معضله تواجهني
ما اعرف كيف أبدأ أو من وين لكن فيه شيء متعبني صراحه ، أنا من القصيم و خطيبي من الجنوب و من سنه لما تعرفت عليه كان يسولف معي كأني خويه و كنت دايم أمشي الموضوع لأن شيء تافه و برضو لاحظت عنده اعتقادات غبيه و كنت أقول طبيعي يعني لأن حنا اشخاص مختلفين فما اناقشه كثير بل كنت كل ما شفت منه شيء مزعج اسكت و مع الوقت لاحظت أنه مرات ما احسه يقدر مشاعري كوني شخص عاطفي و دايم يحسسني أني حساسه أكبر المواضيع ، و كنت أحيان كثير اتحسس من مزحه اللي حتى بأوقات الجد بعدين بديت أفهم شخصيته بس ما كان شيء مريح ، يعني صرت الأحظ الأشياء الغريبه اللي يسويها و أنا مو منتبهه و لاحظت تكتمه الغريب على بعض الجوانب اللي احتجت فترات عشان أجمعها ، و بعد كم شهر بديت أقدر اخذ و اعطي لما يزعجني شيء بس دايم أفضل الصمت لأنه لما أقول ممكن اناقشك يخاف ، هو حرفيًا يخاف من كلمة نقاش!
و لما يزعلني يختفي ، من عرفته ما أعتذر لي عن أغلاطه الا ثلاث مرات ، بل عنده قدره عجيبه يقلب الموضوع و أبين كأني غبيه تكبر المواضيع و يشوف أني مفروض أكون دايم تحت ظله لين مره فتحت معه هالنقطه و زعل و قال سوي اللي تبين ، اللي ضاغطتي اخر فتره صار فظيع خصوصًا بعد ما توظفت و هالشيء تعب نفسيتي بسبب أني احاول اوازن بين الجامعه و الدوام ، هو أساسًا فظيع بس حسيت كأنه يحاول يطفشني ، يعني لما اطلع مكان و اصور ستريك مرات احط ساوند عشوائي ، عادي يعلق على أنه ليه الساوند كذا و يطفشني أو لما يكون معي فلوس يجلس يطلب مني ، و يسألني لبه ما اطلب فلوس منه ( رغم أنه يدري أني حتى أهلي ما اطلبهم و اذا بيحولون لي يحولون بدون طلب و مستحيل اطلب) ، و بدأ اخر كم شهر يسوي شيء و هو أنه مرات يجيب طاري النسوان قدامي أو يتكلم عني كأني أخرى عشان يغيضني ، أنا اللي جالطني أنه قدام أهله و أهلي و أخوياه رجال و كفو بس ما أحد يعرف هالجانب الأ أنا، اوك مابي اظلمه بس مهما كان كويس فيه أشياء تؤلمني منه ، خصوصًا أنه يشوفني مره ماخذه راحتي ؛ لأن في عايلته البنت اخر مرحله دراسيه لها هي الثانوي و ما يتوظفون ولا يستخدمون السوشال ميديا ولا يسوقون ولا يطلعون حتى مع صديقاتهم ، أنا أحبه و أنا اللي جبته لأهلي و لكن طفح الكيل أنا مابي انفصل حاليًا لكن احتاج لطريقه اتعامل فيها معه لأن شخصيته الغبيه ذي تطلع فترات و لاحظته ما يحب انبسط من أحد غيره ، ممكن كلامي عشوائي و ملخبط بس عرفت أن الموضوع مو هين لما ماما سألتني اذا هو مضايقني هنا عرفت مدى فظاعة الموقف .
أنا ما اسقط على أشخاص معينين ولا منطقه معينه و لكن أنا فكرت أن ممكن البيئه نفسها لها علاقه ، لأنه من بيت يقدس التقاليد و القبيله ، أنا قبيليه بس احسه مرات يبالغ ، يعني عادي يرمي نفسه بمشكله عشان واحد من عيال عمه استفزع فيه اوك صح مرات ممكن تتمشى بس كل شيء له حدود ، أتمنى أني قدرت اوضح اللي ببالي ، أنا ابغى حل سلمي لأن أدركت أنه يتصرف مرات بشكل تلقائي و الغريب أنه يحبني و مستعد يسوي أي شيء عشاني بس مرات اشك بتصرفاته