r/UniKSA

عندي خيارين كلها متاحه لي
كلية العلوم او كلية ادارة الاعمال
وانا بخاطري صحي لكن مستحيل بس قلت بداله كلية الحاسبات وتقنية المعلومات
لو دخلت كلية الاداره مقدر احول لكلية الحاسبات
لكن لو دخلت كلية العلوم اقدر احول لكلية الحاسبات
شرايكم؟ تستحق المشوار ولا
افكر لو دخلت تخصص المحاسبه او نظم المعلومات من كلية اداره الاعمال ممكن يعجبني واكمل فيه لكن لو ماعجبني ومافيه امل احول للحاسبات☹️☹️☹️مررره تعبت من التفكير انا منسحبه اول سنه من كثر الحيره والحين انعاد نفس الشي

السلام عليكم صارت عندي فرصة قبول طب وجراحة وشيء أحلم به من زمان، بس حسيت الحين إني خفت مرة وترددت كثير خصوصا شفت بعض المحاضرات مادة فسيولوجي خفت حسيت بالتعقيد ولا فهمت شيء.
جاني خوف كمية المعلومات هل تؤخذ دفعة وحدة؟ خايفة مره أنصدم بالمعلومات جدًا خايفة تكون كثير وفوق قدرتي
يعني كم سلايد باليوم طالب الطب ياخذ ؟ ٣٠٠ سلايد ؟!! ولا كيف
جد خايفة وبدأت أتردد، خلوني أقولكم انا بالثانوي مجتهدة وملتزمة لكن هذي دراسة ثانوي مو دراسة طب، برضو بالثانوي كنت استمتع بالأحياء لما كنا ندرس عن جسم الانسان، ودائمًا كان عندي فضول تجاه الخلايا، كيف شكلها وكذا؟ حتى إني كنت اشوف مقاطع وقتها لانقسام الخلايا وكنت اقول واو سبحان الله كان يفيدني بالدراسة وبرضو كنت احس شيء عجيب وحلو،، قد شرّحت قلب لحيوان مع معلمة الأحياء وكان حلو الشعور وانا أشوف الصمامات والحجرات، لكني خفت مره اخاف ما أقدر امشي فيه واخاف لما ادخل أفشل بالمعرفة العلمية )؛ خايفة والهم كبير علي والله خوفي الأكبر إني يمكن ما امشي بالطب ويطلع ما يناسبني + برضو مدري عن كمية المعلومات اخاف من جد اني أنصدم ويطلع فوق قدرتي لذلك جاوبوا على سؤالي كم سلايد باليوم تأخذون؟ وكيف تتعاملون مع العدد ! وكيف ادرس نفسي ذاتيًا انا أيام الثانوي كنت اشوف شرح وارجع اشوف الكتاب ويصير الحفظ سهل يعني فعليًا ماكنت أعتمد على نفسي كنت اعتمد على شرح الدروس، ولكن ليش الكل يقول أنتي تدرسين نفسك بالطب!
أبي نصيحتكم ارجوكم لأن هذي المرحلة مرحلة كبيره ومهمة بحياتي، اعتبروني أختكم
ونسيت اقول برضو اني خايفة من اللغة الانقليزية لأني لا أفقه فيها كثير مستواي B1 بالانقلش وجد ما أدري كيف باخذ ذي المعلومات بمستوى لغة مو كويس

يسوا اني اكمل بتخصصي بجامعة طيبه؟

مدري احياناً اتردد ودي انسحب احس الجامعه ضعيفه والتخصص زي الزفت

محتاره اكمل ولا قاعده اضيع على نفسي سنين

لأن ودي مجالي يكون صحي

حايل ولا الحرس جده
سمعت انه حايل سهل انك تخش طب او بمعنى اصح اسهل من الحرس

اذا كل التخصصات في التسعينات وحولها اللي كانوا بينقبلون حسب موزونات قبل وين بيروحون؟ يعني منجد مو منطق

