا الكلام تقريبا بعمر ال١٦ ، بوقتها صار وياي موقف لحد الان ما أنساه، جنت امشي بمكان عام واكو هواية ناس فجأة وبدون سابق انذار اجت هاي الاشياء براسي واني بنفس المكان والناس موجودة ، الشيء بوقتها كان اني شايل سلا*ح وارمي على الناس ، حرفيا كأنه صار عندي انفصال عن الواقع، وبعد كم ثانية رجعت للواقع وكملت مشي،

استمرت هاي الاشياء تصير وياي لحد عمر ال١٨ يعني بدايات لما صار عمري ١٨, لحد هاي الفترة بس جانت تجي هاي الاشياء براسي وجاي تزداد شوية شوية وصار الموقف الي حجيت عنه فوك، الموضوع بدأ يتطور بعد أكثر صرت لما انام احلم بهذه الأشياء واحلام الله لا يشوفكم إياها، اقل ما يقال عنها كلها عن*ف وفوضى, احلام جانت متنوعة من قت*ل وذب*ح الناس ، إلى ان اضرب الناس على وجوههم لحد ما تتشوه، واخر حلم ما يطلع من راسي تقريبا قبل اسبوع صار، حلمت أن ذ*بحت شخص وحرقت الج*ثة بالكامل, وباخر فترة كل احلامي هيجي صايرة ،

ما اعرف ليش هيجي يصير وياي رغم هواية متقرب من ربي ومحافظ على كل الفروض بس مجاي اسيطر على هذا الشي، بحيث وانا اقرا قران او اصلي تجي هاي الشغلات، وحتى اني ما مدمن على مشاهدة الاشياء الي بيها عنف بس لما جان عمري ١٦ بعدين ابتعدت عن هاي الشغلات ، خايف أن يتطور الموضوع اكثر واكثر وما اسيطر على نفسي، وبالنسبة أن اراجع طبيب أو اخصائي نفسي فما اكدر بسبب ظروف معينة، وهذا الموضوع ما متكلم عنه لاي احد لأن اصلا ما عندي أشخاص مقربين أو اصدقاء من واني صغير لحد الان، ما اعرف شنو اسوي شنو نصيحتكم الي واشلون اتصرف بخصوص هالشي لأن ما اعرف افكر بعد والموضوع مسبب أزمة عندي

اعتذر مرة ثانية لأن طولت بالكلام ولأن الموضوع مزعج جدا اعرف هالشي بس ما اكدر بعد اتحمل

اني بنية عمري 22 سنة
و صار لي ٣_٤ اشهر افكر انو اترك بيت اهلي واتجه للعيش بكوردستان تحديدًا اربيل لان تعذبت هواي تعددت الاسباب ومااكدر اذكر كل شيء و اني خلاص اتخذت قراري مااحب اذكر كل التفاصيل هنا
بس اريد اعرف شنو افكاركم عن الموضوع؟ اريد اعرف كل شيء حتى يمكن اكو شيء مافكرت بي
اني جهزت فلوس تكفيني اول ٣ اشهر
و سكن و معارف علمود شغل
وعندي لغة انكليزية وعربية واعرف قليل كوردي يمشيني
وأكدر اتعلم
بس شنو اسوء شيء ممكن يصير ويلكوني من خلاله

اني سمينه وماعرف شلون اصارح حبيبي بالحقيقه المؤلمه هاي وماگدر التزم بدايت ابد بسبب حالتنا الماديه ولا اعالج نفس من الامراض هاي ولا اگدر اعوفه كلش متعلقه بي انطوني اشياء اسويها تسد نفسي تعبت وربي