r/Sixthgrade

ألمانيا تستقبلك لكن بعدة شروط:

١. شهادتك العراقية مامتعرفة بالكامل هناك، لازم تدرس وتنجح سنة وحدة فقط بجامعة عراقية معترفة عندهم بالتخصص الي تريد تدرسه هناك.

٢. لازم تدرس بلغتهم الألمانية، ويكون أكو أختبار بالعراق تمتحنه تحصل شهادة لغة B2 يله تكدر تقدم.

٣. تاخذ هاي شهادة اللغة والسنة الي درستها وتقدم على جامعات ألمانية، تحصل قبول بوحدة

٤. الدراسة شبه مجاني تدفع تقريباً ٤٠٠ يورو بالسنة وينطوك كارت مواصلات مجاني

٥. انتبه على هاي النقطة، لازم عندك جوة ايدك ١٢ الف يورو يعني تقريباً ١٤ الف دولار، هذني ماياخذوهن منك، اكو حساب بنكي مغلق تحطهن بيهن، لمن توصل كل شهر ينطوك الف يورو من فلوسك وماياخذون منهن، هاي بس علمود يتأكدون عندك فلوس اكلك وشربك ومصاريفك. واذا انرفضت الفيزا أكيد يرجعوها إلك.

٦. عندك حق تشتغل خلال الدراسة شغل قانوني جزئي ٢٠ ساعة بالاسبوع خلال الدوام وخلال العطلة ٤٠ ساعة بالاسبوع.

هاي بشكل مختصر الرحلة، أكيد أكو تفاصيل بعد بس بشكل عام خلي ببالك الآتي:

أ. لازم عندك ١٦ ألف دولار، ١٤ ألف للحساب المغلق، وألفين للتكاليف والترجمة والتصديقات والفيزا والتذكرة.

ب. لازم تكضي سنة لخ من عمرك بالعراق تدرس كلية سنة وحدة بس.

ج. لازم تتعلم لغة ألماني لحد مستوى B2 بعد أنته وشطارتك وشلون راح تدبرها ويه الدوام.

د. وأكو حد أدنى للمعدلات المقبولة، كلما معدلك بالسادس أعلى كلما أفضل وإذا معدلك قليل بالسادس همه ياخذون معدل السنة الاولى مال الكلية واكو فد معادلة يطلعون معدلك النهائي فاذا جفصت بالسادس عاااادي جيب درجات عالية بالسنة الأولى مال الكلية.

بالتوفيق والتفوق لكم وأتمنالكم تخلصون من جحيم حاوية الشرق الأوسط ومزبلة العراق.

اني اعرف بس اذا قبل حرف الهاء و الكاف، اكو طريقة ثانية اعتدمها؟

البعض سألني عن التكوين المهني بألمانيا، وهاي خريطة بشكل عام:

١. شنو هوه التكوين المهني؟: هو برنامج دراسي عملي ونظري، تشتغل وتدرس في الوقت نفسه، وقت العمل والدراسة تختلف حسب البرنامج، أكو يومين دراسة و٣ أيام عمل وغيرها، حسب البرنامج نفسه إذا كان عملي أكثر أو نظري أكثر.

٢. شكد ينطون للطالب؟: من ٨٠٠ يورو الى ١٣٠٠ شهرياً، أكيد حسب البرنامج، ويزداد كل سنة، لكن هذا المبلغ لا تشوفه للترفيه، يكفيك للأساسيات مثل السكن والأكل والإحتياجات الخاصة.

٣. يكدر الطالب يشتغل عمل جزئي (ميني جوب) خلال الدراسة؟: نعم وهيج راح يكدر يحصل فلوس أكثر تفيده، لكن بشرط يكون عدد ساعات البرنامج والشغل سوياً مايتجاوزون ٤٨ ساعة بالأسبوع.

٤. متطلبات التكوين المهني شنو؟:

مثل سابقاً، حسب البرنامج، كالآتي:

التحصيل الدراسي: إذا ثالث متوسط تنقبل لكن مو بالبرامج العالية مثل التمريض، تنقبل كصاب حلاق هيج شغلات، واذا سادس اعدادي تنقبل وأفضل.

مستوى اللغة: مثل التحصيل الدراسي، إذا B1 تنقبل لكن مو بالبرامج العالية، والأفضل B2. وحسب البرنامج إذا يدوي وكلام قليل أو يحتاج تفتهم مية بالمية.

لكن خلي ببالك حتى لو انقبلت B1 وراك دراسة من صدك وواجبات وامتحانات لازم تنجح فلازم تطور من روحك ولغتك.