هو فيه خلل ولا ايش القصة؟ كيف تخصص مثل علوم سياسية موزونته 92 او تخصص مالية موزونته 95 طيب قبل دخلوها طلاب موزوناتهم اسوا بكثير جدا

من زمان وانا اقول منافسة السنة التحضيرية افضل نظام موازن اما فكرة القبول المباشر هذي قمة السوء

السلام عليكم بكل اختصار
موزوني تدخلني تمريض بالمجمعة وأنا من سكان الرياض شمالا هل تحسون يسوا ان يوميا امسك خط عشان التخصص؟ بالنسبة لجامعات الرياض طبعا حاطتها بس أنا اقل بفارق كم درجة ف مو ضامنة القبول+ حطيت بسطام الخرج
صراحة لما سألوني اهلي هل عادي عندي وأنه مكلف ماديا وجسديا ترددت وماعرف أنا ماقد جربت لكن بتخصص تمريض؟ الي هو حلمي أشوف انه يسوا أيش رأيكم الي مروا بتجربتي أو يعرفون احد يفيدنا

ياخوان أبي أبدا أذاكر للتحضيري بس مادري كيف أو من وين

توي مانهيت حتى نص مشواري في البكالوريوس، وعندي فكرة بحث ممكن الحدوث ماعرف لمين اتجه او وش اسوي، وايضا جاء بيالي ممكن يضيع تعبي لو اتجهت للمسؤلين الخطا
متخوفه ايضا اذا خليته للماجستير فيه احد يكتشف فكرتي في فترة انتظاري بما ان قدامي سنوات طويلة باقي
وش شوركم

ايش افضل تخصص صحي(صيدلة،تمريض، تطبيقية، غيرها) للتحويل الى طب في جامعة عبد العزيز؟ واذا حولت بعد اول سنة ارجع اولى طب ولا ثانيه طب؟

احتاج رايكم لاني صراحة محتارة شوي.

ابوي ينصحني اقدم على جامعة سلطان بسبب الموزونات الحالية وارتفاعها، ويقول ما يتوقع تنزل بشكل كبير. موزونتي 84، وكان هدفي من البداية ادخل ادارة اعمال في جامعة الملك سعود او جامعة الاميرة نورة، لكن مع ارتفاع النسب بديت اتوتر.

للحين ما كمل اسبوع من بداية المفاضلة وباقي تقريبا اسبوعين، فجزء مني يقول يمكن تنزل النسب، وجزء ثاني خايف انتظر وبعدين تروح علي الفرصة. مثلا مالية في جامعة الملك سعود حاليا 95، وانا موزونتي 84، وما ادري هل فعلا ممكن تنزل او لا.

اللي مزود توتري ان كل اللي حولي كانوا متوقعين ادخل جامعة الملك سعود، سواء اهلي او صديقاتي، واحس هالشي ضغطني اكثر. بنفس الوقت احس ان ابوي فقد الامل شوي وهذا مضايقني، مع اني اعرف انه يبغى مصلحتي.

وبالنسبة لجامعة سلطان، انا ابدا ما اشوفها جامعة سيئة، بالعكس قوية خصوصا في ادارة الاعمال والمالية، لكن يمكن خوفي الاكبر من نظرة الناس اكثر من الجامعة نفسها، وهذا الشي احاول اتجاوزه.

عندي ندم، لكن بنفس الوقت ادري ان الندم ما بيرجع الوقت. اجتهدت على قد ما اقدر، وبكل صراحة ما كنت متوقعة ابدا ان الموزونات بترتفع لهالدرجة، وهذا اكثر شي مخليني متوترة ومحتارة.

وزيادة على كل هذا، حطيت رغباتي في جامعة الملك سعود وجامعة الاميرة نورة وجامعة الامام، وكلها طالعة لي بالاحمر، وكل ما اشوفها احس الموضوع يكسر خاطري ويزيد توتري. بنفس الوقت ما صار حتى 3 ايام من بداية المفاضلة، فما ادري هل هذا طبيعي ولسه بدري احكم؟ ولا الافضل اقدم على جامعة سلطان من الحين عشان ما اضيع وقت او تخلص المقاعد؟

الحين انا فعلا محتارة. هل انتظر كم يوم واشوف كيف تتغير الموزونات؟ ولا اقدم على جامعة سلطان من بدري عشان ما تروح المقاعد؟ اخاف انتظر واندم، واخاف اقدم الحين وبعدها اكتشف ان كان عندي فرصة في الجامعة اللي كنت احلم فيها.

اذا احد مر بنفس التجربة او عنده نصيحة، اتمنى يفيدني. والله محتاجة اسمع اراء مختلفة.

جربت كل شي

جربت اكلم الدعم، رسلت تيكيت من يومين وللحين محد رد، واتصلة بس مافي احد يرد علي

تعبتتت له كم يوم زي كذا، ما اقدر اغير التخصصات الي اخترتها واذا حذفت تخصص ما اقدر ارجعه

فكرت اقدم على جامعات من موقعهم بس ما اعرف التاريخ لكل جامعة

مدري من جد وش الحل ومافي طريقة ارتب رغباتي إلى من هذي المنصة

ايش الشركات الي توفر بعثات للغير حديثي التخرج
غير معادن

يعني تعتبر في مستوى اعلى و لا

انا خريجة ثانوي ونسبتي ماتدخلني امن سيبراني ( مع انه حلمي حرفيًا ) فا صفيت على اختيارين
تقنية معلومات بتبوك أو مسار هندسي بتبوك؟!
قريت عن المسار الهندسي بعد التحضيري عندهم هندسة حاسب
والكأس جاني على تقنية معلومات لأني حاطتها فوق
أرفع المسار الهندسي ولا اخليه تحت؟!

السلام عليكم أنا بين خيارين واحس بحيرة مره وأتمنى من اللي خبرة أو تجربة يفيدني
عندي خيارين:
طب وجراحة في جامعة الإمام محمد بن سعود الإسلامية أو تقنية المعلومات بجامعة الملك سعود

انا من زمان جدًا كان هدفي الطب بجامعة سعود وكنت أذاكر وأتعب وأحاول أوصل له وكان حلمي أدخل طب جامعة الملك سعود لكن الآن بعد ما صار الموضوع حقيقة وقرب وقت الاختيار ترددت وخفت من الطب وكذلك كل شوي اقول لنفسي ان هذي مو سعود هذي الامام اخاف ماتكون مخرجاتي ممتازة لأن وراي اختبار هيئة واشياء كثير ،، حاولت أشوف محاضرات طب في اليوتيوب عشان أتخيل الدراسة، لكن ما حسيت أنها شدتني مره خفت اكثر وفي نفس الوقت شفت محاضرات لتقنية المعلومات وما عجبتني بعد

و المشكلة الأكبر أني أصلًا من أيام الثانوي ما أحب الحاسب أبدًا ومع ذلك صرت أفكر فيه بسبب الفرص الوظيفية والرواتب وكل ما أقرأ عن تقنية المعلومات أشوف ناس يقولون إنها تحتاج شغف ولازم تكون تحب المجال لأنك بتتعلم باستمرار حتى بعد التخرج، اوكي أنا مستعدة أجتهد وأتعب بإذن الله لكن بصراحة ما عندي أي شغف تجاه الحاسب
وبالنسبة للطب، اللي مخوفني مو الدراسة الصعبة فقط بل كمية المذاكرة الهائلة وطول المشوار والمسؤولية الكبيرة واللغة الانقليزية اخاف ما امشي فيه يا جماعة أخاف أدخل وأكتشف أني ما أقدر أكمل

خصوصًا أني في الفترة الأخيرة صرت أخاف من اتخاذ القرار بعد ضغط الثانوية والتحصيلي
هذي أفضل فرصتين عندي حرفيًا ، برضو عندي نظم معلومات بكلية الحاسب لكن مدري المهم اني اخاف أضيع فرصة ممتازة بسبب
التردد ، ارجوكم ساعدوني ما تتخيلون كيف ضايقة فيني )؛

اذا كنت تمريض اقدر احول الى هندسه ؟