٥. شلون أحصل عقد تكوين مهني؟: تسوي السيفي مالتك على الطريقة الألمانية تبحث وشوف شلون تكون، تجيب شهادة اللغة مالتك، وتبدأ تقدم على حسب البرنامج الي تريده على مواقع التكوين المهني مثل

Make it in germany

Ausbildung.de

Azubi.de

Aubi plus

وتقدم شكد ماتكدر، تضل تقدم، كون ملفك مرتب، وراها تحصل مقابلات بالألماني على الإنترنت همه يتواصلون وياك واذا اقتنعوا يدزولك العقد وتترتب الأمور، حسب انته وشطارتك باللغة ولباقتك وثقتك.

هسه تسألني أكيد أنقبل وأحصل عقد؟: خليني أكلك شي، ماكو شي أكيد بهاي الدنيا إلا الموت، انته اشتغل وتعب نفسك وشوف هيه شلون تترتب، واذا أبد ماحصلت عقد، عندك لغة وشهادة مدرسة يعني خلصت ٩٠ بالمية من طريق الوصول بعدلك ١٠ بالمية، اني صراحة واكون صريح بهذا الشي داشوف هواي طلاب يطلعون عن طريق شركات واشخاص يساعدوهم بالحصول على عقد، ما راح اذكر اسم شركة او احد، لكن خليها كمنفذ أخير إذا قدمت على مئات البرامج وماحصلت عقد بعد قدمت كل الي بوسعك، شوفلك وحدة منهم وتعامل على سعر وخلي يحصلولك عقد لأن همه بألمانيا أقرب لهذني الشركات والبرامج مني ومنك.

صحيح ممكن تعب حتى توصل، صحيح راح تصرف فلوس، لكن بالنهاية راح تطلع من العراق الجحيم. وهذا الشي يسوى كل شي.

❤️ لا تستسلمون أبد وأحبكم

'

اني طالب دور ثاني ابد ما فتحت الرياضيات هاي السنة اللهم بس الفصل الاول واصل للجذور التربيعية وبقية الافصل عندي مجرد فكرة عنهن

عندي بس 6 ايام المفروض اقرا بيهن رياضيات ، المفروض اقرا الفصل الاول بيوم والفصل الثاني هم بيوم ف يعني يبقالي بس 4 ايام

هاي ال4 ايام واگع بين طريقين وما اعرف شاسوي بيها... يا اما اخصص 4 ايام فقط للفصل الثالث واطب للامتحان واني ما اعرف الرابع والخامس ، او اخلي 3 ايام للرابع ويوم للخامس (او يجوز اخلي 4 ايام للرابع والخامس هو سهل وينقري وية اليوم الرابع للفصل الرابع) واطب للامتحان واني ما قاري الثالث (للمعلومة اعرف القوانين الستة للاشتقاق (للي اخذناهن بالخامس علمي ف يعني اعرف )

بالدور الاول اجت 45 درجة عالثالث و40 درجة عالرابع و20 درجة عالخامس... ف يعني منطقيا المفروض اقرا الفصل الرابع والخامس لان فصول اقصر ودرجاتهن اكثر من الثالث وحده

بس بنفس الوكت ما احس شي عقلاني انو تطب لامتحان الرياضيات وانت ما قاري الفصل الثالث نهائي

شسوي؟؟؟

PS: لحد يلوم بيه ويگلي "وين چنت طول السنة"... اذا ما عندك حل اكرمني بأپ ڤوت عسى غيرك يفيدني

حاير اخلي لكل فصل يومين لو يوم

لان المدرس كال احفظوها وبصراحة هذا مو منطق

اني طالبة سادس جاي اعاني من سالفة التسخيت عندي تراكمات مجاي الحك المهن شلون اوازن بين القرايه والونسه لان اني من النوع الي يمل بسرعه ماحب اقره هواي

اشوفه منطقي

والله مادري شحجي يعني اني دفعه 27 و داخله معهد بماده الرياضيات ويعنيي مادري شحجي تخيلوا الاستاذ خلص فصل التكامل ب 10 ايام وباجر اخر محاضره بالفصل و بعد 3 ايام وتخلص الدوره كلها وما استفاديت منها بس شي بسيط احس وقتي راح كله وانوب اكو طالبه كالتله استاذ انت بالفصل الاول طولت شهر وهسه بالتكامل بس 10 ايام يكللها انتي ماتشوفين من منظور الاستاذ ومادري شسوي

النجدة هسة دزولنا امتحان الثلاثاء الجاي حضوري بلفصل الاول كلة و اني ما قاري النص الثاني هواي قاري كلمتين شسوي🥀🥀🥀🥀🥀🥀🥀🥀

مسعدة